لا تنسوا التصووويت ⭐⭐⭐
والتعليق
⭐⭐⭐⭐⭐⭐⭐⭐⭐⭐⭐⭐⭐⭐
**بقلمي رفل حسن**
نايمه بعمق وراحه لما حست بشي علئ خدها بدا يصحيها حاولت تفتح بس نعسانه مكدرت ظلت مغمضه وهي تحس بجهاد يبوس خدها ويكعد بيها
جهاد وهو يبوس خدها:-يله حبيبي كافي نوم ......
ورد بنعاس:- اوووي جهاد دخليني انام ....
جهاد وهو يضحك:- خايبه غوربت الدنيا مايصلح نومه المغرب مو زين....
فركت عيونها بلكوة ورفعت نفسها ....
جهاد كام وجرها من ايدها :-يله غسلي وجهج وصحصحي ونزلي يم البنات انه رايح للمضيف واتعشه هناك ...
حضنته وهي بعدها نعسانه مغمضه ودفنت وجهها بصدره:-ماشي هسه حنزل ....
مسد علئ،بطنها :-اكلي عدل حتئ ابني يتغذئ ....ماريد اسمع ما ماكله ورد تصير مو زينه وياج
حركت راسهه بمعنئ،اي وابتعدت عنه طلع هو من الغرفه وهي طبت للحمام تغسل وجهها ....
تقرر زواج نمر وزهراء بالعيد الجبير علما تكمل اخر شغلات البناء ببيت نمر ويتأثث ....ورد بلشت اثار الوحام تبين صارت تحب تنام هوايه..وحامها صار بمعدتها ونفسها تلعب من الاكل ........
فاروق الحقد بداخله كبر كلما يتذكر تعامل ورد ويا من شافهه بالبستان ...علاقته بنمر صارت زفت من خطب زهراء ...يريد يكسر جهاد وكبريائه الغيرة اكلت كلبه اكل الحسد الي يملي كلبه تجاه جهاد كولش جبير يحسده عالشيخه وعالاحترام والتقدير من الناس يحسدة لان اخذ احلئ وحدة من بنات عمامه وهو رادهه ..يحسدة لان الكل يحسبله الف حساب
كل هذا واضافه الئ السم الي تبثه ندئ براسه يزيدة حقد
جهاد عندة اربع عمات سعاد وكريمه وسناء د وزهرة .. سعاد الجبيرة من العمات عايشه بالخليج من سنين طويله اتزوجت تاجر وراحت ويا وعدهه ولد اثنين ونادرا يجون للعراق وحدهم مو ويه امهم ...الهه شخصيه قويه تشبه ابو جهاد الله يرحمه ...دزت خبر هي جايه تبقه باجازة طويله تحاول تجي كل سنه بس السنه الفاتت ماكدرت تجي زوجها تمرض ومكدرت تعوفه وتجي يعني صارلها سنتين مجايه لبيت اهلها ....ورد شافت الكل مخبوص وانفتحت وحدة من الغرف الجوة الي افتهمته هاي غرفه سناء من جانت بنيه ومن تجي تنام بيها ....
ورد:-اكولج زوزو ليش هيج الكل مهتم بجيه عمه .... وعمه كريمه البارحه من من بيبي كالتلها اختج راح تجي ضاجت
زهراء:-لج عمه سعاد تكدرين تكولين الصكارة متقبل بالغلط لذلك كل عماتي يخافن منها بس هن كلهن زينات بس عمه كريمه جانت دائما بينهن مشاكل وتخاف منها كلش
ورد:-اهاا اتشوقت اشوفها لان ما اعرفها
بيوم جيه سعاد حضروا لذبايح وكل ولد وبنات ابو خالد انعزمو عالغدة حتئ يشوفون اختهم
ورد هم مخبوصه وكل شويه واحد من احفاد عماتها يوصخون هي تعزل وترتب بس نورة وزهراء ميخلنها تمسح ...
أنت تقرأ
حب اجباري(باللهجه العراقيه)
Romanceتذهب في زيارة لبيت عمامها الذين لم تراهم منذ سنين فتتفاجاة انها ذاهبه من اجل زواجها من ابن عمها دون علمها كيف سيتعامل معها ابن عمها وهو شيخ عشيرة معروف هل سيتحمل تصرفاتها العنيدة وهل ستتقبل هي زواجها منه
