عشك الجبل

البارت 41

هزيت جتفه بقوه ....
كوووم ..عايض
شلت مي بارد يمه وذبيته عليه
...
فززز يشاهك من بروده المي...
صاااح وهو يمسح وجهي ...شبيكم اكو واحد يكعد بشر هيج...

لزمته من ياخته ...كتله بحده
كلت بشرر...بس الحيوانات هيج يكعدوهه
وانته والحيوان واحد ...
الحيوان ما عنده غيره على اهله وانته مثله ..
الحيوان يتصرف بدون عقل اربعه وعشرين ساعه لو بالع لو سكران ...ولك متستحي
اصحى على روحك...
كاال  صوته كوه يطلع لان خانكه...
وانته شلك دخلك ...اشرب اسكر فلوسي واني حر بيها
ركعته بالحايط ..وعطت بي
لك حمار لك سافل وامك واختك
متفكر بيهن...لك انته حرام يسموك رجاال .

يحجي مثل الخبل فاقد الوعي بدون ميفكر ...
المخدرات والسكر اكلن عقله ...
جبل خليني اطلع ...مالك شغله بيه
جبل طلعني ..

ركعته بالحايط وكمت ...كتله
تحلم بعد تطلع من هل غرفه ... لو
تصير رجاال وتعوف سوالفك لمكسره
وتدير بالك على امك المسكينه واختك ...
لو تبقه هنا تتعفن مثل الجلب ..
عفته وطلعت ...دمي احترك منه ما قاهرني غير امه المسكينه ...الي كل ما تشوفني تسائلني عليه
وخطيه تموضت من وراه ...
لشوكت يبقه هيج لازم اسويله حد...
كملت كم شغله ...وطلعت للبيت
مشتاقلها واحس قلبي لايب لشوفتها ...
طلعت طاير للبيت اخذتلها بطريقي كم نوع ككو
ادري بيها تموت بيهم...
خابرني جاسر بلطريق ..
كتله :هله ببن العم ،
جااسر وصوته فرحان:هله بيك ابو اسد ،شنو وينك
وين صرت...
كتله واحس بي فرحان :بلطريق خويي...بس كلي اليوم
الصوت فرحان شصاير ..

جااسر :ااي والله لك اليوم بدي ...احرك الجوو بلرمي
جبل يضحك عليه:لك شنو شصاير خااف صاار عندك عندك ولد ولك ...
جااسر وهو يتنهد بحسره:ولك دخل اعرس اول شي ...منين ييجي الولد واختك هسه يله فتحت الجبسه...
جبل وااني اضحك على هذه المخبل :هههههه والله اختي طلعت لاعبه بيك لعب...

جااسر وهو يجر حسره:ولك يا لاعبه بيه .. هلكدوتها
وشعلت اهلي شعل ...ولك زلمه شطولني
صارلي عمر متانيها ...وهسه يله فرجتها عليه
جبل :والله حقك يخوي ..هو البلا كله منهن ...واحنه
ضالين وراهن ليشوفنا ولا يكول حالنه بلاهن..
جااسر وهو يضحك بخبث:والله ووكع الذيب...٠
وكعتك موو وانته النجر ...
جبل ويحجي وديم مغايبه من باله بنبره عاشك :ولك وكعت ووكعتي جايده ..وحالي مو احسن من حالك يخوي...
جااسر ويضحك من قلبه :والله لو اشوف بعيوني ما صدق...الجبل ابو اسد ..وكعته وحده
لا والله اليوم سهرتنه طويله تعاال بسرعه ...

