#صينية_البخت
#الفصل_السادس_عشر
بقلمي Wasan K
حقوق النشر محفوظة
الفصل السادس عشر
لمعة عين
فينكس / العصر
كان جالس في غرفته ... يعمل على صور شغل زهراء السابق. اللي. طلب من شهد ترسلها حتى
يضع على الصور بعض اللمسات بعد ان اخبرها بمسج
خلال يومين ممكن. يتلقون عرض مهم فلازم. تنتبه. للمكالمات. اللي تجيها او تجي. لزهراء
من ضمن الصور كان. صورة القلب المقسوم لونين اللي نفذتها بمهر شذى
تامل بيها هواي. كل ما ينظر بيها اكثر. يشوف. بيها تطابق بينه وبينها كهواة فن
يجزم. انها اخذت الفكرة من نظرة حب شافتها بعيون. احد الحبيبين او موقف صار كدامها. بيه لهفة. وأشواق .... عجيبه هاي البنيه رغم سنين عمرها اللي ما عبرت العشرين
لكن. قلبها كبير. وعقلها. اكبر. ...
ما ينكر هو معجب. بيها. لكن اعجابه. ما يتجاوز الإعجاب. بشخصيتها. اللي تختلف. عن اغلب. بنات جيلها. وميولهم. نحو المظاهر. والكماليات
ويرجع يقنع نفسه بهذا الشي
" اي اي. هو هيج. معجب بشخصها. مو اكثر ... لا دَاوُدَ ما تنلدغ مرتين. ...
مستحيل اسمح لاوتارقلبي. تهتز. وتتناغم. ويه دقات قلب ثاني ... بس هي هاي البس
اللي مخربه. شغل. اكو شي يجذب. روحي لروحها ... يجوز. لان اخت جواد وبينهم شبه
هواي ... لو لان أستولت على فضولي. لأشهر وأيام ...
ظل. أضحك. على روحك ... و لف ودور .. لا ابدا حتى لو كان. اكو شي بدايته.
انهيه بدقيقته ما اريد.اتهشم وارجع ألملم روحي. من جديد
هو بس. تترتب امورها وتحصل شغل. اسحب. نفسي
شويه شويه ماطول. ابقى بدائرتها. وأفكر بيها اكيد. راح. يصير اللي ما اريده ..."
بعز اتخاذ قراره. دخلت عليه بنت اخته تاليه .....
أبتسم بوجه وفتح ايديه. وهي ركضت عليه
" دادي "
" حبيبة بابا ...شنو تردين "
" اريد. أروح للمول. "
ضحك من كله قلبه.
" للمول مرة. وحده تلحكين عليه شنو تردين واني أجيبه الج"
وكفت معصبه لان شكد حاولت ويه امها. ما دارت الها بال....
وهي تضرب. رجلها بالارض
"مو اليه ... مو اليه ... أنتم ما تفهمون ... اريد هديه. للمس "
نزل بمستواها. وحضنها. لان دموعها. من قهرها. نزلت
" اسفه. ياعمري. ... لا تبجين ... نسيت والله.
تردين تاخذين هديه الكريسمس. للمس ... اوكي خلي بيبي تغيرلج
ملابسج ونروح .......
دخلو هو والصغيرة. على محل هدايا وألعاب. كان مزدحم. بمثل هيج ايام
اول ما تدخل. للمحل كان. عارض نماذج. للهدايا حسب الشخص
اللي تريدها اله ... اذا كان حبيب... ام .. اخت..اخ ... معلم
