هز راسه ابوي مرافق
" صحيح. ونعم بالله منه التسهيل. ... بس ردت أسالك. عن. توفر بيوت. الايجار وأسعارها ... تعرف طلعنا. مضطرين. ما لحكنا نرتب وضعنا "
جاوبه
" افهم ... ان شاء الله نحصل شي يناسبكم. ... اللي لازم تعرفه ان محد يموت من الجوع. والباقي كله سهل. المهم انت وعائلتك بأمان ... صفي رأسك وطلع. كل. الهم من قلبك. وهسه تشتم هوا السيده وتنشرح. نفسك. يمها. ... طبطب على رجل ابوي ... كول. يا الله "
وصلنا. ولاحت من بعيد القبة وإنوار المقام. وحشود الناس. اللي تمشي بحيث السياره كوه تمشي. استمرينا بالشارع لحد ما بدت تضيق الشوارع. وصلنا الى محله ضيقه هم يسمونها حاره. بيوتها قديمه. اوكو بعضها. مغيرين بنائها الى عمارات شقق. السياحية. يأجورها الزوار او السياح بفترة الصيف
وصولنا كان مع. نهايات الربيع. وبدايات موسم الصيف
استقبلونا بيت ابو سلام. استقبال حار. كانوا عائلة لطيفه. وكلش مريحين متكونين
أب وأم. وأربع اولاد اثنين شباب كبار. واثنين اصغر. بعمر المراهقة يمكن اصغر واحد بعمر. زينه اختي. او اكبر مني .... الطريق كله ماما تشاورنه
" حبايبي احنه رايحين ضيوف لناس اول مرة نتعرف بيهم
ما اريد حركة زايده. لو وكاحه وانتِ زهور لسانج ضبيه ... ماكو حاجه كل دقيقه انبه وأخزر"
ما عجبني الوضع دائما اني اللي بالمقدمه بالتحذير والرزالة
لذلك استخدمت عادتي للتعبير عن الرأي بالدردمة
" اكيد ماكو. غير زهور تطلع حركتها بيه ... "
شاورتني زينه
" لج زهراء سكتي ترى امي على أعصابها بسج دردمه لاتخليها تنفجر"
خليت ايدي على حلكي
" اها سديته عندج شريط لاصق علمود تخلصون مني. اووووفف"
نمنا ليلتها من التعب والتفكير. والترقب بدون. اي مقدمات بس فرشولنا وكالو اخذوا راحتكم
ابوي واني نص نايمه اسمعه يوجه الكلام. لاخوي جواد. وهو يقصد بيه امي اللي ما وجهتله اي كلمه من كنّا. على الحدود
" تحملو ا بس هالليله وباجر. نشوف فندق. نحجز بيه لحد ما نلكه شقه ابو سلام عنده صديق هنا. يشتغل. بفندق. وهو هم عراقي. ويكول أسعاره مناسبه ...
من كد التعب عيني اخذت نوم. وما سمعت رد جواد اللي اعتقد. نام قبلنا كلنا ... ما اعرف ليش هيج صار بين امي وابوي. معقولة هم دائما يصير بينهم هيج واحنه ما ندري. .... لا لا. لازم أظل منتبه واشوف الوضع وين يوصل .........
أشرقت. شمس صباح اليوم الثاني. رغم صحينا من وقت لان نمنا من وقت بس كنّا محرجين. نطلع من غرفه الاستقبال. ونروح حمام او مطبخ. لان شقتهم. غرفتين. وهول وصاله. وهم كلهم اولاد. ...
فالوضع محرج .... لكن بعد فترة سمعنا صوت ابو سلام ينادي على بابا. نطلع نتريك
بعدين وره دقايق اجه بابا
" يله ام جواد انتِ والبنات عيب طلعوا. المراه مجهزه كل شي. وما يقبلون. يتريكون الا أنتم وياهم "
من 6 الى 9
ابدأ من البداية
