تائه في الانتقام

/11/

مينا :صدك الله يرحمهم ...
سعد : هذا عماد واشرت الها ع صورة عماد ..وهذا مصطفى ..
مينا :فتحت عيوني تذكرت الموقف لم راد يقتلني بسام وبديت الهج باسم ابني مصطفى عرفت ليش ماقتلني ..بدت دموعي تنزل
سعد :شبيج ليش تبجين

مينا :تذكرت اخويه مصطفى هم مات مقتول من 4سنوات ..

سعد :صدوك شلون مات ؟!
مينا :عمل ارهابي ماتو اثنينهم اخوتي وهم بعدهم شباب بمقتبل العمر وبديت ابجي

سعد :حتى اخواني هم شباب عماد متزوج وعمره 36ومصطفئ 22قبل سنتين مصطفى قتل صديقه عن طريق الخطأ مما ادى الئ هدر دمه من قبل والده الشيخ .. وصار هجوم علينه وقتلو منه 6ولد عمامي اخواني اثنين ...والصدفه هسه شيخ الهدر رئيس مجلس المحافظه ..

مينا :الله يرحمهم ..بهالاثناء جنه نسولف طبت الحجيه هي وزينب ...وشافتنه نسولف كالت الي ...حجابيش هذا شعرج نصه طالع عيب ...انستري ...اني طببت شعري بالحجاب سعد ابتسم باوعلي وراح ...اني گتلهم تصبحون على خير ومشيت اسحسح بالدشداشه الجابه الي بسام طويله وعريضه جنهه خيمه مو دشداشه ..رحت اتمشئ بس الصوت يوصل للممر الي يوصل للدرج سمعت الحجيه تكول لزينب ..خابري بسيم خل اكله هي الجايبهه البلوه تدك فچ وي سعيد لايبلونه تعال سوي حل الهم ....
مينا يااخرب بقيت صافنه هي شبيهه ليش هيج دتسوي مجرد دنسولف شسالفتها هي ..

صعدت لغرفة الجهال بيهه سريرين كل سرير طابقين البنات الي اجو عرفتهم بنات  اخو بسام ..بقن يمنه اثنين اعمارهم 10و14ووحده راحت وي امها فرشت الي بالكاع 
تمددت وتذكرت كلام بسام ويا ناديه ..معقوله ينتقم من رئيس مجلس محافظه ..شبي تخبل هو وينه وينهم ..شنو الي يريد يوصل اله ..مافكر باهله ..بجهاله ..زين شنو فلمه ..

مرته وين لسه مااعرف عنهم شي ممختلطه وياهم ...باوعت للبنات بنات عماد اريد اسئلهم شفتهم نايمين ...
شويه ونزل حمودي ودخل ويايه بالفراش...ولف ايده ع رقبتي .يمه خفت تذكرت ابو من اغتصبني .بعدته مني.لسه اعاني منه ومتالمه وحالتي النفسيه متدمره ..حيل بس شسوي.اريد اعيش.بعدهه متت قهر ياربي حظنته وبجيت اريد توفي ميته ميته شوگ اله ..ياربي شوكت اشوفه ...

بسام : ناديه رجعت للبصره بعد ما توسطت الهه غفران تشتغل داخل الحركه بالمحافظه بديت اتواصل وياهه تكول بعد مااحصلت شي ..ع اعصابي بقيت ..وافكر بمينا وبلي سويته بيهه كرهت حتى الشقه ..الي سويت بيهه فعلتي ..صرت ليل نهار افكر بخواتي وبنتي وبنات اخوي شون سويت هالفعل .. راح فكري لمينا خاف تفكر تنتقم تخابر احد وتكول اله على انتقامي واروح بيهه او اهلي وتاذيهم او الجهال يمهه ..رجعت اعيد النظر بتصرفاتي الي كلها غلط ..
اخذتني رجليه لبيت اهلها دگيت الباب فتحته   امها وبيدهه ابنهه مصطفى ..اخذته منها انقهرت عليه حييل ..
ام مينا :عفيه ابني مينا شونهه بخير بس گلي
بسام ؛خاله بنتج اني لمصلحتهه بعدتها منا خاف لا يأذوهه

