فصليتي دكتوره

الجزء الحادي عشر

سجاد/ ولك شلون تحجي هيج ويه اختي
ازل / اجه سجاد والصدمه اسمع بس صوت اعياط واحاول افككهم بس ما اكدر الى ان حسيت وقف الزمن بهاي اللحضه
سجاد / حقير كلب وهجمت عليه وضربته ضرب بعمري ما ضاربه الاحد
الى ان حسيت الولد اغمى عليه
ازل/ ولك سجاااد سجاااد شسويت
سجاد/ ما ادري والله مو قصدي بس والله انغثيت
ازل/سجااد مات الولد سجاد الحكه
سجاد/ امشي ناخذه للمستشفى يله
اخذت ازل ورحنه للمستشفى وخابرت اهل طارق وكلتلهم اجه ابوه الحزن بعينه  واخوه على نار كل شويه ويريد يضربني ويكمشو وامه منهاره وتبجي وتصيح علي اخوك راح
ازل/كمت ابجي مخروعه من المشهد الي بعمري ما رلح انساه
طلع الدكتور....
الدكتور/ انتم اهل طارق
علي (اخو طارق)/ اي احنه خير شبي اخويه خو ما صارله شي فدوه دكتور جاوب
دكتور / انا لله وانا اليه راجعون الله يصبركم ابنكم متعرض لضربه خطيره بالدماغ وبلحبل الشوكي وهاذا اده الى الشلل والموت بسبب الم الرأس
ام علي/ شنوو لا يمه ابنيي روحي من الدنيا ليش تعوف امك ياروحي ليش تخليني وضلت تبجي وتصيح جذب جيبولي طارق اريد ابني
سحاد/ اني ما عرفت شسوي عفتهم مختنك وطلعت بره ابجي بخنكه اني شسويت ولك سجاد شسويت
ازل/ شفت ابو علي يبجي وحاط ايده على حلكه وامه تهسترت واخته مصدومه وعلي الي جان يكول
علي/ولك ليش خويه كسرت ضهري بفراكك ليش ياروحي شلون راح اعيش بلياك يا روح روحي يا شلعي و ونيسي لا تعودت عليك خويه
ازل/ ما اعرف شصار بس دخت وصارت الدنيه سوده بعيني و وگعت گعدت لگيت روحي معلگيلي مغذي وامي يم راسي
ام ازل/ (تبجي) كعدتي يا روح امج خوفتيني عليج
ازل/ اني وين
ام ازل/ اغمى عليج وجبناج اهنا بس لازم نطلع لان اهل الولد اذا عرفو احنه اهنا يكتلونه
ازل/هئ هئ هئ ماما سجاد وين جيبي سجاد
ام ازل/ سجاد اخذته الشرطه وباجر ابوج راح يروح علمود ينطونه عطوه (مده)
ازل/ اووف يمه والله ما بينه حيل المصايب
ابو ازل/ يله احنه رايحين لا تخافوون كلشي يصير دگو على رقمي ماشي
ام ازل/ الله وياكم روحو
ازل/ وره ما راحو خابرت يزن ودموعي عشره عشره
...... في المكالمه الهاتفيه 📱☎️📞...
ازل ☆ يزن حبيبي الحكلي حيكتلون اخويه
يزن ☆ شنوو ليش يكتلو وشصار ازوله حياتي فهميني ولا تبجين ولا ما اتحمل
ازل ☆ اليوم من جنت راجعه الكليه صديق سجاد جان بالباب وسمعني حجي وعلى غفله اجه سجاد وسمع كل الحجي و اتعارك ويه صديقه وكتله كبل نقلناه للمستشفى طلع ميت وهسه بابا اخذ عمامي وراح ياخذ عطوه
يزن ☆ ازوله يا دنيتي محيصر شي لاخوج وحيطلبون فصل اكيد ما تصير دم ب دم متاكد
ازل☆ يزوني حياتي اوعدني تبقه ويايه
يزن ☆ اوعدج اني وياج وبظهرج لحد اخر نفس بيه
ازل☆ اهئ اهئ 😢😢
يزن ☆ ولج لا تبجين والله ما اتحمل لا اتخليني اجي لبيتكم هسه
ازل ☆ لا حياتي لا تجي بس اني خايفه هسه كولش على سجاد
يزن ☆ ميصيرله شي ان شاء الله
..... انتهت المكالمه وره ما طمنها بكلام رومانسي وحلو .....
رجع ابو ازل واخوانها وطلبو عطوه 10 أيام وره ما جان ابوعلي( ابو المكتول😂) مصر انو تصير دم ب دم حاليا سجاد بالسجن والبيت وضعه كلش حرج ما اعرف اهدء امي او اهدء نفسي اووف يا ربي شمنتظرنه
علي ☆ (رجعو ع البارت الاول وتعرفون منو ) بويه اني صابر عليه ومخليه بالسجن لخاطرك بس هسه لا ورب الكعبه بس تخلص الفاتحه والسبعه اطب عليه للسجن واكتله
ابو علي ☆ استهدي بالرحمان ابني ميصير هيج بعدين انته من يمته تقرر قرارات عني وعن عمامك واني كتلك هاي السالفه معليك بيها ما دام عندك ابو خشمه يشم الهوه وعمامك تارسين الشارع ( عمامه هواي والشارع يسدونه 😹😹)
علي ☆ يصير الي تريده يا بويه بس مستحيل اخلي دم اخويه يروح هدر
ابو علي ☆ خلي تخلص العطوه ونشوف شنطلب
.
.
.
.
.
.
ازل ☆ مرت ايام العطوه وقابلت يزن مرتين بعد ما جام وضعي ما يسمح اروح للكليه بس خايفه على امي بهال احداث حالتها كولش ادهورت والسكر شكل عدها ما اطول عليكم اجه يوم الفصل وتحدد انو يكون يوم الخميس راحو بابا وعمامي واخواني واني كلبي مثل النار على اخويه سجاد
...... في الكعده العشائرية........
احد عمام علي ☆ الله بالخير
الكل ☆ الله بالخير والعافيه
شيخ عشيره علي ☆ احنه دوره وسئلنه عنكم وعرفنه حالتكم واحنه ما رايدين منكم مال ولا حلال
الكل ☆ مصدومين
احد شيخ عشيره ازل ☆لعد شطالبين
شيخ عشيره علي ☆ رايديين فصليه
ايمن ☆ شنوووووو
شيخ عشيرت بيت ابو علي/ عيني لو دم بدم لو فصليه وفصل فلوس
ابو ازل/ شنووو دم بدم اكيد لا واحنه ما ننطي فصليه
الشيخ/ ما يصير لعد ابنكم ينعدم ننطيكم مهله 24 ساعه تفكرون بيها يله احنه نتوكل
ايمن/لا بويه ما ننطي ازل مستحيل
جراح ☆ على كص ركبتي اذا ننطي ازل ابو ازل ☆ خلي نرجع للبيت والقاسمه الله يصير
اسفه على التاخير بس دا امر بمشاكل عائليه كولش قاسيه ما اريد منكم بس تدعون انو الله يفرجها عليه
#الفيصلاويه