تنهدت ..!!!
واني اباوع لفليفل ..
چان صافن ..!!
حاصر كل تفكيره واهتمامه بكل كلمه اكولها ..!!
لحظه حسيته كأنه غايب عن الوعي ..!!
فليفل .. !!
تسمعني ..!!
هاااااا ..!
عمو .. ليش جنت تساعدهم ..!!
انتبهت لفضوله البرئ ..
واني اسمع مبايلي يرن ..!!
آلو .. زين ..
هلا خيتي ..شلونج ..!!
خويه الحگلي وليدي راح يضيع مني ..!!
احجي خويه خير ..
ابني الكبير يحتاجله عمليه نقلته للمستشفى وماعندي ولا فلس ..!!
جايج خويه لاتشيلين همّ ..!
مسحت ع راسه واني اتحرك من مكاني مستعجل ..!!
وين راح تروح ...؟؟
رايح اساعد اختي ..!!
لا تباوع هذه النظره ..
هذا بالضبط الي اريدك تتعلمه من القصه ..!!
تحقيق المحبه ضد الكره هو الي راح يحررنا من الالام ..
من كل الامور السلبيه
الخير ماكان اسمه (خير) ....
لو كان وجوده بعالم الخير فقط ..!!
هو اصبح ( خير )
لمه واجه وحارب الكره والشر ..!!
اتمنى ماتنجرف
" ياصديقي الصغير"
لعالم بعيد عن برائتك ..!!
كل فعل خير يحمل محبه وتسامح لغيري
راح يرجعلي بيوم من الايام " مضاعف "
خليها تكون قناعتك
وحكمتك بالحياه ..!!
بقت هذه الامور تدور بذهني طول طريقي للمستشفى ..!!
تواصل ويايه ذهنيآ ..
اسمعني وأمن بتجربتي
لا تتحول لوحش ..
حتى لو عشت بغابه ..!!
(( السلام والمحبه والخير )) امورحقيقيه
اياك تغمض عيونك عنها ..!!
انطيها المساحه الكافيه بتفكيرك ..
راح تلكيها تسبق كل مواقفك ..!!
مامعقوله يكون الشر حقيقه ..!!
والخير وهم ..!!
مامعقوله يكون الظلم حقيقه ..
والعداله وهم ..
" لمه اساعد شخص سندني بيوم "
هذا رد الجميل ..!
لكن لمه اساعد شخص جرحني بيوم هذا " نبل "
الموقف الثاني هو انتصار حقيقي ع كل مشاعر قبيحه تحاول تمتد ..!!
وتلكى الها ملاذ امن بين تصرفاتنا وافعالنا
" الخير " فطره موجوده داخل كل بشر
ليش اترك صفه دخيله
تحاربها وتنتصر عليها ..!!!!
""""""""""""""""""""
: صارلي ساعه انتظرك
البارحه رحتت للمستشفى ..!!
: هلا فليفل ...
شنو هذه العوده الي بأيدك ..!!!
: جنت دالعب ..!!
: تلعب لو تريد تتعارك ..
: تريد تضربهم ..!!
: من همه عمو ..!!
الي ضربو بزونتك ..!!
اصدقائك ..!!!
: ماعندي اصدقاء ..!!
جاوبني فليفل ..!!
: اني مااضرب احد ..
شفتهم يركضون وره
( كلب ) صغير ..
اكيد يريدون يأذوه ..
: وانت راح تدافع عليه ..
كعد فليفل بالكاع
وكله احساس بالندم
: مالحكت عليهم ..
مثل المره الفاتت ..
مالحكت ع بزونتي ..!
اني ماجاي افتهم عمو
اكو اشياء افكر بيها هوايه ..!!
بس ماجاي افتهما ..!!
ليش الناس تحب تأذي
الاخرين ..!!
ليش لمه يشوفون شي ضعيف كدامهم
يتقوون عليه ..
ويدوسوه بلا رحمه ..
الضعيف لازم نساعده
اني عبالي هيجي ..!!
انت صح فليفل ..
الضعيف لازم نساعده
لازم كلنا نساعده ..!!
للكاتبه هدى ابراهيم
لاتباوع بهذه النظره ..
