وسكرت من سيف وخشيت جوا وحسيت روحي تريحت اشويا بعد كلمت سيف
وقعمزت قعدت انهدرز انا والبنات لعند نعسانا ورقدنا وعيت تاني يوم الصبح فطرنا وقعدنا اشويه بعدها مشينا للكوافير وطبعا كنت انا واسيل نمشو مع بعضنا حطينا اسيل في الكوافير انا وحسام ومشيت انجيبلها في قفطان امتاعها من خياطا الي تبي تلبسا
ونحنا في طريق كنت انهدرز انا وحسام رن فونا
حسام: الوووو
رغدا: ايو حسام
حسام: اه اهلا
رغدا: كيف حالك
حسام: تمام شن جو
رغدا: كويسا
حسام: في شي كنك
رغدا: لاشي بس سمعت ان اختك عرسها اليوم حبيت انبركلك
حسام: اها الله يبارك فيك
رغدا: العقبالك
حسام: وعقبالك حتي انتي
رغدا: لا خلاص انا انخطبت
حسام: انصدم وجها تغير . باهي الف مبروووك وكانت طلعا منا بكل قهر وغصا في قلبا
رغدا: الله يبارك فيك رنيت نبي نباركلك ع اختك ونقولها لكي ونبيك اتسامحني وتنساني يا حسام
حسام: هههه ومن قالك مانسيتكش اصلا
رغدا: حسام انا نعرفك كويس وكذب ع روحك لكن عليا تكذبش
حسام: لا والله مانك عرفتيني للاسف لان حتي انا خطبت
انا كنت نسمع في كلام حسام وعرفتها رغدا الي اتكلم فيه
رغدا: ههههه مش قتلك عارفتك كنك انسيتي وخطبت راك ماحكيتش امعيا عند تو لانك وفئ مستحيل ادير حاجه هكي لو في وحده تانيا في حياتك راك مارضيتش انك اتكلم بنت غيرها صاح كلامي ولا غلط
حسام: لا غلط لاني تغيرت وشكراً لانك انتي السبب في تغيري هذا
ومعليش تو انا انسوق لان مش فاضي بنسكر
رغدا: باهي مع سلامه
حسام : اوكي
وسكر وحطا الفون ع كترا ومابش ينطق بولا كلمه
انا: سامو من الي كلمك وكنك شن في
حسام: ساكت مايحكيش
انا: لان كنت عارفا خلاص حسام بعد ترقالا من سابع المستحيل ان يحكي ان شاء الله شن يصير يقعد ساكت عند مايهدأ
درسنا ع سمافرو وقعد حسام يفتش في دسكات وطلع سي دي وحطا وقعد يقلب ع سي دي عند ما وصل في الاغنيه الي يبيها وحلها وعلها ع اخير ولما بدت موسيقه وقفها ورن بفونا ع رغدا
حسام: اسمعي هذي
وعالها ع اخير
وعامل فيها مش شايف ومش عارف ايه معني الحب وعايش كل ايامك واحلامك في وهم وكدب خلاص دلوقتي ياخساره بقيت واحد معندوش قلب حاجات كتير جوك ماتت وانا ساكت ماقولتش لا وسايب دمعي يتكلم وبتألم وانا ع حق حقولك كلاما من الاخر اكيد قلبك ده عمرو مادق
قلبك ياحول الله باقي دلوقتي فاضي كل شي مات من جوها وانت كدا راضي
وايه في دنيا ده دايم سنين عايم ماشفتش بر مادام الحب مش نافع وايه الدافع دووق المر ياريت ترتاح وتنساني عشان قلبك خلاص باقي حر مافيش فايدا معاك خالص ومش حاسس بأي امل وحتي الصبر بينادي ومش راضي ومنك مل تعبت معاك كتير ياما ومش لقي لقلبك حل
قلبك ياحول الله باقي دلوقتي فاضي كل شي مات من جوه وانت كدا راضي
وكانت رغدا تسمع في الاغنيه وسكتا ولما كملت حسام سكر في وجها بدون مايحكي معاها ولا كلمه وكنت انا انشوف في حسام وهو منقهر ويتقطع من جوا
رنت رغدا كم مرا بس حسام ماردش عليها
بارت 41_42
ابدأ من البداية
