#ثلاثيني21
،وانا م شايفه قدامي وماشه على مهيد و اول م خته الجك من يدو وإتحرك من جنبها وقفته قدامو واديتو كف طاااااخ وقولته ليهو تفوووو عليك ياااخي تفووو كل مرهه بتثبت لي إنو إنت اوسخ بني ادم ،طبعا بقت في لحظه بتاعه صمت وصدمهه غريبه في الغرفه،مهيد واقف وبعاين لي وملامح وشو ملانه غضب ،وامو مقلعه عيونها بتعاين لي،وانا واقفه وباخد في نفسي المقطوع،بعدها كملته كلامي وقولته ليها بتحس بشنو إنت لما تتواقح علي كدة؟عايز تثبت شنووو؟عمتو ليلى قالت لي ي بتي كدة قولي بسم الله في شنو مالكك؟قولته ليها اسألي ولدك المريض نفسياا دهه ،مسكني من يدي قال لي تعالي بقيت اتصارع معاهو قولته ليهو فكني م ماشه معاك وم تلمسني مره تانيه،امو قالت ليهو مهيد،قال ليها امي ولا كلمه خليك ساكته وم تدخلي،جراني وانا بتصارع معاه حتى المستشفى كلها لاحظت وبقت تعاين لينا وانا بقالع فيهو وهو ماسكني بككل قوتو،طلعنا بره فتح باب العربيه ركبني وقفل الباب وركب هو وإتحرك ،قال لي لغااايهه م نصل م عايز اسمع منكك ولا كلمه،قولته ليهو ع فكره انا بقيت م بخاف منكك فاهم ،لأنو بقت م بتفرق معي،في كل الأحوال إنت في نظري تافه وحقير ليس إلا،انا الشي المستغربه فيهو إنو إنت بتعمل كدة لييه؟بتكرهني للدرجه دي ليييه،بتحاول تستغل كل نقطه ضعف بتلقاها في طريقي ليييه؟هو سايق باقصى سرعتو وسااكت وانا بتكلم وببكي لغايه م وصلنا البيت،نزل فتح لي الباب قولته ليهو م بنزل انا وم بدخل بيتكك دة تاني كان...قبل م اكمل كلامي لقيتو جاريني وبضرب في الجرس،جات روابي فتحت قالت لينا مهيد وشهد؟دخل وهو ماسكني من يدي وانا بقالع فيهو،روابي قالت ليهو مهيد دقيقه في شنو شهد؟مهيد م فتح خشمو بكلمه لغاايه م دخلنا البيت جوة قال ليها م داير زول يجي يدق الباب دة واشر على غرفتو،فتح الباب دخلني وجاريني وراهو زي الغنمايه وقفل الباب بالمفتاح قولته ليهو إنت ،قال لي لغااايهه هنا خليك سااااكتهه اوعى تفتحي خشمكك بي كلمهه فاهمهه ولا لأ؟كفايه لغايه هنا إستحملتك بما فيه الكفايه وكل مره بقول الليله حتتغير،وبكره وبعد بكره،قولته ليهو اتغيير؟فعلا انا بتغير بس للاسوا وكل دة بسبب عمايلكك إنت اصلا بالنسبه لي حقير بس م إتوقعتك تكون مبتذل لدرجه إنك تهددني بي فيدويهات وريكوردات ،عايز مني شنو إنت نفسي افهم؟إغتصاب وإغتصبتني،عرس وعرستني وجبتني غصب رزعتني معاك في الجحيم دة،وانا م سائلاك مخلياك تعيش حياتك بالطريقه الإنت عايزها طيب بتتخابث علي ليييه؟إنت مريض نفسي ي مهيد فاهم يعني شنو مريض نفسي؟إذا بتعمل كدة علشان تدفعني تمن ال20مليون الإنت دفعتها لي إتكلم علشان انا ممكن افتح بيت دعارهه عديل واجيبها ليكم مضاعفهه وم انسى اخليك ذبون مداوم بس خليك راااجل واضح م تستخدم معي الأساليب الزبالهه دي فاهم حتى لو كانت الفاتحهه بيت دي...