#الضابط_واغتصاب_مراهقة

الجزء السادس

#الضابط_واغتصاب_مراهقة
بقلمي فردوس عبد اللطيف
الجزء.     السادس
ربما الموت هو الذي يجعل لحياتنا معنى !فأي رحلة مثلما لها بداية لا بد ان يكون لها نهاية ،
وهنا تبدو الحياة ثمينه ،فكل ثانية تمضي تنقص من العمر والزمن لا يتوقف ،ولا يمكن الرجوع بالعجله الى الوراء
رنا ...تركوني ورحلوا ابي اخي امي ليش ما اخذتوني وياكم
مابقالي احد استند علية بس ذو الفقار وبعدني ما اعرف شي عنه وليش جاي يساعدني
والإنسان الي حبيته من الطفوله وعرفت الحب من نظراته وكلامه معقوله يتركني ويسافر ويخطب بنت ثانية
الملجأ عند فقار مهما كانت مساوئه لازم ابقى عنده حتى بيت عمامي امي من كانت عايشه طلبت منهم اعيش يمهم رفضوني رفضوا يحموني من اقرب الناس الي هو اخوي وتالي يهدرون دمي ليش اني شنو ذنبي وشنو الجريمه الي ارتكبتها ؟
ذو الفقار ...وين صفنتي رنو تدرين نسيتيني جبتلج ملابس
      اعرف ماتلبسين دشاديش ...ما اريدج تلبسين تراك كدامي بس من اطلع وتكونين لوحدج لبسي الي يعجبج
وهذا تمن ولحم وطحين
وراح عالملحق واني التهيت اخذت الاغراض للمطبخ واخذ علاكه وياه ...كلما اركز اسمع صوت بس مجاي افهم شنو ياريته يفتحلي كلبه ويحجيلي
التهيت بالطبخ بعدهه سمعت صوت القفل مال الملحق
ذو الفقار ..عركان وكانه كان يبذل جهد ونازع قميصة بس نفسيا مرتاح وكانه يفرغ همومه بالملحق ويجي انسان ثاني
تغدينا وكملنا
ذو الفقار ...رنا اليوم اجيب الشيخ يعقد علينا انت موافقة بس عالورق وراح ابلغ اهلي حتى نروح يمهم بس خلي في بالج زواج مع وقف التنفيذ
رنا ..فكرت بيني وبين نفسي لازم اوافق لان ماعندي ملجأ اخر
نعم موافقة
ابتسم فقار ...طبخج طيب عاشت ايدج
رنا ..صدك عجبك
فقار اشلون ميعجبني هسه اطلع اروح اشوف التحقيق وين وصل
طلع فقار واني افكر بداخلي حا اكون زوجه لانسان تعرفت عليه خلال كم يوم لكن هو ملاذي الأمن لولا وجوده لكان مصيري القتل حتى اخوي مجان يصدكني ولكن الله لايترك من التجأ اليه
اخذني الفضول وطلعت افتر من وره البيت بلكي اشوف شباك الملحق واباوع
اكو شباك بس عالي ومخلي علية خشب ومثبت ببراغي حديد قويه بس ثقب صغير لدخول الشمس للملحق صعب اتسلق واشوف شكو بالداخل ..تعوذت من الشيطان ورجعت للغرفة فتحت التلفزيون واني خايفة قفلت الباب وعليت صوت التلفزيون حتى لا اخاف
**********************
ذو الفقار وصلت للدائرة وطلبت نسخه من تقرير الادله الجنائية لقضية انتحار ثامر وقتل ياسين ورزاق
التقرير ...ياسين ورزاق متعاطين نوع من المخدر الي مخليهم نايمين وبهيج حاله كدر ثامر يقضي عليهم واحد تلوى الاخر ولكن من أين حصلوا على المخدر ؟وفِي السجن ممنوع ادخال مثل هيج مواد
بعد البحث بملابسهم وجدنه كم حبه كبسله بكمر بنطرون ثامر الظاهر كان يحتفظ بهذه الحبوب او احد بايعهم اله
ثامر قتل ياسين اولا بعد ما شرب الحبه وتخدر ونام
قام المدعو ثامر بخنقة حتى الموت وبدون مقاومه
بعدهه قام المدعو ثامر بخنق رزاق بنفس الطريقة وآثار أصابع ثامر على رقبتهما
بعدهه قام المدعو ثامر بربط قميصة وبنطرون ياسين وتعليقه
بالمروحه واستخدم سطل موجود داخل الزنزانه يستخدم (للتبول ) صعد عليه وتمكن من ربط القطع المربوطة بالمروحه وبعد ما ربطها برقبته رفس السطل وتم الانتحار
هذا تقرير الادله الجنائية
ذو الفقار ... مع الاسف يا ثامر كان ممكن تكون انسان صالح بالمجتمع ولكن اصحاب السوء هم من دمروك خسرت الدنيا والاخره ..
