بائعات الهوى

الجزء الثاني

جنة..اسمهه الحقيقي جنان..وعمرهه اثنين واربعين سنه..هية اكبر وحدة بينه..مزوجة وعدهه اربعة اطفال..تلث ولد وبنية..قاسم..ورعد..وجاسم..وبنتهه الجبيرة..شهد...يمكن تستغربون..من سالفتهه..جنه عاشت..طفولتهه ..من كبرت شوية حلمت تزوج وتكون عائلة حلمت بليلة عرسهه وبزفتهه..وبالفعل من صار عمرهه ثمنطعش سنه تزوجت..امهه كيفت وفرحتلهه..على نصيبهه اللي ماتأخر..كل ضنهه وضن عائلتهه راح تعيش سعيدة..والايام اللي جاية..راح تكون اسعد ايام...من وكتهه..الدنية مشت بالعكس وياهه ..اطفالهه جابتهم بطن على بطن ..ورجلهه مو خوش رجال ..جان باطل..وسكير..وما موفرلهه ابسط حقوق الزوجية..ودائما مخليهه معوزة..والفكر كاتلهه كتل..كامت تشتغل..وتخدم بالبيوت..وحتى بالمطاعم..حتى تكدر تعيل رجلهه واولادهه..ما خلت شغلة ما اشتغلتهه..تعبت هواي من الشغل..واولادهه بالموت ياله كبرتهم اجتي فترة..الشغل قل وهمة محتاجين فلوس للعيشة....متطلباتهم زادت ..والمدارس اخذت نصيب من مصروف العيشة ضاكت بيهم الاحوال..رجلهه جان ياخذ فلوس شغلهه اول باول حتى يسكر بيهن..ويصرفهن ع الكحاب مالاته..ومن نطلب شي من عندة يكوم يصيح علينه ويعيط..ويكول من اجيبلكم واني فكر..
مرة ..جاب للبيت شلة من اصدقائه..شربو ولعبو قمار..لحد ما مشة السكر بعقولهم..وفقدو ع الاخر..هيه جانت كاعدة بغرفتهه وية جهالهه وسادة الباب عليه..جانت كلش خايفة..منه ومن جماعته السكارة..وخاصة انهم طوخو حيل جانو يغنون..اغاني مو حلوة وجانو يتلفضون بالفاض عوذة منهه..
صاح عليهه رجلهه..خافت تطلع ونوب رجلهه يضربهه..صيح عليهه مرة ثانية بعصبيه..طلعت غصبن عليهه..خايفة ومستحية..وكفت بنصهم..كلهه تخنزر عليهه..حست يردون ياكلوهه اكل ...كالتله نعم...كاللهه جيبيلي فلوس شكد عندج ضامه...كالتله..الله وكيلك ماعندي ولا قمري..رجع صاح على بنته الجبيرة..حتى تجيبلة جزدان امهه..احتي من الغرفة وهية خايفة مستحية وكفت ورة امهه ولزمت اذيال ثوبهه ..وكالتله بلي بابة ...بنته جان عمرهه بذاك الوكت سبع طعش سنة..وهية البكر مال اولادة...من شافوهه السكارة حلت بعيونهم..كامو يغلطون ويسبون..ويتعاركون وياه..سحبو سجينه عليه ورادو يكتلوه...كالولة عندك هيج كمر وضامة علينه جنه..اخذت جهالهه ودخلت الغرفة وقفلتهه عليهه..وعلى ولدهه..كالولة انته مديون النه فلوس ..نريد بنتك ..مقابل الدين ..نتونس وياهه ونكضي رغبتنه ونسقط الدين اللي عليك...رفض وسبهم..وماقبل..من كامو عليه وضربوه اضطر يوافق..تخلة عن رجوليته وقبل يبيع شرفة وشرف بنته....دك باب الغرفة ..جنه..صاحت بيه وماقبلت تفتح الباب كالتله اموت وما اخليهم يمسون شعرة منهه..كام يضرب بالباب راد يكسرة بس مكدر ...طلعتلهم جنه..كالتلهم..هذا جسمي يمكم شتردون اسووون بيه سوو..بس بنتي خط احمر ما اخلي احد يتقربلهه..فرحو السكارة لان راح يقضون رغباتهم المريضة..ويروون عطشهم..
بهذيج الليلة جنه ضحت بشرفهه في سبيل تنقذ بنتهه ..من هاي الذيابة..انطت نفسهه..وما حسبت..للمستقبل..رجلهه لكاهه فرصة ..كام يشغلهه..ايجيب عليهه رياجيل يتونسون وياهه وهوة يقبض الثمن..وكلما جانت تريد تحجي يهددهه ابنتهه..ويوم ورة يوم لكت روحهه ماشية بطريق طويل طريق وسخ..ومامنه رجعه..
هاذ نموذج..لاخر..من اللي حكمتم عليهن وكلتو ...كحاب..نسبتو الهم القاب ضلمتهم..وخلتهم يحترفون الرذيلة ويتفننون بيهه..وما سألتو مجرد سؤال شنو اللي خلاهن يتبعن هذا الطريق..ارادتهن الضعيفة..لو اهاليتهن...لو ضروووفهن اللي رمنهن بهل طريق..اللي يمشي بيه..يضيع ويضيع الدنية والدين...
بائعات الهوى؟؟؟؟
بقت سالفتي..او قصتي او حجايتي..شتحبون اتسموهه سموهه..سالفتي طويلة..لهيج خليتهه بالاخير...اني اسمي زمن..وعمري اربعة وعشرين سنه..واني لا اشبه مهاوي..اللي قشمرن عليهه صاحباتهه..او وكعنهه بالغلط والرذيلة..ولامثل لمياء..اللي الجهل..دفعهه لممارسة الرذيلة والادمان عليه..ومو مثل سميرة..الجاهلة..الماعرفت مصيبتهه..ولا مثل سالفة جنه..اللي من ورة تضحيتهه وخوفهه سلمت روحهه ومشت بطرق اللا عودة...اني شي ثاني قصتي تختلف على كل هل قصص..همة اللي غركوني بالوحل..وبالذات..امي.. .."الام مدرسةٌ ان اعددتها.....اعددت جيلاً طيب الاعراقِ " اي امي ..اللي من الواجب انو تعلمني وثقفني وتوعيني..الام اللي اتجيب وتكبر وتربي..وتعلم..هي اللي فسدتني..الدنية اللي غدرتني..وظلمتني من بين الناس..وعذبتني...الحياة اللي طْمعت كل الناس بيه..وخلتني فريسة سهلة لكل صياد.....اني زمن او بالاحرى زيزي ....وهاي قصتي....