قبل م اتم كلامي اداني كف طااخ في وشي،قال لي إنتي جنيتي دة شننو البتقولي فيهو دة اموتك وانا وارتاح منك اموتكك؟قولته ليهو يكون احس إذا موتني بدل البتعمل فيهو دة،قال لي فيديو شنو وريكوردات شنو البتتكلمي عنها دي؟م انا بتاع الحجات دي فاهمه ولا لأ؟قولته ليهو واااو اطلع من الدور الإنت متغمصو دة إنت عارف الفيديو فيهو شنو م تحاول تتغابى اوكيه وبتاع الأمجاد كنت مخليهو ينتظرني جمب البيت علشان انا اطلع والقاهو واقف ويوصلني ليكك لا وكمان طالب مني اتحنن واتدخن ليك دامك راجل كدة عندك مره كامله مرزوعه في الغرفه هناك وبتأدي نفس الوظيفه يعني بتتواقح علي انا مالكك،قال لي اي بتاع امجاد؟سكتته،قال لي شهد اي بتاع امجااد؟برضو سكته ضرب لي الباب طاااخ قال لي انا بتكلم اي بتاع امجاد ردي؟قولته ليهو يعني م عارف ؟بطل دور الغبي دة ياخ إنت اوسخ من كدة م لايق عليك ابداا،إنت عارف اي بتاع امجاد ي مهيد بطل لأنو بتاع الأمجاد ياهو نفسو بتاع التكسي الأسي جبتو لناس روابي يوصلهم ابدا م صدفه ي مهيد ابدااا،سكتت مساافه قال لي فتحي كان واقف جمب البيت هنا؟متين الكلام دة؟سكتته،مسكني بكل قوتو قال لي لما اسألك انا ردي متين الكلام دهه؟قولته ليهو وانا ببكي إنت عارف متين عارف م تعمل لي فيها م فاهم شي ،إنت بذات نفسك كنت بتتصل علي وبتهددني بالفيديو بتاع امي وكنت عايزني امشي ليك مدخنه ومحننه علشان تاخد راحتكك معاي وكنت مرسل بتاع الأمجاد دة علشان انا اطلع والقاهو في وشي ويوصلني ليك كل الدراما الرخيصه دي عملتها علشان دة يحصل صح؟طيب م كان تعمل كدة ي مهيد كنت تطلب مني مش عايز تنوم معاي كنت حأرمي ليك جسمي دة في السرير تعمل فيه العايزو بس م تتواقح معي بالصوره المقرفهه دي ،كل م احاول اقول احسن صورتك في نظري إنت ب...،قال لي واتدخنتي واتحننتي يعني كنتي حتمشي صح؟كنتي حتمشي لو م امي وقعت صح ي شهد قال الكلام دة بي صرخههه وضرب يدو في الباب قال لي اعمل فيك شنو انا اموتك ي شهد اموتك ؟قولته ليهو م بفرق معي إذا موتني او نمت مع غيرك في النهايه إنت قبل كدة عملته نفس الشي على الاقل البتصل دة كان صريح وانا همشي ليهو برجولني وبرضاااي،لفه يديهو حولين رقبتي وقال لي م تحاولي تستفزيني وتجنيني بكلامكك دهه ف فاهمهه علشان والله حأرتكب فيك جريمه باقي اليوم دة،جيبي تلفونك، تلفونكك وين سألتكك انا ي شهد،قولته ليهو وإنت مالكك بيه،فتح الباب لقى روابي ورزان واقفين،قال ليها روابي جيبي لي تلفون شهد سرعه،قالت ليهو امممم بس انا م عارفه وين،قال ليها فتشيه من سابع سما جيبيه لي اسي،قالت ليهو طيب اوكيه،رزان قالت ليهو حبيبي،قال ليها م ناقصكك انا إتحركي من هنا وم تدخلي،وبقى ينادي روابي،قالت ليهو جيت هااك،رزان بقت تعاين ليهو وهي مخلوعه،قفل الباب طااخ وفتح التلفون وعلى طول دخل الواتساب لقى الرقم مرسل لي ،قال لي الفيديو فيهو شنو ي شهد؟