أجمل ثنائي

ماذا يحدث ؟!

عبد العزيز اتصل
في ابوه وقاله السالفه
وراحوا على الموقع الي صارت
فيه الجريمه

.
.
.
.
.

في المستشفى
عنود لفت لانها سمعت صوت
لقت "الدكتور محمد "
سالته : شتسوي هنا
محمد : انا دكتور
عنود : اه اوك
محمد : شخبار المريضة
عنود : بخير
محمد : كنت بسالك سؤال
وش
قاطعهم دخلت هاله
هاله كانت متصنمه مكانها
هاذا محمد!!
محمد توتر :  اه اهلا هاله
هاله رمقته بنظره وقالت
: شتسوي هنا
قال : انا دكتور
هاله : ادري بس وش
تسوي في ذي الغرفه بالذات
محمد : قالولي عنها
ورحت اشوفها
عنود : هلا شخبارك هاله
هاله : بخير وش خبار عهود
عنود : لا الحمدلله حالتها احسن
وقالوا تقدرون تردونها
بيتها بعد يومين
هاله : طيب بكره جامعه بداوم
عنود : اي بس انتي في اي جامعه
محمد حس نفسه غلطه وطلع
هاله الي استانست انه
طلع : جامعة ال....
عنود : نفس جامعتي
هاله : صدق
عنود : اي هاي اول سنه
هاله : كم عمرك
عنود : قريب بدخل 19
هاله : متى
عنود : 25/12
هاله : وناسه باقي أسبوع
إلى في دخلت البنات
الكل : السلام عليكم
عنود وعهود : هلا وعليكم السلام
روان : شخبارك  عهودو
عهود : بخير
قعدوا البنات يسولفون
وقالت عنودوا السالفه
للبنات وقعدوا يسوي
تحريات -المحقق كونان-

.
.
.
.
.
.
عند موقع الجريمه
خذوا البصمات وكل شي
وقالوا النتائج بتطلع بعد
يومين والكل راح دربه
عند حسان راح ل....
>>>>>
حسان : يا هلا بالحب
... بدلع : هلا حبيبي شوبك تأخرت  ~لبناني
حسان : بنتي في المستشفى
....بخوف  : ءءء بدي شوفها شو صارلها
حسان : تبين يكشفونك
..... : حسوني عادي
حسان : سهير كم مره اقولك
لا
سهير : اوك انت شو اخبارك
قاموا يسولفون سوالف عاديه
حسان جاه اتصال واعتذر
منها وطلع
.
.
.
.
.
.
عند الرجاجيل
أبو راشد : البنات وين راحو
راشد : يبه يقولون بيروحون عند
رفيجتهم بالمستشفى تعبانه
أبو راشد : الله يشفيها إلا
وين أبو محمد
أبو أحمد : طلع وهو ربعه للبر
أبو راشد :مايعزمنا
أبو أحمد : اعتذر ويقول أنهم
طالبين منه من شهر
أبو راشد : ايوا
عبدلله : بنروح نخطب لك
يا محمد
محمد : منو
عبد لله : يقولون بنت اجاود
وجميله وزينه
محمد : لا ما بي
عبدلله بحزم  : غصب عنك تبي ولا
ما تبي
محمد : مابي هي بالغصب
وحس بغصه
الجد صقر : أمك الي طلبت تشوفها
تكسفها جذي
محمد : عيل شسمها (حس مافي
مفر وبعد يبي يسعد أمه مع أنه
يحب عنود بس هو عرف انها
ما راح تقبل فيه وبعد هي وحده
مشتته وماتعرف قبيلتها وامه
وأبوه ماراح يرضون بالشي )
ابو راشد : ما نعرف
محمد : شلون بتخطبون
لي وانتوا ماتعرفونها
الجد صقر : ماعليك بنات عماتك يعرفونه
محمد : متى الخطبه
أبو أحمد : أن شالله الأسبوع الجاي
محمد : ان شالله مدام امي
تبيها
الجد صقر : نبي رقم ابوها
أبو راشد : مع ابوي رقمه
الجد صقر :  اي رقمه معاي بتصل عليه
دخل يده داخل مخباه (جيبه)وطلع
ورقه مكتوب فيها الرقم
أبو أحمد :  افتح سبيكر
ماحد عطاه وجه😂(هالنوع
الي يتفلسفون في كل شي)
صقر وهو يحاول يكتب
الرقم اتصل عليه
الو
حسان : السلآم عليكم مين معاي
صقر : صقر سالم آل...
حسان : حيا الله عمي عرفتك
أنت تكون ابو عبد الرحمن
صقر :اي بس ماعرفتك
حسان :حسان ال...
صقر : أبو عبدالعزيز؟
حسان : ايه أبو عبد العزيز
حياهالله هالصوت
صقر : تحيى وتدوم ان شاءالله ولله قلنا بنمر عليك
الاسبوع البيجي
حسان : حيا الله في اي وقت
صقر : تسلم مع السلامه
حسان : الله يسلمك في امان
الكريم

.
.
...تكملة