اشعار

رضيت شلون غيرك يحجي وياي

رضيت شلون غيرك يحجي وياي ؟؟
وغيرك تبقه لمساته بأديه
شلون انطاك كلبك يمر فد يوم
وشخص غيرك حبيب يصير اليه ؟؟
صدك ترضى ويه غيرك اسهر الليل ؟؟
وغير عيونك تباوع عليه
ترضى المستحه الي بعيني من الكاك
شخص ثاني يشوفه بكل مسيه ؟؟
وتذكر خوفي من اهلي كبل يافلان
لمن تتصل شيصير بيه ؟؟
اصعد فوك رأسا واقفل الباب
واذا صعدو نفس مايبقه بيه
وحتى اخواني ماتسمع حبيبي الصوت
اعوف فراشي واختل بالزويه
جنت كل الاريده احجي وياك
ونبقه ثنينه نسولف سويه
وجنت اتمنه منك حلقه وسوار
وتجينه لبيتنه وبيدك هديه
وبلكت اهلي ينطوني الك وارتاح
واضل وياك اعيشن للمنيه
وهسه شخص غيرك جوه بالهول
واجه وياه سيد حلهه اليه
واهلي وافقو وانطوني يافلان
تجي تلحك علي لو هاي هيه ؟؟
تجي تمسح دمعتي انته لو لا ؟؟؟
لو منك اكولن ماكو جيه
تعال
تعال
تعال شبيك اكلك جوه بالهول
والسيد بده يصيح عليه
وبس انزل يكلي بي تقبلين
ومااكدر ارفضه شلون بيه
تعال ادخل عليهم واكسر الباب
وكلهم بتكم انخلقت اليه
ترى صوت الهلاهل كالب البيت
وانه الطم على خدودي بأديه
مو كتلي يعمري اكلب الكون
اذا واحد غريب ادنه اليه
ترى صارت حبيبي وين الزماط
تعال الحك ولك عقدو عليه
حبيبي
حبيبي شلون لو يقفل عليه الباب
ويضل وياي يحجي بغير نيه ؟؟؟
اسولفلك بعد لو كافي لهنا
تدري انته شيريد بهل مسيه
يريد انطيه كلشي الي الك جان
شعري والشفايف والبقيه
واذا ماأرضى ياخذهن غصب يافلان
يربطني ويشك ثوب ال عليه
تعال ادخل عليهم واكسر الباب
وكلهم بتكم انخلقت الية😔😔☹️😭🚶🚶🚶

#الزعيم