#ثمن_طيبتي#
البارت الرابع .
غدير وسام ..
حسناء ...لج يازلم ..اياد يطلكني .وابوج واخوتج مو بعيد يذبحوني .
فيحاء ..دبرينا لعد من نجيب ١٧ مليون ..والناس الي تطلبج منين توفيها وهاي تريد منج بلشهر ٥٠٠ منين تنطيها ..
حسيت روحي بدوامه ..مالها نهايه متاها دخلت ومااعرف منين اطلع منها
حسناء ..شسوي
فيحاء اني اتصل بااياد واشرحله الموقف .وافهمه
رجعت لبيتي .. غسلت لاطفالي واني مو بلدنيا بنتي الجبيرة بلثالث متوسط جانت تفتهم وحسوني .. هم كبر .بس مريومه صغيرة .. بليل ..نمنا حسيت نفسي محتاجه حضن اياد لان جنت خايفه ..نمت بحضنه ..
اياد ...هلايام مو طبيعيه اكو شي
حسناء ..تعبانه من الصيام .
اياد ...اتركي .ياعيني ..اني ممخلي عليج وعلى اطفالي قاصر .
حسناء ..اياد ..اذا اوكع بشدة توكفلي
اياد ...شنو نوع الشدة مثلا
حسناء جاوبني .
اياد .ههه لا طبعا .بيه حيل اوكف بشدات اني روحي طالعه .
حسناء . سحبت نفسي منه وثاني يوم
اياد .. حسناء شنو هذا الكلام الي سمعته صدك
حسناء ..شسمعت
اياد متورطه بشغلة فلوس
حسناء ..اي مثل مسمعت انضحك عليه ..
اياد .. شلون .بس فهميني ..واني وين من كل هذا ..لج شلون
حسناء ..لاتلومني هسا شوفلي حل وراها شتسوي سوي ..
اياد .شنو مالومج فهمي شلون حجيتله .
ايا..كومي اوديج لااهلج خواتج مجتمعات ونتباصر
حسناء صار بس ابدل للاطفال
اياد ...دعوفيهم احنا نشوف شكو ونرجع .
وصلنا لااهلي ربع ساعه وطلع .كال ارتاحي كم يوم هنا
ابويه ..تعالي ولج شلون هيج تسوين
اخوني ..صياح وغلط ..لااستشاريتي لاكلتي اخوتي ..ابويه ماخليتينا بين عيونج
اجتمعو وراحو عليها الحق وياها وكلشي ضدي رجعو خايبين .ويصيحون عليه واني ساكته شريد احجي غبيه وانضحك علي
طلعت ثاني يوم اشتكي عليهن وارفع قضيه بلطريق دك تلفوني
اياد ...حسناء اني طلكتج وبعد مالي دخل بيج واطفالي يمي
حسناء ..صدك تحجي اياد لو تتشاقه
اياد ...الله وياج حسناء .سدة ..بوكتها وكعني من سابع سما لسابع ارض .اني بلشارع وين اروح .كعدت على الرصيف وبجيت شسويت بنفسي اني مجان بنيتي بس ردت اساعد بشر وهاي تاليتي .مديونه .ومطلكه وانحرمت من اولادي رجعت .لبيت اهلي .
حسناء....مو كتلج فيجاء .يطلكني بس يعرف
فيحاء . يمه صخام ..طلكج .لا ياناقص . شنو من بشر هذا
حسناء .. شسوي ولجن دبرني اخذ بناتي وابني مني
فيحاء ..هسا اكل لابوج واخوتج.يشوفوله حل
حسناء ... عوفي ميسوة العتب .بعد هو لو يجبني ميعوفني . هنا بدت مرحله جديدة من حياتي ..رحله حربي لوحدي لان بعد فترة الكل فجأ ة صارو انبياء .وملائكه منزهين وبدون اخطاء ..اني بس الي غلطت ..رفعت قضيه عليهن .. وبعد مراجعات ومصاريف خسرتها لان كلشي جان مضبوط ومحبوك بدقه تقرر ادفعلها بلشهر ٥٠٠ اخواني واخواتي قررو كل واحد ينطيني ٥٠ بلشهر ..والباقي اني ادبرة بديت ادور على شغل ..اشتغلت فراشه بمدرسه .. فترة ..وبعدين حصلت شغله . عامله بفندق بنيه دزتني ونطتني العنوان لمن رحت ..استقبلني ولد كال تغسلين حمامات ..
حسناء..لا اعتذر صح محتاجه شغل بس مو لهاي الدرجه
الولد..كال .لحضه.تكدرين تغسلين جراجف وغيارات للغرف
حسناء ..اي اكدر
طيب ..من باجر تعالي باشري واشتغلت
اغسل ..جراجف بس محد من اهلي عرف ..الي جان مسؤل عن شغلي ..رجال ب٤٠ من عمرة جنت الاحض نظرات غريبه منه اليه .. ومتعجبني ابد استمريت شهر وعيونه تكص بيه .ويسمعني كلام الى ان بيوم ..اجه كال حسناء ممكن اححي وياج
حسناء ..تغضل ..
اني اريد اتزوجج متعه .
حسناء .نعم
..... شبيج ..كلامي واضح اني معجب بيج وارتاحيتلج واريدج متعه
حسناء ..لا ياحقير شفتني ..دروح من انعل ابوك لاابو شغلكم .طلعت من الشغل ابجي .بهاي الفترة هواي انعرضت عليه هاي الفكرة وجنت اسكت بس فاض بيه
رحت للمحكمه لان طعنت بلقرار .. والمحامي مقبل ..فعينت .غيرة جانو يسمو .ابو عزيز . ابو عزيز شلونك
ابو عزيز .. كليلي عمو بنتي
حسناء ...صار عمو .
ابو عزيز ... اسمعي ..قضيتج . جان اخذت منحنى ثاني لو مهتمين بيها .بس ترا انتو هامليها او محاميج متقصد يهملها
حسناء ..شلون ..يعني
ابو عزيز ..ماادخلج بدهاليز القانون بس اكلج محاميج مجان بصفج .. واني راح اتصرف
حسناء الله يخليك عمو ..
رجعت واني عندي امل جان خميس .واياد قرر يجيب بناتي وحسوني خميس وجمعه وسبت يمي جنت طايرة ومشتاقتلهم كومه .. عندي كم فلس .اتسوكت ورجعت للبيت
ابو حسناء ...انتي وحدج وكوة جارعيها للعيشه وياج انوب انتي وجهالج
حسناء .. يابه هما بس ٣ ايام
ابو حسناء ..ماكايله شي ..شوفي مالي خلك اخذيهم بغرفتج واذاطلعو لو سمعت الهم صوت اطردهم
حسناء ..صار ..غرفتي جانت بلصيف بدون مروحه وبلشتاء بس صوبه كهربائيه وعلى الوطني والوطني ابد متجي جنت اموت برد وحر بس جارعه وساكته .اجوي ..
مشتاقتلكم ماما .وابوس بيهم
مريم ..ماما تعالي ويانه
زينب ..تعبت بدونج ماما وحسين يعاند وميدرس .
YOU ARE READING
ثمن طيبتي
ChickLitقصه منقوله للكاتبه غدير وسام سلسله حكايا وقصص قصيره، معاناه امراه عراقيه الحكايه الاولى ثمن طيبتي قصص.عن نساء عراقيات. ، والتطرق عن كل تفاصيل حياتهم ومعاناتهم والظلم الذي يتعرضن له