بقيت ابكي وانا واقعه في الأرض بدأ يفتح الريكوردات من البدايه من اول يوم رسلو لي فيهو الفيديو واول ريكورد معاه لغايه اااخر ريكورد وعيونو دي بقت زي الشرار،قال لي من متين بتجيك الحجات دي؟فضلته سااكته وانا ببكي وهو زاتو قعد في الأرض وبقى يبكي زي الشافع قال لي فيديوهات وتهديدات بحجات زي دي وانا ااخر من يعلم ااخر من يعلم انا ي شهد ودة كلوو بسبب عنادك وقوة راسكك انا م بقدر افتح الفيديو دة بس اكيييد في حاجه غلط ،إستحالهةعمتي تكون كدة إستحاله ي شهد،انا بقيت حاسه نفسي اصغر من السمسمهه وانا قدام مهيد،وهو بقى يبكي زي الشااافع فضلنا سااعه كامله قاعدين في الأرض هو في ركن وانا في ركن ،بعدها وقف على حيلو قال لي تفتكري دي اخلاقي؟انا ممكن اعمل كدة ي شهد إنتي عارفه امك دي انا بحسبها امي واكتر مهما كانت الشي العاملاهو غلط اكييبد عندها اسبابها في كدة وم انا ولا إنتي حنحاسبها وعمرو دة م حيحصل،كنتي على الأقل تجي وتواجهيني وتحكي لي بالحاصل عشان زي الزمن دة انا كنت هكون حسمته الموضوع دة من جذورو حتى لو إتضطريت اموت البعمل كدة دة حموتو ي شهد،طلع من الغرفه ورزع الباب وراه وطلع الحديقه بره وبقى ماشي وجاي ،جا راجع شال التلفون قال لي التلفون دة حيفضل معي ماف شي إسمو تلفون تاني،وبما إنك شاكه فيني انا حأحل الموضوع دة ي شهد م تفتكري عشانك إنتي ابدا عشان دة موضوع بخص زوله هي بالنسبه لي خطين حمر وحتفضل كدة، بس بعد م أحلو انا وإنتي لينا كلام تاني بس لغاايه الزمن داك حتفضلي قاعدة في البيت دة م تتحركي منو شبر وانا م بخيرك في الموضوع دة حتقعدي غصبا عنكك،وطلع وقفل الباب وانا فضلته ابكي،جات روابي لقتني واقعه في الارض وببكي قالت لي شهد في شنوو مالو مهيد معاك اسي مش كنتو كويسين في المستشفى؟قولته ليها ماف شي،قالت لي ماف شي كيف وانتو اصواتكم كانت عاليه كدة،قولته ليها روابي الله يخليك م قادره اتكلم انااا،قالت لي طيب قومي قومتني قعدتني في السرير،مهيد طلع ضرب تلفون وقال الو امجد كيفكك تمام؟اسمعني قريب من المستشفى إنت؟خلاص امشي لي امي لمن اجيك لانها براها وكدة،طيب خيير إن شاءالله،بعد م قفل ضرب تاني تلفون وقال الو ،فوكس كيفك ،مهيد معاك ياخ م عرفتني معقوله،تمام الحمدلله اسمعني،عايزك في موضوع كدة ضروري،اااي،اسي م عندي مشكله،لسسه م خليت جمباتك إنت ي زول هههه،طيب جاي عليك خليك قاعد محلكك...بعد م خلص من مشوارو رجع المستشفى لقى امجد قاعد يتونس مع عمتو ليلى سااي،امو قالت ليهو جيت وين شهد؟مهيد قال ليها في البيت،امجد كيفك تمام،امجد قال ليهو الحمدلله الحاصل شنو ي زول؟