ام مينا :هي ماعدهه اذيه والله ليش يأذوهه

بسام :كعدت اهديهه ومصطفى بحظني ..ويلعب وياي ومامستغرب

وحجيتلهه ع الفديو وابوهه يمنه مايحجي بس يبجي وطمنتهم عليهه وكتلهم هي بمكان امن ..رجعت الطفل لبيبته واخذت ابوها للطبيب وكلما امشي ..بي بالكرسي المتحرك اتذكر مينا من اغتصبتها كلت اذا يعرف ابوها وهو عاجز شراح يصير بي ..وبديت افكر ببنتي وعيون مينا وهي عاجزه جواي واني اتلذذ بيهه ميفارگني ابد اخذته للطبيب وكتب اله علاج ورجعته للبيت شفت ام مينا وابنهه مصطفى روحي تعلقت بي وهو شون حلو يبتسم للهوا دمه خفيف وعنده عيون امه بالضبط ...رجعت وكتلهم شتحتاجون اني حاضر ..ام مينا :ابني عفيه اريد احاجي مينا فدوه ..
بسام :صار خاله بس تصير فرصه اخليهه تحاجيج..
بسام :رجعت للبيت والسنويه الثالثه مالت اخوتي الاسبوع الجاي وابوي جاي من العمره لازم اروح ....بعدهه اجاني اتصال من سعد گلي ابوك يريدك وحجالي شون مموافق ع وجود مينا ...كتله اوك اني اجي وافهمه ..

بعدهه خابرتني امي ومحااااضره شطولهه عن مينا وكالت تسولف وي سعد ومتلبس حجاب وتشكل ملابسها ...اوووو خررب لازم اروح أدبهه هي متتأدب ابد ...
مشت الايام..طلعت من بغداد رحت للنجف ..زرت اخواني هي الذكرى الثالثه الهم كعدت يم قبورهم كالعاده اسولف وياهم واحاجيهم بس هالمره خجلان منهم ..لان سويت هالذنب واني بنيتي انتقم الهم ..بس اذيت شخص مااله ذنب..اووف مااكدر انساكم ولاانسئ الصار الكم ..
#مانسيتك💔
انته مو بس فاركتني هددت عمري بمشيتك
#مانسيتك ياجرح يلجم بروحي وماظن تخلص أذيتك
#مانسيتك لوعشرتك مثل باقي البشر جان تعذريتك
#مانسيتك انت زارع بيه شجره وماتن اغصاني بعجل من فاركيتك
مانسيتك من تظيك الدنيا انسه الناس كلها ولاتظن مره نسيتك...
طلعت من النجف ..گلبي انقبض مثل كل مره واكثر ..وتوجهت للبصره ...اني وماهر ننزل سوه ...وصلنه ...
ورحت لبيت اهلي يالله كدرت الحك ع سنوية اخواني ...وصلت الظهر.. مشفت مينا لان عدنا نسوان بالبيت واني بقيت بالحسينيه يم الزلم سوينه الهم ثواب للمرحومين وانتقامي بعده بداخلي متغير شي..شفت ابوي سلمت عليه وبوسته
بسام :يابه تره مكدرت اجي من جيت من العمره سامحني
ابو بسام :بعدين نحجي من يخلص الثواب
عندي حجي وياك وعتاب ماراضي عنك
بسام :صار يابه على راسي
خلص الثواب وصار المغرب رحت للبيت دخلت شفت امي كاعده بالكاع نزلت عليهه حظنتهه بدت تبجي وتنعي
ولك يمه صار 2سنوات ومانسيتهم يمه گلبي شاب نار نفس نار اول يوم حظنتهه ماتحملت بجيت وياهه وهي تگولي لاتعوفني انت ابقئ قريب الي ..هي تبجي واني ...
مينا : صار يوم السنويه مالت اخوانهم ..البيت انكلب كومه ناس ولبسو اسود ..زينب شافتني لابسه ملون انطتني دشداشه سوده وشال اسود ..لبستهم.....سوو ثواب ...انقهرت على اخواني حتى ثواب ماادانسويلهم ..قريت الهم الفاتحه ..وبجيت  خلص اليوم...جنت واكفه بالهول دخل بسام ونزل ع امه وظلت تبجي وتنعي وهو ظل يحاجيهه ويبجي وياهه ..اول مره اشوف بسام بهلحاله ماصدكت اول مره اشوفه هيج مهزوز ..ومكسور.. ويبجي ..معقوله هي العيون القويه هم تضعف وتبجي ..شكد جنت احب عيونه ..بس من اغتصبني شفت موتي بيهن ..وهسه اشوفه يبجي ..لااراديا نزلت دموعي ويا ويا امه وتذكرت اخوتي الماتو بنفس الطريقه هم غدر وهم ظلم بس جانو ابرياء .تذكرت امي ومن فقدنا اخواني شكد تعذبنا ..حسيت بمصابهم ..كانو مصاب خواني.جنت شايله حمودي..حاظنته بايدي وهو لازمني من ملابسي . ولابسه الشال ع النص وشعري طالع نصه .اتقرب مني بسام ..عيوني صارت بعيونه ودموعي تنزل شلال ..لزمني من ايدي وخزرني وگال تعالي عندي حجي وياج .
يتبع ..   لاتگولون قصير بالليل هم انزل
ησяα