عشك الجبل

البارت 15

ام جبل: كومي الشيطانه لا تتبسبسين عبالج ما سمعج ..
جدتج تعبانه ما ريد اصيح كومي ..
غزل: گايمين گايمين عيني ...كومي يعسل ويانه لا ندبك ادور من الشكر الزايد البيج ...

گامت ديم وهيه تضحك على غزل وحجيهه بعد ما اتعارفن  الي تگلهه:
ما مصدگه هذه الجمال ..انتاج عائلتنه
لعد حضي شبي ...منو مغير بالاعدادات

ديم: وربي عسل ...احم بس الزراگ الي جوه جنجج شنو وهيه تغمز لغزل ..انتي مزوجه
غزل وهيه تكفشهه من شعرهه وتشاورهه: وج اگطعج اذا، جبتي طاري مزوجه بس مع وقف التنفيذ تگدرين تگولين  ... عود بعدين اكلج
ديم وهيه تفك اديهه من شهرهه: اووي صدك عوبه اذيتيني..
شنو مع وقف التنفيذ هاي ...بس بعدج صغيره مو مال زواج
غزل: سالفتي طويله نگعد گعده بعد ما تصفه هاي الهوسه واحجيلج ...تعاي صدق انتو رجعتو لهنا يعني تستقرون

ديم:لا الصراحه رجعت عمود بيبي ام امي مريضه وتريد تشوفني خطيه دائما اتراسل ويه ولد خالو ...
وهيه تضل تبجي وبس تريد تشوفني ..
وجنت متشوقه اشوفكم...من حجي بابا عليكم
لذلك شجعت بابا الي جان خايف من جدو ..واجينه

غزل: لعد شعدكم راجعين وانتي سمعتي انو جدو راضه عمي ...
ديم:غزل اني حياتي مستقره اهناكه ..اني دكتوره
وعندي ويه بابا اسهم بمستشفئ كبيره وعيادتي الخاصه ...
ما اگدر اترك كل شي وارجع...
غزل وهيه مصدومه: صدگ ولج انتي شون تعرفين تحجين مثلنه..
ديم گامت تضحك :بابا من لما انولدت، اصر انو يعلمني لهجته
واصول الدين وكل شي ...
سمعنه صوت هوسه جوه ...اگلج غزل شنو هذه الصوت

غزل وهيه تگوم من الجربايه وتجر ديم وياهه:گومي ولج، هذه صوت جدي امشي خل اشوف عمي الاجنبي

نزلنه واحنه ميتات ضحك...

شفت واحد ضخم يبوس بادين بيبي وبيبي شابكته وتبجي ..
وجدي كاعد ومتجي على عصاته يباوع عليهم  ...ودمعته بطرف عينه ...
عرفت هذه اكيد عمي ..همست لديم
لا تكولين هذه الصاك ابوج ...
ديم وعينهه على جدي ..
اي هذه الصاك على كولتج ..
كتلها روحيله...واني أئشر على جدي

باوعتلي بتردد...
جريتهه من اديهه ..وصلنه لگدام جدي
رفع راسه ...صلى على محمد
ادي گامت ترجف علعوجيه ...تعاي بويه لجدج ..
تعاي يبت الغالي ...
حضنت جدي ..
وره شويه سلمت علي ايويه وعمي عامر
وفهد الي من شافهه كال:عمي متاكد هاي لبنيه بتك لو خاطفهه وذاب بتك الجلحه هناك ...
گمنه نضحك عمي كال: ديم نسخه من امهه نفس لعيون ونفس الشعر ...
رحت العمي الكاعد بصف بيبي ..
كتله: لحد هسه ممصدگه عندي، هيج عم صاك
كام عمي حضني وكال منو هاي ام السان
كتله عمو هستوك اجيت لتشن الحرب وياي
گام يضحك ...بيبي كلتله
هاي غزيله بت علي الصغيره ...ام السانين
كتلها: ها بيبي اجه ابنج وحفيدتج الجديده، بعتيني سهله
كلهه كامت تضحك ...
جدو قرر يسوي غزيمه حته يعرف الكل بديم ويخبرهم برجعت عمي...
لحد هسه محد يدري، راح يرجعون بس اني
ففضلت السكون لان الكل حسبالهم رجعو نهائي ...
------
بلليل ...الساعه 12:00بتوقيت البصره
جبل:
قبل ليدخل عمي جوه ....
استاذنت لان اجاني شغل مهم ...واحد من المتهمين اثناء ميحولو للمحكمه، شارد...والدنيا مگلوبه

رجعت بلليل هلكان من التعب ...گلبت الامه لحد ما القيت القبض عليه ...

دخلت البيت رحت للحرس
جيكت الاوضاع يمهم...

رجعت ارد ادخل من باب الصاله ...
لمحت ضل بلحديقه مشه سريع ...گلت بلليل منو هنا خفت لا حرامي لان كثرانه بهاي الفتره ..گلت منو يجرء ويدخل لبيتي ..
كمشت سلاحي ..مشيت على كيف ويه الحايط
شفت شخص ميبين من الضلمه كامش شي بايده ...
گلت اكيد هذه حرامي ..
اجيت من ورا ..كمشته قوي بايد والايد الثانيه
خليت المسدس علي راسه ما ابده ولا حركه او قاوم
...

جبل بصوت خشن: حركه وحده افجر راسك بالمسدس ..
عار ..ولا حس
كلبته بلكاع وصرت فوگه...والمسدس براسه ...

وخرت ايدي من حلكه ..واخذت البيده..
اباوع تليفون وصوت ولد يصيح..
ديم،وينج...بيج شي، ديم
ضويت بلتليفون على وجهه ...

كلبي گام يدگ قوي ...

العيون خضر مقتوحات عوسعهم الدموع والخوف ماليهم ...
والخشم جنه سله سيف ...والشفايف الترجف من الجوف ...
لو الشعر المنثور بالگاع ..قصه ثانيه
عباره عن نار كبره بديه ...
جمدت ابكاني جسمي گام يرجف همست بدون ...ربي،ملاك منزله من سماك ...وج شني هل عيون يسبون عشاير ...
لو الشفايف ...والله اسويها مكاتل حته اضوگهن ...
همست وعيوني على شفايفها الي يرجفون..ووخر مني حباب،
والله ممسويه شي ..
اني ديم بت مازن ...

  +٢