Soulmates

11 - Cheese is My Wife

"Amigah, may mali ka rin kasi. Pinairal mo ang selos mo. Sana kinausap mo siya ng maayos. Galing sa work si Rhian. Pagod 'yon. And yet, you nagged her. Hindi mo ba naisip na kaya sa iyo umuwi 'yon ay dahil gusto ka niyang makasama?".

"Wala ka man lang introduction? Sermon agad? Ako agad ang mali?"

"I just want to knock some senses in your head, Glai. Para mag-isip ka at hindi mo pairalin ang selos mo".

"Napaka insensitive kasi niya, Amigah. Sa harap ko mismo nakipag-usap kay Jolo".

"Kasi nga, wala naman siyang itinatago sa iyo. Walang malisya ang pakikipag-usap niya kay Jolo. Ano ba ang gusto mo, itago niya? And don't worry about Jolo. Alam ko kung gaano niya kamahal si Jodi".

"Akala ko ba, hiwalay na sila?"

"Sa akin ka dapat nagtatanong tungkol diyan. Huwag maniwala sa tsismis. Celebrity ka rin kaya dapat maintindihan mo na publicity lang 'yon Amigah. Come back movie ni Jolo 'yan kaya dapat lang na pag-usapan siya ng tao. That's the same publicity in 2016 noong may movie si Jodi na The Achy Breaky Heart. Habang walang formal declaration ang couple, huwag ka basta naniniwala".

"Well, I believe in you Amigah. Friends nga pala kayo ni Jodi".

"Kaya nga! Clear your mind, Amigah. Noon ko pa kasi sinasabi sa iyo na mahirap ang pinasok mo. Mahirap magkaroon ng girlfriend na ka-level ng ganda ko, hahaha! Pero matigas ang ulo mo. Kung hindi mo mapipigil ang kabaklaan mo, doon ka na lang sa Trixie. Siya ang mas mamomroblema sa kagandahan mo" biro nito.

"Pag-uusapan na naman ba natin ito? Ikaw lang ang alam kong nakakaintindi sa akin Amigah. Kahit ang family ko, hindi ako naiintindihan. Huwag ka nang dumagdag naman sa sakit ng ulo ko". Seryoso niyang wika bagamat natatawa siya sa kalokohan ng kaibigan.

"Oo na nga po. Alam ko namang head-over-heels ka sa kanya kaya wala akong magagawa. I like her din naman. Marami kaming common traits. At yun ang traits namin na nagpa fall sa iyo." Tumawa muli ito. "Napakabait na bata ni Rhian at low-profile na tao. At alam kong mahal na mahal ka rin niya."

"Sure ka na mahal niya talaga ako?"

"Oo naman! Ilang beses na kayong naghiwalay pero tinatanggap ka pa rin niya. And recently, siya pa ang gumawa ng paraan para magkabalikan kayo. If that's not love, ano ang tawag mo doon?"

Napangiti siya. Her friend has her own way para gumaan ang pakiramdam niya.

Nagpatuloy ito, "Pero Glai, alisin mo muna ang lahat ng selos mo bago mo siya kausapin. Otherwise, baka mag-away ulit kayo. And don't nag her. Hindi makakatulong 'yan Amigah."

"Thank you, Amigah. Gumagaan talaga ang pakiramdam ko 'pag kausap kita. Sobrang naa-appreciate ko ang friendship natin. Bagay na bagay talaga sa iyo ang name mo na Angel".

"Heh! Matagal ko ng alam na angelic ako... But seriously, thank you rin, Glai. Sino pa ba ang magdadamayan kundi tayo? Hindi ganoon kadali na makakita ng tunay na kaibigan dito sa showbiz. At isa ka sa kokonti na pinagkakatiwalaan ko. Goodbye cravvs amiga! Walang iwanan. Friends forever..."

Ngumiti siya. Alam niyang double meaning ang cravvs para sa kaibigan. Ang crab na ibinigay ni Jolo kay Rhian. At ang crab na birth sign ng ex-boyfriend ni Angel... Muli siyang nangiti. Goodbye cravvs!

—————-

June 12, Tuesday. Around 9:00 PM. Nasa set siya ng Contessa. Kahit Independence Day ay nasa trabaho siya. At alam niya na si Rhian ay nasa shooting naman ng 72 Hours sa araw na iyon. Pareho silang halos walang pahinga...

Nakita niya ang post ni Rhian sa IG stories noong nagdaang gabi. At nakita rin niya ang coffee mug na post nito noong umagang iyon. Both posts say that Rhian feels down... Alam niyang para sa kanya ang mga messages na iyon. Rhian misses her. And she feels guilty about it. Nasaktan si Rhian dahil sa sinabi niya...