مهيد قال ليهو ماف شي سؤ تفاهم بسيط بس وإتحل،امجد بقى يعاين ليهو بعدها رفع ليهو حاجبو ،مهيد هزة ليهو راسو بمعنى ماف شي،قعدو فتره بعدها امجد قال ليهم ي جماعه انا امشي،مهيد قال ليهو م بدري ياخ،امو قالت ليهو جاي من الشغل تعبان النهار كلو في الشغل خلي يمشي،امجد قال ليها والله على قولتك ي خالتي ومن امس عربيتي في الصيانه،مهيد قال ليهو ليه مالها؟قال ليهو والله م عارف لكن بكره بستلمها إن شاءالله،مهيد قال ليهو خلاص خليني اوصلك ياخ بالليل دة م بتلقى مواصلات،امجد قال ليهو لالا م جاي بالمواصلات انا ياخ معقوله عندي حديدتي المخزنها في البيت ديك طلعتها مشيت بيها حالي ههه،يلا ي خالتي في امان الله،قالت ليهو يلا ي ولدي تسلم الله يديك العافيه 💕🌸طلع ومهيد طلع وراهو ،قال ليهو ارجع م تنزل معي ياخ خليك مع الحجه،مهيد قال ليهو تمام يلا نتلاقى باكر بإذن الله،مهيد رجع الغرفه ،امو قالت ليهو مالك مع شهد ي ولدي؟قال ليها ماف شي بعدها وقف في بلكونه الغرفه وبقى يعاين لي تحت،عدت يومين خرجوهم ورجعو البيت ،روابي كلمتني الصباح قالت لي إنو ام مهيد خرجوها وكدة،طلعته سلمته عليها قولته ليها حمدلله على سلامتك،قالت لي الله يسلمك،عايزة اطلع من الغرفه قالت لي شهد،قولته ليها ايوة،قالت لي كدة تعالي ي بتي طلعي لي ملابس من الدولاب ادخل بيها الحمام،قولته ليها حاضر،طلعته ليها جلباب قولته ليها دة؟قالت لي على زوقك بس،اديتها الجلباب،قولته ليها اشوف ليك الحمام لو م جاهز اجهزو ليك وبعدين ليه م شربتي اللبن دة؟قالت لي قلبي اباهو بس،قولته ليها طيب ممكن اعمل ليك معاهو جنزبيل او حلبه بطلع لزيز،قالت لي خلاص كويس،دخلته الحمام جهزتو ليها جيت طالعه قولته ليها اساعدك تنزلي؟قالت لي لا بمشي براي هههه،قولته ليها طيب،عايزة اطلع من الغرفه إتلاقيت مع مهيد داخل،م رفع عينو عاين لي وانا نفس الشي وعلى طول طلعته مشيت المطبخ إشتغلته مع روابي الفطور،جهزناهو ،دخلناهو ليها الغرفه ،روابي قالت لي شهد خلي رزان تعمل القهوة والشاي لعمتو،عمتو ليلى على طول قالت لينا لالا م دايره وملامح وشها إتغيرت،روابي قالت ليها طيب انا بشرب قهوة وبعملها ظابطه اجيبها تشربيها معاي؟قالت ليها كان كدي معليش،قمنا طالعين قالت لينا ماشين وين ؟قولنا ليها حنطلع علشان تفطري،قالت لينا الاكل دة البياكلو كلو منووو انا براي؟روابي قالت ليها عمتو اسي انا شربته كبايه لبن بي بسكويت م بقدر اكل تاني لكن شهد دي صحت وعلى طول جاتك هنا م اكلت حاجه،قالت لي تعالي ي شهد اكلي،قولته ليها لاا،قالت لي تعالي بلا لا معاك تعالي غزريني،روابي رفعت لي حاجبها قالت لي امشي،مشيت قعدته ،طبعا انا مستغربه فجأهه المره دي غيرت طريقه تعاملها معاي ي سبحان الله فجأهه😨قعدت اكل براحه،قالت لي اكلي عديل اسي كان