قصه جديده .......
((((((عرض اول ))))))
#حكايه_رجل_ثلاثيني
للكاتبه :
#هدى_ابراهيم
#البارت_٨_
………………………………………………………
راحت والده فليفل
وبقت نظراتها الساخره
تأذي خيالاتي ..
شنو قيمه الحياه اذا فقدنا ايماننا بالسعاده والنجاه ..
بيوم من الايام ..!!
بالمنطق : شنو معنى الاستمرار بيها اذن ..!!
( الحزن ضيف لاتحسن ضيافته ) ..!
هذا رأي اغلب الحكم ..
والدمعه محطه ..
لابد نغادرها بيوم ..!!
نقطه الضعف الوحيده
الي تنولد منها (احزاننا)
هو تركيزنا وسيطرتها علينا ..!!
دائما الانسان الي يملك قلب شاكر وممتن لربه ..
هو انسان غني ..
مهما كانت ظروفه ..!!
كلشي يسيطر ع مشاعرنا ويتحكم بيها وبينا ويصبح حقيقه ثابته ..
راسخه بعقلنا الباطن
"" راح يتحقق ""
لابد يتحقق بيوم ..!!
شنو الفايده من الاستمرار بالتفكير السلبي .. والقهر
والالم .. والحزن ..!!
ليش مانعاند كلشي سئ بحياتنا ..
ونخلي ايماننا المطلق
بالرحمه الربانيه
هو الي يقود حياتنا
يقود كل تصرفاتنا
وقناعاتنا ..!!
للكاتبه هدى ابراهيم
اغلب الناس بهذا الزمن تسيطر عليهم مشاعر التعاسه واليأس ..!!
بدون اي نتائج وحلول ..!!
كلشي نفكر بيه وياخذ مساحته بعقلنا الباطن
يصبح حقيقه ..
نعيش تفاصيلها عاجلا او اجلا ..!!
اغلب الناس عدها استعداد تعيش التذمر
والشكوه .. والاحساس بالظلم عمر كامل ..!!
لكن ماعدها اي استعداد وقابليه تقاوم هالشي ..
وتسلك طريق التفائل
والايمان رغم بساطته وسهولته ..
ونتائجه العظيمه ..
وقدرته الرائعه ع تغيير كلشي سلبي ..
القناعه الوحيده الي لازم نتمسك بيها
ونخليها حقيقه ثابته
تقود كل افكارنا ..
انو :
"احساسنا بالسعاده"
رغم كل الظروف
هو الي يسوق السعاده لحياتنا ..!!
مو مثاليات
مو كلام تفائل جاي من عالم الخيال البعيد ..
هذه طريقه تفكير انسان انظلم من اول يوم ولادته ... !!
وعاش حياه صعبه وقاسيه ..!!
: اهلا فليفل ..
اهلا صديقي الصغير ..
: شراح تگولي اليوم ..
كملي عمو ..
كالعاده .. ماتسلم ..!!
ابتسم بخجل ..!!
شكلك مستعجل تسمع
يلله نكمل :
للكاتبه هدى ابراهيم
مرت الايام ...
تزوجو بعض خواتي ..
بين قريب وغريب ..!
توقعت انو بزواجهم
راح اخلص من مسؤلياتهم ..!!
لكن مشاكل المتزوجات ماجانت تنتهي ..!!
وكل ما تتزوج وحده
جانت تكول : انت المسؤل عنا ..!!
يشكولي كل همومهم
جنت دائما احل مشاكلهم بطريقه سلميه ..!!
بمجرد اذكرهم بحالنا وعيشتنا الصعبه ..!!
لمه يجي الزوج يصالحها تقتنع وترجع بدون شروط ..!!
المتزوجات الي چانو يشكولي وضعهم
هم نفسهم الي جانو يعاملوني بقسوه وضرب ..
ويتباهون بجمالهم وبياض بشرتهم گدامي
اخواني مجانو مهتمين بشي ..!!
