تزوحتها طفلة 🌸
البارت 37
اني : ايوا يابوي
بوي : نبيك تمشي معاي لعمك سامي الياس يبي امامه
اني : هههههههه كبر وصار منه 😑😂 ، باه امتى بتمشي
بوي : غدوا العسية
اني : تم وطلعت مشيت لأمجد
امجد : اووو مالك شجو
اني : زفت
امجد : تي خيرك
اني : كل منجي لمايا نقلها نبي بيبي تصد فيا مفهمتش اهو مقربتهاش من لما جتبت نور
امجد : شوف يامالك في هاذي معاها حق راه خاشة طب ووالتؤام يقرو خلي تكمل السميستر يلي قعدلها وهلي تجيبك 10
اني : طلع الغلط مني ولا ونضت مشيت للبحر
امجد : ربي يهيدك وناض
________________
تاني يوم مشينا كلمنا عمي ماوافقش قال الياس صغير وطايش وهك
روحنا لقينا الياس يدور ف الصالة
اني : تي خيرك ادور
الياس فرح : شن قلك عمي وافق
اني وجعني كيف فرحان : لا قال ( قص عليا )
الياس : قال صغير وطايش ومنقدرش نأمن بنتي لواحد قعد بلا حوش ولا خدمه
اني : اي
بوي : خلاص نصيبك مش امامه
الياس ناض وتكلم بعصبيه : ياعنبو اليوم يلي حبيتها فيه وخش داره وقربع الباب
بوي : ربي يهديك ياالياس
اني : قصدي مفهمتش علاش عمي ميبيش
بوي : اولاً خوك بلا خدمه وبلا حوش كيف بيوافق
اني : قعد يقرا تو يخدم
بوي : خلاص سكر علموضوع
اني : تم
نضت خشيت للشقة لقيت مايا تقرا وشيتاتها طارحتهم كلهم وحالتها حاله
اني : خير
مايا : من وين بيجي الخير واني عندي امتحان الفاينل غدوا
اني قعمزت جنبها : شن اللي مش فاهماته
مايا : الشيت هذا
اني : ال ***** ساهل
مايا : لقيتني نقرا ف اوربا باش نفهم انجليزي
اني : تو نرفع الشيت لعبدو يشوفه يقريك فيه
مايا : برا اجري
اني : هي ومشيت قتله قلي ناديها مشت يقري فيها
فاتو تلاته ايام ومايا مزالها امتحان واحد بعد اسبوع وتكمل
الياس من داره مايطلعش حتى الكليه معش مشي مع ان اخر سنه
ميار : مش حال هذا تلاته ايام ميطلعش لا ماكله لاشراب في ستين وحده يقدر يتزوجها الا امامه عمي مش موافق
بوي : بري كان فتحلك الباب
امي : اااه ياقهرتي واجعني حاله
ميار مشت لداره
ميار : ويسو اوخي افتح
الياس ناض فتكلها الباب ووله لسريره وغطا روحها رقد
ميار : الياس مش حال هذا ليك تلاته ايام هكي حالك نوض نصيبك مش امامه خلاااص عاد نوض هيا لا كليت لا شرب حالك اتنوض ادوش وتولي ترقد شن هذا هي استحشناك
الياس بصوت عالي : اطـــــلــــعـــي بـــرا
ميار : منيش طالعة رجلي ع رجلك
الياس قعمز وكان وجهه شاحب وهالات تحت عيونه : شنن ندير قوليلي كلمت عمي رفضني كلمت بوي يكلمه رفضني ( وناض يدور ف الدار ) شن ناقصني ياميار اني شين فيا مرض وانتم تندرو واني منندريش شن فيا من عله ترا قوليلي نحبهاا ياميمي والله نحبها نموت ع الارض اللي تمشي عليها يامايار الصبح ف الكلية العشية ف المحل فتحت محل خاص بياا ( وبـدأت الدمـوع تـسقط وصـوتهِ وصـوت شهـقاتـهِ تعـلو ) ياميار بديت نبني ف حوش سياح نياح باش عمي ميرفضنيش الحوش حتى سفقته حتى زروقته فلوس الكليه ندس فيهم فلوس المحل ندس فيهم انلقط ف فلوس باش نوفرلها كل اللي تبيه وف الاخير عمي يرفضني لياا تللته سنين واني نخدم ونبني فلحوش محد يندري نبيه مفجأة ( قعمز ع السرير وبدي يبككي بعبرته ) وتلفت يلقى بوي وامي ورحيل واني
الياس : اطلعوووووو براااااا
امي قربت منه : خلاص وليدي نصيب
الياس حط ايديه ع راسه : معش تقولو نصييب الكلمة تحررق فياااا خلااص اطلعو
بوي غمزلهم وطلعو