بتاكلي زي الناس كان بقيتي زول زي باقي البنيات ديل اكلك بطيئ شديد😂👊💔قولته ليها ههههه إضافه لي إنو بنيتي ضعيفه،قالت لي ماف حاجه إسمها بنيه البياكل دة بس بسمن،المهم ونحن بناكل إتظارفت معي كدااا وانا قاعدة على اعصابي وعامله حساب للساني م صدقته إنو خلصنا اكل وم سألتني انا ضربته مهيد لشنووو ،مع إنو كان فيهو شي من عدم الإحترام ليهو قدام امو بس ابدا م سألتني دي الحاجه البتصدم هنااا،طلعته من الغرفه وانا بقول لنفسي لالا هو اصلا المره دي م ساااي مستحيل تسكت على حاجه حصلت قدامها زي دي،عاينته بإتجاه غرفه مهيد ورزان اتفاجاه في مهيد واقف وبرجع لي رزان شعرها لي ورا وهي قريبه منو شديد وبتكلمو بالهمس كمان😭😭😭😭👊💔رزان لما شافتني قالت ليهو إحم،إتلفت عاين لي فكاها انا على طول واصلته مشي على المطبخ ،بعدها مهيد قال ليها رسلي لي الحجات البتحتاجوهم عشان اجيبهم معي وانا راجع اليوم تمام؟قالت ليهو حاضر حبيبي برسلهم ليكك واتساب💋جا طالع دخل لينا في المطبخ وقال لينا بكره انا عازم ضيوف غداء اليوم حجيب ليكم كل الحجات الحتشتغلو بيها في المطبخ تمام؟روابي قالت ليهو ماشي،عاينته ليهو بقرف م ركز معي طلع على طول مشى،روابي قالت لي مهيد دة مزاجي شديد ع فكره يعني اسي بكون كويس اسي بتلقيه إتنفسن،قولته ليها حاله المرضى النفسين بس م اكتر،بالفعل المساء جا راجع جاب لينا كميه من الخضار وحجات الطبيخ حتى روابي قالت ليهو دي حجات مناسبه كامله ههههه،اليوم التاني صحينا الصباح بدري بدينا نشتغل حتى رزان كانت معانا وخالتو علويه جات عملت لينا الكنافه وساعدتنا في المحشى وسبحان الله كانت بتعاين لي رزان بالعين البايظه ورزان كانت مشكله اغاني وترقص سااي،قريب لصلاة الضهر كدة مهيد جا على طول طلعت من المطبخ ولحقتو في الغرفه وتاني م جات راجعه،بعد م خلصنا شغل في المطبخ عملنا قهوة في مكانا وقعدنا نشرب فيها،رجعنا اخدنا لينا غفوة بعدها صحينا على صوت عمتو ليلى بتقول لينا ي بنات اصحن ،رفعته راسي قولته ليها في شنووو؟قالت لي اصحو عشان تجهزو الغداء،قولته ليها الضيوف جو؟قالت لي اي قاعدين بره،روابي قامت دخلت الحمام غسلت وشها ،لما جينا نطلع وقفنا في الباب مساافه قولته ليها الجا منو ومنو؟قالت لي بري م عارفه،طلعنا ونحن ماشين شايفه عمر اخو رزان قاعد ومعاهم امجد ومهيد يتونسو ويضحكو سااي،طبعا إتصدمته وإتسمرته في محلي،روابي قالت لي عمررر😨لييه م كلمني إنو جاي وبعدين مهيد شابكنا ضيوف ضيوف اسي ديل ضيوفو😑👊💔😣وانا ساكته بقيت اقول لنفسي معقوله مهيد دة متفق مع اخو رزان؟