#مغامرات_ام_نويظم
#الحلقة_السادسه
#كسر الخواطر حرام
المشهد الاول:
دخلت كل من انتصار وكاظمية ٢ الى البيت عائدات للتو من المستوصف
حيث استصحبت انتصار رقم٢ حسب أوامر ام نويظم لعمل سونار لحمل ٢ الذي دخل بشهره الرابع
فبعد عقوبة ١ لم يمر شهر واحد حتى استطاعت رقم ٢ حمل طفل في بطنها بعد سلسلة من الإسقاطات الغير معروفة السبب بالنسبة للجميع الا ام نويظم حيث كانت تشك ان لكاظمية١ يد بذلك لكنها ارادت ان نقطع الشك باليقين وما ان تاكدت وارادت معاقبة المتمرده دائما رقم ١ عرفت انه اذا كشفت امرها امام الجميع سوف تحكم على أحفادها بالحرمان من الام وهي حيه وكذلك وصمة عار لابنها واولاده لذلك تركت الموضوع حتى تسنى لها ان تعاقبها بحجة الفلوس التي اخذتها لكن السبب الرئيسي كان هو اذيتها لضرتها بإعطائها المانع مخلوط مع الماء اواي سوائل تشربها رقم ٢ .............
استقبلتهن ام نويظم " ها بشرن "
وهي تنظر بطرف عينها الى تلك الواقفة بباب المطبخ مفروسه ومغلوله طبعا هل يوجد غيرها رقم ١
" االبشارة عمه بالمبارك على ابو حمزه واخيرا راح يصير لحمزة اخوان اثنين تؤم ولد " تكلمت انتصار.
ورقم ٢ واكفه بجانبها وهي فرحانه وخجلانه
" يا صلاة محمد الله يبشرج بالجنة يا انتصار واخير انفكت الجبسه والله رزقنا بالويلاد ( اولاد- صبيان) يمه رقم ٢ ديري بالج على ويلادنا هذوله امانه عندج والله يكفيج شر الصفرة والعمشه وعيونهم واريدج تأخذين راحتج وان شاء الله ساعة السهله "
ما ان سمعت رقم ١ بان الحمل تؤم ولد أصبحت گمرجل بخار تحتاج الى ندسه قليلة لتنفجر بوجه الجميع قامت العمشه بسحبها وأخذتها الى غرفتها ( غرفة العمشه) " تعالي خيه الله يساعد گلبج ما محلفتني حاسه بالنار اللي بكلبج والا انتِ هاي السنين اللي راحت طلعتي بس بحمزه وهاي اللي جنها عقلة الاصبع تحبل بتؤم بس العجوز فرغتلها الطريق شكلت باثنين وولد لا اله الا الله بس خيه كله من عجوز النار وهسه شيفكنا من معايرها .....". " سكتي يا زهيره راح اموت راح اطك نار بگلبي شلون دبريني شسوي اريد أبرد نار گلبي شرايج اخلي گشور موز على الدرج و ادفع رقم ١ وبلكت تسگط ". " لا ولج بلا اجرام الأفلام اللي تابعيها هاي الشغلة بيها طلاكج وتريحين العجيز منج انتقامج لازم تاخذينه من العجيز نفسها هاي رقم ٢ سهله وانت ِ تكدرين بكلمة تفرين رأسها ".
