اعادة
#لمة_بنات ٢
الفصل ال 8 و 9 و 10
صاحوني اطلع اله ... دمعتي نزلت ..
وماكدرت امنع نفسي عن البكاء كنت مطروحه بغرفه امي ..زينب طلعت الهم كالت تعبانه مابيها حيل
هو طلب يجيني ودخلوه عليه . اني مطيه ضهري ما ادري بيهم ..
امي
"كومي يمه سلمي على رجلج
كعدت حاولت اسفط شعراتي المبعثرات
عافتنا امي وهو كعد يمي
واحد صافن على الثاني ما نعرف من وين نبدي ..
ختمها هو قضى على الي صار بينا واخذني بين احضانه ..
..........
نورة
تيم " ادري يومين ما اتخابرين ؟؟.
" مشغولة وماعندي فرصه اخابر اخاف امي اتلاحظ فخففت
"المهم اشلونج .. ليش قطعتي الرسائل
" ماعندي اشتراك جان
"اهااا
شخبار الدراسه
"والله دا ادرس وعلى الله
يلا تيوم اروح امي اصيحني
سديته ورحت
.......
خابرني بعد يومين
بعد السلام بدا العتاب
"احسج متغيره ...شنو غير الضروف ..دوم انت اتخابريني جنتي ونفس الضروف
" ليش عصبي هدأ
" يا الله .. نورة حيل اشتاق الج هليام وانت دوم مشغولة .
" لا والله بس اخاف صرت اخابرك اني هم اشتاق الك بس قدر ضروفي
.......
زينة
اجاني تيم وشكى الي حاله ..صارلها مده نورة تتحجج اله ومتغيره ...ومايعرف شنو المغيرها
"شنو اتكول الك كن اتعاتبها
"اتكول خايفه من اهلي .شنو الفرق هي من يومها
هاي ضروفها
ابتسمت وكلت اله
"الي اتغير البنية اتريدك تتقدم خطوة ما اضل ضامتك عن اهلها وهذا حقها
صفن بوجهي
"يعني معقولة اتريدني اخطبها
لا ما اعتقد ما كالت الي بيوم هيج شي
"وما راح اتكول الك ابد لكن راح تتغلى عليك واذا ما اصرفت راح اتظن انك تلعب عليها ..دربالك
سكت ما ناقش وراح ..
..........
زهراء بعد ما بديت اجهز بنفسي .. اتوفى زوج خالة ميسم وتأجل الزواج وهاي مرت ثلاث اشهر على وفاته .. قررنا نسوي العرس بعد اسبوعين بس ما يعزم هو من طرفه بس اني اعمل حفلة وبدينا نعزم الناس
.........
نورة كنت ادرس واجاني اتصال من تيم
رحت للسطح
" تيم هلا بيك
"اهلا ...نورةاني قررت ارتبط بيج رسميا ..
سكتت انسطرت .
الو
الو
ا
اتوقيت وكلت اله
"هااا
"شنو ها اجي لو لا
'هلا بيك
كانه مضغوط او غصبا عنه حسيت احد لازم عليه سكين وواكفله
سد الخط
.......
زينة اجاني تيم
هههف هاي شنو كلش صعبه المصارحه
كان يمسح بوجهه
مدري اشبيه ارتبكت صدك جذب
ضحكت وكتله لأن اول مرة ..
بيومها صارت ببيتنا ضجه من امي عرفت يريد ياخذ بت ايمان الثانية .. لكن بابا فرح اله وكال بيض وجهي كدام اخوي تيم اخوك سوة ثغره بينا ..اريدك انت اسدها ..
خابر ابويه عمي وكال اله يريد يجي يخطب بته ..
انريد ناخذ اذن قبل ما انروح الهم
امي كالت خو اخطبوها فد مرة على الاتصال اشعدنا مسافرين .. تيم ما قبل كال حسب الاصول نمشي .. وضال يلح علينا ....
............
ورد
جميع افراد البيت انصدموا من تيم حاجي بنورة يريدها وامي عارضت واتعاركت مع بابا لكن بابا كال انطيها لتيم يعني انطيها هذا الولد وين الكه منه .. حتى نعمان وعثمان حيل يحبوه وثورة امي ما نجحت وزهراء شفتها سكتت من سمعت بالموضوع ما انطت ابد رايها ..
ونورة من سالها بابا سكتت خجلانه وانطينه خبر الهم موافقتنا وكالوا نهاية الاسبوع نجي حتى يعقدون ..
اجوا النا . عمي ومرته و تيم فقط
امي وبابا واخواني و وخواتي كلهم التموا مع بيت عني ابو تيم . وعمي ابو تيم اتحدث وطلب ايدها رسمي من بابا .. بابا ابتسم وكال اني منطيك من غير ما تطلب
عمي " بس نسمع البنية ...موافقه لا
امي وجهه ما يتفسر اتكول زينب مرت نعمان .. لأن اني ما طلعت الهم
.......
نورة كنت بالهول كاعده وحدي .. واهلي بالاستقبال وصاحوا الي
قلبي احسه راح يطلع من مكانه واعرق ..
كمت الهم ارجف
عمي ضحك على حالي ..اني مدنكه
عمي بنتي احنه اليوم مثل ما اتعرفين جايين نطلب ايدج لأبنا تيم وانت اتعرفيه وخير الج من الغريب
موافقه مو
رفعت راسي بالكوة شفت امي نضراتها على الفراغ حزينه جدا .. باوعت لتيم كاعد بهيلمانه وهيبته الي يا ما بجيت ايام وليالي لأنه بعيد عني اقصد قلبه من كان بعيد عني ..
عمي "ها بابا
بابا"اكيد موافقه
عمي"اي بس اسمعها منها
اني مثل ابوها
باوعت لعمي وكلت
"لاااه