روابي جرتني قالت لي هي ها ارح نمشي قبل يشوفونا،دخلنا المطبخ لقينا رزان بتقول"جابهم لي مهيد اسي ي خالتي طبعا فاجأني مفاجأهه حتى انا م قادره اصدق 🙈خالتو ليلى قالت ليها جابهم بي جاي ولبستيهم بي جاي😇قالت ليها ااي عشان قال لي تعويض على حقاتي الإتسرقو مني يوم مشيت عرس بت عمتي ديلك 😍قالت ليها ماشاءالله بس اعملي حسابك المره دي،عاينته ليها لقيتها لابسه غبايش في يدها وسلسل وحلق ،وماشه موضه طبعا،عمتو ليلى قالت لينا صحيتو ،قولته ليها اي ههه،روابي قالت ليها اسي وينهم الضيوف😑😐👊💔عمتو ليلى قالت ليها بري😂😂😂😂👊💔رزان قالت ليها عمر اخوي دة بحالو م عاجبكك😪👊💔وبقت ماشه وجاي بتكشكش في الدهب بتاعها نظام عايزة توريني ليهو وكذاا هههههه،بدينا نجهز في الغداء وانا زعلانهه ومخنوقهه من مهيد دة خنقهه تقول امشي اديهو كم كف مره تانيه قدام القاعد معاهم ديل،جا قال ليها رزان اها الغداء جاهز؟قالت ليهو حبيبي ثواني بس،قال ليها إستعجلو طيب،قالت ليهو ماشي،وبتعامل ببرود كأنو ماف حاجه ،جهزنا الغداء طلعنا رصيناهو في الصفره ،روابي مشت سلمت عليهم انا عايزة اتجاوزهم امجد قال لي شهد م بتصافحي ولا شنوو؟جيت راجعه سلمته عليهو وعلى اخو رزان سلمته ليهو بغيييظ ورجعته المطبخ،لما جو يقعدو على الصفره امجد اصر إنو نجي نقعد ناكل معاهم ولو م جينا م حياكلو،بعد جوطه وتحانيس وي خالتي بتخجلي مننا ولا شنو و...المهم وافقنا انا غايتو بالجلاله قعدته،وفي راسي الأفكار بتضارب كل شويه اكل ي ربي البس مهيد صحن ملاح ام رقيقه دة؟ولا البس عمر اخو رزان السرويس بتاع المكرونه بالبشاميل دة،واما رزان دة لا هي انا المفروض احشي ليها ورق العنب دة بمناخيرها احييييييييهه بسس 😑اصلا م اكلته بعاين لكل واحد فيهم وبفكر انا اعمل فيهو شنو،وهم يتونسو ويضحكو ويفتحو مواضيع ومهيد ولا كأنو هاميهو شي،في عزز الاكل جرس الباب ضرب،قمته على حيلي مهيد قال لي خليك قاعدة ،قام مشى فتح الباب كان صوت راجل سلم عليهو زين قال ليهو إتأخرته كدة مالك كنا منتظرنك نحن ي زول،كلنا بقينا بنعاين بإتجاه الباب ،فجأه نسمع زول بقول لينا السلام عليكم،إتلفته اتفاجأ ليك ببتاع الأمجاد واقف قدامي،فجأهه الجو إتكهرب،مهيد قال ليهو إتفضل ي فتحي إتفضل ياخ م محتاج عزومه عشان تقعد،فتحي بعاين في كل إتجاهات الصفره وهو مرعوب ووشو مخطوف،مهيد ضربو في كتفو قال ليهو سبقناك غايتو لكن برضو لحقته حماتك بتحبك ي فتحي ياخ ،قعد طبعا انا ع طول وقفته على حيلي،مهيد قال لي خليك قاعدة وعاين لي عين غريبه كدة،على طول رجعته قعدته،شال من صحن الكبسه بتاعتو ملعقه اكل بعدها رجع الملعقه مكانها ،رفع راسو قال ليهم مالكم وقفتو اكل إتفضلو ي جماعه امجد، عمر ،فتحي يلا سمو الله هههه،انا بقيت اعاين في مهيد بي إستغراب شديد،فجأ شال تفاحه ومعاها سكينتها قطعها النص وقال لي طبعا ي شهد ،قوله شهد دي رفعته راسي مخلوعه،كمل كلامو ب "عمر خطط،رزان راقبت،امجد كان حينفز"دة كل السناريو بالمختصر كدهه...
#نتلاقى®
