البارت الخامس والاخير
زياد.. شفتها وكعت كدامي رحت ركض الها ركض ذبيت عليها مي صحت
زياد. بخوف يسر شبيج
يسر. ماادري فجاه حسيت نفسي دخت
زياد. امشي كومي تروح لدكتور
يسر. لا مابيه شي عليمن دكتور
زياد. متأكدة
يسر. اي والله
زياد. تكررت هاي الحاله عد يسر هواي أخذها لدكتور يكول ضغط نفسي تعبانه ومن هالحجي وينطوها علاج استمرت على العلاج هم مرت فترة ورجعت انتكست اتعذب. اني من اشوفها هيج هم والله دكاترة لشمال وهاي نفس الحجي يكون علاج فترة تمر وترجع ضعفت بشكل الجهال يم امي واخوتي ونسوانهم
وديتها لبغداد.كالو معدتها السبب ولازم عمليه اني هم مجذبت خبر وافقت سوت عمليه رفعوا المرارة مالتها وانطوها علاج مااعرف شنو العلاج هم فترة ورجعت تتالم يمي وتبجي من الوجع مو يسر ام ضحكه الحلوة لا وحده ثانيه اخذتها لإيران ماكو فايدة
قررت اسفرها للهند حتلو ابيع الكدامي والوراي الفلوس العندي متكفي طبعا ابوي مقسم علينه الورث من زمان فاني حصتي جانت بيت راسا بدون تفكير بعت البيت مالتي مهمني اي شي بس المهم تطيب وتصير زينه اخذتها ورحت للهند كالوا صاير خطأ طبي بالعراق وأثر علىيها وعلى معدتها وهي مابيها شي شسوي اني وين اودي وجهي رجعنا للعراق وإني مأيس لان ماكو اي فايدة هواي ناس كالو سحر أخذها لسيد شي بس اني مقبلت لان ماصدك وماأمن بهيج اشياء سحر وهيج عايفهة على الله والنعم بالله تالي اختي ام همام وزوجها قنعوني أخذها لسيد رحنه لسيد معروف حجينه القصه اله كال
السيد. تاخرتو هواي يلا اجيتوا هواي منلحك نسوي الها شي بيد الله بقت
الفترة الي تمرضت بيها يسر وبين إيران وبغداد والهند 4سنوات
رجعنا من عده وإني بين المصدك والمامصدك سحر من الي يسوي الها سحر السيد مكال منو الي سوه الها سحر مقبل يكول مرت فترة تخربطت يسر وديناها للمستشفى ضلت يومين كالوا متطول
زياد. بالمستشفى وصاحتني تعال كعدت يمها لزمن لديه وتوصي بيه
يسر. زياد ديربالك على الأطفال امانه عندك
زياد كمت ابجي. لاتكولين هيج أن شاء الله تصيرين زينه ونرجع سويه
يسر. لا اني حاسه بمنيتي الأطفال امانه عندك ويحتاج أو اصيك عليهم ادري بيك انت شنو
زياد. كافي كافي لخاطري لاتحجين هيج
يسر. زياد
زياد. حياته
يسر. تعال
