قريبا يا ملاكي

الجزء السابع

الأم هو الملجأ الوحيد الذي حين تأخذنا خطواتنا نحوه لن يخذلنا ذاك الملجأ بل سوف نكون بأمان ، وكانت أمي ملجأي وملاذي حين تألمني الدنيا ........

نكمل القصه .....👇👇👇👇

هواي حيجت وياها وهي
تسمع ومن خلصت كمنا نضحك لان كتلها ماندل ارجع وكمت لتبع خطوات الطلاب يلا طلعت 😂

كالت سمعي نصيحتي يمه وخليها بالج وترجية لبسيها

انتي بمكان وصلتي بتعب
ووكفت كبال الكل يايمه حتى ابوج
الي ماوكفت كباله بشي بس ع مودج انتي ودراستج
رفعي راسي يمه كل خطوه تذكري صورتي كبالج واول شي حطي الله بين عيونج ...
صيري قوية محد يحب البنيه الضعيفه وتتمايع،
ورزانه صدكيني محد يحترم الخفيفه ...
وابتسمي يمه الابتسامه حلوه ....
ولاتتذمرين هواي ديري بالج يحجون كبالج
شكل ومن ترحين يذموج وحقهم
كافي كل واحد المصايب الي بي ...

__ من عيوني يومه كلامج كله يتنفذ ان شااء الله

بوستني وكالت يلا كومي درسي

شو قلبي ممرتاح احس امي بيها شي ليش هيج توصيني وهي تعرف كلش زين تربيتها وياي ....

كمت درست وبواهس لان امي يمي وماخاف من شي بالدنيا 😊

كمل اليوم ومرت تقريبا اشهر ع نفس
الروتين ارجع احجي لامي
وهواي اشياء تصير وياي فدوه مايوم ملت
وكالت كافي ماكدر اسمعج ....

مرت السنين وكلشي ع هذا الروتين .....

وصلت للمرحله الثالثه رحت للدوام
وجان هناك ولد شكد حاول يتقرب وانا ابتعد ،

ماكذب عليكم جميل جدا
وشاطر بس حطني براسه وهواي حاولت اتفادى

لحد مايوم من الايام جنا كاعدين
بالحديقه وسوالي مصيبه
وكال انتي بس الي ومن هذا الحجي
وكفت صرخت عليه وكتله حلم ابليس بالجنه وعيب عليك هيج تحجي فشلتني كدام الكل

ورحت لرئيس القسم وصدك خلوا
يسوي تعهد انه ميتقرب ابد مني ...

هواي بالكلية اصدقاء لاخوتي
وصل الكلام لابوي وخوتي ...

جنت كاعده بغرفتي اادرس وسمعت صووت صراخ امي،

طفرت من مكاني لكيت ابوي ضاربها بالحزام

اول مره اجرأ
وركض احضنها وهي تنضرب
ونضربت وياها ياربي اشلون
تحملت هاي السنين كلها وع شنو يضربها
كمت اصرخ ....
بوييي ابوس ايدك عوفنا ... بوي توجعت ....
بابا عليك اللله بعد ماتحمل
وابوي يضرب بلا وعي ..... بعد ماتعب هو وطلع ،

حضنتني وبجت وكالت ولج ليش جيتي ولج لاتعلمين روحج ع الكسر
وكامت تصرخ  وتكول ديري بالج تقبلين كتلها ع شنو اريد افهم منها ماكدرت

مادري الألم وين بجسمي لو بقلبي ع امي لو الألم لان ماعندي ابو بي حظ 😔

دخلتها للغرفه كوه سوده عليه جانت
متكدر تمشي تكيتها عليه ومشيتها للغرفه

هدات شوي ونامت مثل الطفل تجر حسرات هي
ونايمه وكامت تشنغ اووف
ربي اتمنى اموت ولا اشوف امي بهاي الحاله
اللهي شوكت تاخذ  امانتك وتخلصني
مو كافي اشوف عذاب امي وماكدر اسوي شي ....

بقيت اتأمل وجهه لأمي وهي نايمه ملامح امي تخبل
بس الوكت خلاها تذبل مثل الورد جنت سرحانه بأمي

ماشفت غير الباب انفتحت وابوي عيونه جمر
دخل دفرها برجله ويكول
ولج فكر فكر انتي وبتج فكر طاحج وطااح حظها هذا الرجال مارادها ارتاحيتي مارادها ... وسد الباب بقوه وطلع

امي فزت من نومتها  اخترعت انا لزمتها ...

  بقيت ساكته لا اخذ ولا انطي
اريد احرك روحي ماكدر احس جسمي
جمد خوفي ع امي
وخوفي من المستقبل الي يرسمه ابوي الي
وخفت لان كل معارف ابوي كولهم مثله سكير وقاسين وووووو ياربي الحمد لله خلصت وماقبل ....

يوم الثاني

مارحت للكلية رحنا لبيت خالي
دكيت الباب اجه خالي فتحها
وامي جانت تبجي

خالي : ولج ملاك شبيها امج

__ خالي مادري هي تحجيلك

دخليها دخليها ودخلنا للصاله وكالت امي : عوفينا ملاك طلعي  شوي يمه ....

كعدت وتشكيله تبجي واسمعها
تكوله خايفه ينطيها لواحد مثله

خالي كال الها لكيت حل خلي
نحجي ويا مرتضى انه يخطبها حتى تخلصين من لسانه ....

امي : ياخوي ومرتضى يقبل واكيد باله وحده

خالي : هسه انا احجي ويا وهي بس خطوبه ومن تخلص كليه يحلها الف حلال

امي : اي  ايي ابوس ايدك

خالي : خوي كولي يالله هاي بنتي بلكت هي ومرتضى يصيرون من قسمت بعض والله لو بيدي ماخليها لغيره .. بس تعرفين مرتضى راسه يابس واذا ماردوا كل واحد بطريقه....

انا سويت روحي ماسمع وعود ملتهيه
بكتابي الله يفرح قلبك يااخالي مثل مافرحت قلبي 😌

ورجعنا للبيت وكعدت امي سولفت وياي كتلها مرتضى مثل اخوي كالت بس خطوبه
حتى ابوج لاينطيج لاحد منا لمن الله يقسملج قسمتج ....

يتبع ...... رايكم غوالي 😊