كتلك انت صح وليدي
: البارحه رحت للمستشفى مو ..!!
كالها بيأس .. وتنهد ..!!
وشكله ماحاب اجابته ..
: كملي عمو ..!!
: ماعندي طريقه اساعدك بيها غير انو اكملك ..!!
نكمل استاذ فليفل ...
اغلب مشاكل خواتي العائليه جان سببها
الفقر .. وحياتهم مع عائله كبيره ..
جان يعيشون بغرفه صغيره مع اهل ازواجهم ..!!
للكاتبه هدى ابراهيم
انتهت عطله نص السنه ..!!
كدرت اجمع بيها
مبلغ مالي زين ..!!
خصوصي انو العطله صادفت بالشتا ..
كدرت ابيع النفط
واستفاديت من ربحه ..
جانت لهفتي للجامعه عاديه ..!!
لكن لهفتي لحلم السفر تكبر كل يوم ..!!
كملت الكورس الاخير بالمقر ..
بقت لي بس امتحاناته
تصادف بشهر اذار
بعد الها شهرين او اقل
بقيت اقرء بتركيز ..
ابتعدت عن كل الاصدقاء ..!
استغل اي وقت املكه
بكل الكورسات جنت من العشره الاوائل ..!
حلمي اقترب جدآ ..
راح اتخلص اخيرا من البيت ..!!
او بشكل عام من البلد كله ..!
وابني حياتي من جديد
بعيد عن الكل ..
رحت لدوامي ..
تفاجأت انو الجامعه فارغه ..!!
شنو السبب ..
ماجنت اعرف ..!!
كلما اسأل يجاوبوني اجابات مبهمه ..
بأنو البلد ممكن ينقصف عن قريب ..!
مرّ اسبوع صعب ع ميسره ..!!
اختفت تماما ..!!
وزميلاتها بنفس منطقتها اختفو كذلك !
حسيت بفراغ قاتل ..!
وبقيت اتسلى واني اواسي نفسي بحلم السفر ..!!
اتجهت لمقر الامم المتحده ..
لكيتهم ديخلون اكياس تراب ..!!
استفسرت منهم ..!
كالو انو امريكا راح تقصف العراق ..!!
والوفود سافرو ..!!
جانت اقوى صدمه بحياتي ..!
حلمي الكبير انتهى وتلاشى ..!!
سألتهم : اذا ماهاجمتنا امريكا حيرجعون الوفود ..؟؟
گالولي يااخي باجر الحرب ..!!
انصعقت ..!!!!
حرب جديده يعني جوع وفقر من جديد ..!
حلمي تلاشى .. وضاع
ركبت الباص واني راجع ..!!
ارتسمت كل حياتي كدامي من قسوه وظلم وتعب وسهر ..!!
سألت نفسي شنو هذا الشؤم ..!!
للكاتبه هدى ابراهيم
فجريه انقصفت بغداد
استمرت المعارك شهر او اكثر ..!
بعدها سقطت الحكومه .. !!
بديت افكر يمكن اذا سقطت الحكومه حيكون النا امل جديد ..!
رجعنا للجامعه بعد مارجعو بعض الاشياء الي انهبت منها ..!!
رجعنا بروح جديده
وامل بالتغيير للافضل
امل انو نعيش بأموالنا ونفطنا مثل دول الجوار ..!!
كملنا السنه الدراسيه
وجنا مرتاحين ..!
ماجانت عدنا حكومه
مجرد حاكم عسكري امريكي مسيطر ع الوضع الامني ابغداد ..
ماجانت اكو خروقات امنيه .. ولاجان اكو طائفيه ..
اجمل ايام الشعب جانت فتره : (٢٠٠٣)
(٢٠٠٤) ...
انتهى الخوف من الحكومه السابقه
وما كو رهبه من حكومه لاحقه ..!!
رجعنا اني وميسره لنفس المقعد ..
بعد ماتأخرت هي اسبوع عن الدوام ..!!
لهذا السبب منعتها تكعد ع المقعد المميز
حسب القانون الي وضعته هي ..☺️
ظلت تحجيلي عن مطارده الامريكان لوالدها .. وسفره لسوريا ..!!
بقت تحجيلي هوايه قصص ..