كتله ..جايك جايك

سديته واني اضحك على روحي ..قبل كم اسبوع ليشوف حالي ..ميصدك
هذه انه ..وانه اباوع على علب الككو الماخذهن الها
كمت كل ما شوف شي اتذكرها ..
واعرف لتحبه ولتكرها..
وصلت للبيت اخذت العلاكه ونزلت...
وصلت للكعده لكيت الكل مجمع ...كعدت بصف جااسر
ضلينه نسولف لنص الليل ...وضليت اصنف على جااسر
وهو يضحك عليه ويريد يعرف منو الكدرت توكعني ..
بس الكعده كلها عيوني ادور عليها ...ماكو خفت لا
صاير الها شي ..دزيت الها مسج وماكو رد
كلش خفت عليها ..استاذنت وكمت
رحت كبل الغرفتها ...فتحت الباب الغرفه ضلمه وبارده ثلج...
اتخبلت عليها شون هيج عايفه التبريد ..من كل عقلها
فتحت الضوه نصيت التبريد ...
خليت العلاكه علميز اليم الجربايه...
اباوعلها خرب اهلج على هل خلقه ...ملااك يربي مو بشر ...الخدود حمر والخشم احمر والشفايف دم
نوعت شماغي رفعت الغطا نمت بصفها وسحبتها الحضني ...وجها صار على صدري حضنتها الي حيل ..
كمت ابوس بيها اريدها تكعد ولهان على عيونها..
همست بشوك...ملاكي..ابوس خدودها واعضهم بهداوه
اتوجعت وكالت بصوت كله نووم...اووي جبل اكعد راحه
خلي اناام ..
دحست راسي بركبتها...يروح جبل كومي مشتاكلج
شبيح تنبل مال نوم كل ما جيج ..نايمه
خلت ايدها على صدري ...جبل شكد خبيث والله تعبانه اليوم جاان عندي عمليتين متت تعب ..
شلتها خليتها على صدري واني اشم بشعرها ...
لعد وااني ماالي حق بيج ...كاعد جوه وميت خوف عليج عبالي بيج شي وتالي حضرتج بسابع نومه
...كملت واني اكلها بخبث
عوود جايبلج ككو من لتحبي وياي
هيه سمعت ككو فزت بسرعه وكعدت على بطني...
كالت صدوق حبيبي وين الككو ..
كتلها واني اكرص خدودها ..وج ملعونه مو جنتي نعسانه هسه من سمعتي ككو صحصحتي..بعيونها ..حبيبي وين الككو
والله جوعانه ككو ..
كمت اضحك على طفلتي الجبيره ...اول مره اسمع واحد جوعان ككو ...
كالت بتوسل وعناد:اي ااني ااجوع ككو ...يله وينه مو جبتلي...حبيبي
مديت ايدي للميز وسحبت العلاكه ...
كتلها اخذي ...يروح حبيبج انكلبتي طفله من شفتي الككو..
هيه مو يمي بلشت تفتح بي وتاكل ولا يكول دكتوره وومعروفه ...اباوعلها وهيه تاكل
اشتهيت اضوك الككو من شفايفها ..
جريتها اليه ..واخذت شفايفها الكلها ككو بين شفايفي
وكمت اكل ككو من شفايفها ...
سمعت صوت عياط وخرتها بسرعه ...
كتلها واني ااكوم  ..شنو هذه الصياح
كالت ..جنه صوت فهد اخوك
جبل واني امسح شفايفي ...خل اروح اشوف لا صاير شي ..
ديم بقلق:اوكف خل اروح ويااك ،
جبل بعصبيه واني اريد افتح الباب ...وين جايه بهذه لبسج..روحي لبسي شي مستور واحسن لتنزلين ابقي هناا...
عفتها وطلعت بسرعه ...فتحت الباب شفت سياره جاسر شخطت بسرعه ...
وفهد يصيح ...
ركضت لفهد ..شككو فهد شصاير
فهد وهو يلهث :اللحك جااسر اتعارك ويه ابويه وجدي وطلع خااف يصيرله شي بهل ليل...وهو طالع ميشوف من العصبيه ...
كتله وااني كل شي مفاهم..ركضت لسيارتي وعطت بي
اصعد سيارتك خل نلحك بي ...بسررعه
.............*
ضرغاام
صاارت الدنيا ليل وليلى من الضهر نايمه ...
طلبت ااكل ..خليت الاكل بلغرفه
كعدت يمها علجربايه ...اتلمش شعرها ...
وليلى نايمه ...حبيبي كلش اتاذت
ادري كلش صعب عليها انطتني اعز شي عدها ...
بس هذه الصار زااد حبي وشوك الها ..هسه اريدها اكثر من قبل ...
هسه عرفت شكد تحبني ،وشنو مكانتي بقلبها
همست وااني ابووس خدودها...
عمري كله ...فدوه االج يكلب وعقل ضرغاام
همست بحنيه ...ليلوو قلبي
كاالت وهيه بعدها نايمه  ...هممم
كمشت اديها وابوس بيهم...كومي يقليبي اكلي
كامت تتمغط ..عووفني ضرغام ماريد اكل
سحبت الغطا منها ..
وشلتها وااني اكلها...الظاهر الدلع ميفيد ويااج
اكومج بطريقتي ..
عاطت..جااسر عووفني شكد لئيم
كعدت دكعدتها بحضني ...كمت اكرص بخصرها وهيه لابسه قميصي ..
ااني لئيم موو...
كامت تعيط..ولك ضررغام كاافي ..لااا لااا مو انته
اني لئيمه عوفني..
كمت اضحك عليها ...حته تتادبين وتحجين ويه رجلج باحترام ..
ليلى بعناد وهيه تريد تكوم من حضني:ومن رجلي هذه
الي لازم احترمه...
شبكتها من بطنها...وعصرتها عليه
وهمست باذنها ...حابه اذكرج منو ما عندي مانع
بس اريدج تاكلين حته اجمعين طاقه ...للعياط

كالت بخوف..لااا حباب اذكرته اذكرته
ضرغام وهو يوكلها بيده...ما تجين الا بلعين الحمره ...يله كوولي ااه

ليلى وبعدني كاعده بحضنه تخمني من الاكل ...كاافي ضررغام  والله حطك من الاكل ..
ضرغام وهو يشيل قطعه لحم..يله هااي الاخيره لخاطري ...فتحي حلكج

ليلى بتوسل :حبيبي ماا ريد شبعت والله
ضرغاام بحدده:كتلج بس هااي
اكلتها وااني احس معدتي حطك من الاكل ...
يله اكلتها لتعصب ...
..بعدين الدنيا ليل شوكت ترجعني لاهلي ...
ضررغام بجديه:ليلوو ليش ما اخذج لبيتي كبل  ...صرتي مرتي بعد ...مااكو اهلج ااني اهلج
ليلى اتفاجئت من حجيه :لاا ضررغام حبيبي ..محد يدري اني صرت مرتك ..وتعرف اهلي ميقبلون تاخذني بدون عرس ..
ضرغام بضوجه:ااي لعد نقرب عرسنه ونخلي نهايه الاسبوع ...
ليلى وااني احااول اقنعه :حبيبي كليتي ختخلص مبقه شي الها..ما اكدر اوفق بين زواج ودراسه ..
خلي يمر بس هل شهر يا روحي وبعدها ..اصير ابيتك والك وحدك ..
ضرغام بعصبيه :ليلوو مليت والله مليت اريدج يمي بحضني  ...انتي صرتي مرتي الى متى تبعدين عني

**
ضااع الهوى ..امسيت جمرا في جوا
في اجفني دمعا اذا انزلته الكون ارتوى
ينتابني حزنا كما حزن الذي يمكث  مريضا..ابنه
محتارا في ثمن الدوى...

..............💔