اسراء الاصيل
جذبني ماشفت مثله
قلب عقلي عقل طفله
صرت اتبع اثر رجله وابوسه
تمنيته رجل بيتي
واموتن يمه تاليتي
يزفوني اله امنيتي عروسه
ثگيل ومايباوعلي
ولا هزه رسم كحلي
ولا يسمع طبل حجلي قهرني
المحله فلا همه
ثلج قطبي طلع دمه
عنيده لكن الزلمه غلبني
جذبني ماشفت مثله
قلب عقلي عقل طفله
صرت اتبع اثر رجله وابوسه
تدگ ابالي واسويهه
شيوخ كبار امشيهه
على بيته اوديهه واخطبه
اغير الكون قانونه
واذا يگولون مجنونه
جنوني مصدر عيونه احبه
بي شي مختلف حسيته
هيبه وحلوه شخصيته
تركت الدنيا حبيته يايمه
اتمنى يضل گربي
حياتي ودنيتي وحبي
اريد بروحي وبقلبي اضمه
جذبني ماشفت مثله
قلب عقلي عقل طفله
صرت اتبع اثر رجله وابوسه
احبچ اوف يبنيه
حلوه ميه بالميه
عليچ الناس مسبيه حياتي