جنت مشتاق لقصصها الي ماتنتهي ابد ..!
قصه مع قصه الى ان تنتهي الاستراحه ..!
وترجع تحجيلي قصه جديده ..!!
اشتاقيت لعطرها ..
لكل حركاتها ..
لهفتي القويه هذه ..
اعتقد انو هذا الشي (حب)
لكن اي حب ..!!
واني مافكر غير بعقلي
كل خطوه اخطوها
لازم احسب سلبياتها
وايجابياتها اولا ..
اما الحب فهو غريزه صعب نسيطر عليها
ما ممكن اكون متهيئ الها ..!!
لمه تسألني ميسره عن نفسي ..
جنت اجاوبها انو الحلم القديم ضاع .. حلم السفر ..!!
على امل انو يتحقق حلم جديد من خلال انفتاح العراق ع العالم الخارجي ..!!
ماجنت احجي اكثر ..
جنت احب اسمعها
هي بس ..!!
جانت سنه جميله جدا
ماجان اكو نظام يقمع الحريات ..
بدت الحركات السياسيه تظهر بالجامعات ..
وصارت منتديات وتجمعات وتحليلات لكل الامور ..
اني بعدني نفس وضعي ..
لا تطورت .. ولاتغير بيه
شي ..!!!
اخواني نهبو اشياء رخيصه ..!
واشترو بيها حصان ..!!
واشتغلو سوى ..!!
بعدها استقل كل واحد بعمله ..!!
ماجانو يصرفون عالبيت ..!
جانو يجمعون فلوسهم حتى يطورون اعمالهم
للكاتبه هدى ابراهيم
ميسره تغير اسلوبها وياي ..
كلام تلميح يدل ع انو هي حبتني ..!!
لكن بطريقه غير مباشره ..!!
جانت تكولي اليوم الي ماشوفك بيه هو يوم مظلم بحياتي ..!!
واني مثل هذا المقعد تمامآ ..!!
مجرد من كل الاحاسيس ظاهريا ..!!
بقت تباوعلي بتركيز وتبتسم ..!!
(( بشنو تحس لمه نكون سوى )) ..!!
جاوبتها احب اسمع قصصج .. وابتسامتج
تملين فراغ بداخلي ..!
جانت تحس انو اني شخص تحب تحمله من هموها ..!!
وتكولي انو فعلا اتخلص منها لمه نحجي سوى ..!!
تمنيت بداخلي انو حالي يكون افضل
وعندي عائله صغيره متوسطه الدخل حتى اكدر اعبر عن مشاعري للانسانه الي احبها ..
جنت جدي مااحب العلاقات المؤقته ..!
للكاتبه هدى ابراهيم
مااريد احرج نفسي ولاعائلتي ..
هي تعيش بمجتمع راقي ..!!
واني اراوح بمكاني
ماتطورت ولاتغير بيه شي ..!!
جنت اخاف من فكره حبي الها ..!!
كثير قصص تكول انو النساء الغنيات يتزوجون رجال فقراء
بمجتمعنا هذا الشي غير وارد ..!!
حتى لو حبو بعضهم
العلاقه راح تنتهي بعد الزواج ...!!
اختلاف جذري عميق بين مجتمعين ..
عادات وتقاليد مختلفه
وتقيد ديني وقبلي ..
كثير امور ..
كل هذا جنت افكر بيه ..!!!
للكاتبه هدى ابراهيم
اجيت مبكر كالعاده
شعلت جكاره بعد وجبتي الي شطبتها ايضا ..!!
لاني تغيرت نفسيآ
وصرت مااحب الاكل ..
واذا اشرب الجاي لمجرد انو احرك الجكاره ..
جتني ميسره ..
ابتسمتلي ..!
سألتني شنو الاخبار ..!!
كتلها لاجديد ..!!
كالتلي اكو شي اريد اكوله الك وراح اتقبل نتائجه ..🤔🤔
لكن بعد نهايه المحاضره الاخيره ..!!
يتبع ....!!
شتتوقعون نهايه حبهم البرئ هذا :
١-زواج
٢- فراق
بدل كلمه (تم)
شاركونا خيالاتكم الخصبه هاليوم ..!!
تحيات /الكاتبه
هدى ابراهيم