*************************
ذو الفقار ... الو رنا هلو
رنا ...هلو فقار اشلونك
فقار ..الحمد لله اكولج انت وين مخليه جنسيتج عدنه شغله حانروح لبيتكم بحجه تفتيش اريد اجيب مستمسكاتج
رنا ...بغرفتي بالكنتور اكو علبة مربعه بيها كل مستمسكاتي
فقار ...حضري نفسج راح اجيب الشيخ والشهود حتى نعقد
رنا ..ماعندي شي انتظر
سديت التلفون ورحت ويه دوريه بحجه تفتيش او البحث عن ادله ولكن الحقيقة اريد اخذ مستمسكات رنا لان استخراج بدل ضايع يحتاج وقت
دخلنه ورحت عالكنتور واخذت المستمسكات
فقار ...ها شباب لكيتو شي روح سامي جيك بغرفة الخطار
سامي ..سيدي ماكو شي
وحتى بغرف النوم ماكو لا سلاح ولا عدهم شي بس بطاله الشرب
خلاص أمشوا  نطلع قفلو الأبواب
طلعنه شباب انتو روحو اني حاروح للبيت بسيارتي باجر اكتب التقرير
حاضر سيدي
رحت عالشيخ واتصلت بأصدقائي 2 وطلبت منهم يجيبون مستمسكاتهم حتى يشهدون عالعقد واتصلت بصديق بس هو كبير بالعمر ولكن اخذ رايه بامور كثيره اسمه ابو حسين
تعرفت عليه بقضيه وشفته رجل مثقف وحكيم وصار صديقي
وطلبت منه يكون وكيل لرنا
رنا ...اتصل بي فقار وكال تحضري حتى اجيب الشيخ ونعقد
     شتحضر هو اخوي توه ميت والدنيا طالعه من عيني واني
الان انسانه بدون اهل خايفة مرعوبه من القادم وماعندي خيار اخر
ذو الفقار ..رنو وينج اجوي الجماعه هاي قواطي عصير خليهم بالثلاجه ومن يكمل العقد حتى نقدمه الهم والكيك بعدين خلي بمواعين
رنا ..حاضر بدت نبضات كلبي تتسارع وكاني جاي ارتكب جريمه هل اني جاي أتصرف صح ام خطأ
ليش اني من دون البنات زواجي هيج لا ام ولا اخت
الله كم احتجتك يا امي في هذه اللحضات كم احتجت وجودك ياريم ورسل صحيح هو عقد عالورق فقط لكن فقار خبر اهله
ويردون يسوولنه حفله عرس ويفرحون بابنهم وميدرون بي اخذ وحده حتى يتستر على مصيبتهه اه واه واه بيش افكر وكم هم انسى
ذو الفقار ..رنو ليش كاعده وتبجين الحجي ابو حسين صديقي
يريد يجي ياخذ موافقتج لان هو حايكون وكيلج
رنا ...مسحت دموعي وكمت وكفت لبست حجابي  اي خلي يجي اني جاهزه
ذو الفقار ...تفضل ابو حسين
ابو حسين ... رجل وقور ومرتب ومدنك راسه بنتي رنا انت موافقة اكون وكيلج كي تتزوجين من ذو الفقار
رنا ..نعم عمو اني موافقة
ابو حسين ...مبروووك بنتي ترى ذو الفقار خوش ولد وحتى لو يعصب كلبه طيب وحنين وشهم
رنا ..دنكت من الخجل وراحو يم الشيخ وعقدو المهر
بعد ما طلعوا ..
ذو الفقار ..اتصل بأمه
ذو الفقار ..ها يمه باركيلي عقدنه اني ورنو
ام فقار ..الف مبارك ابني كلوووووووش وينهه انطينياها
رنا ...عفية استحي احجي وياها
فقار ..ولج سلمي على امي
رنا ..هلا خالتي اشلونج
ام فقار مبروك بنتي راح اسويلكم حفله عرس يوم الخميس تعالو باجر
رنا ..ما اعرف خالتي بكيف فقار
  اخذ الفون فقار امك تريدك
ذو الفقار ...يمه ما اكدر عندي شغل انتو حضرو كلشي واني أجيبها يمكم وارجع ما اكدر اعوف شغلي هنا وانتو اشترولهه
مستلزمات العرس
ام فقار ..لعد يمه شوكت تجي ؟
فقار ..بيوم العرس اجي
ام فقار يمه نريد نفرح بيك
فقار يمه شغلي ما اكدر اعوفه اكثر من يوم
بعد ما كمل السلام مع اخته واخو وتباركوله سد الفون
رنو حضري نفسج اوديج قبل الخميس حتى يحضرونج للعرس
رنا ..حاضر
بقينا كم يوم نفس الروتين فقار يعاملني بعطف لكن محاول يتقربلي وكل يوم يدخل بالملحق وما اكدر اساله
تحضرت حتى اروح يم اهله وأخذني ورحت يم اهله
استقبلتنه أمه وأخته واخو كنعان
ام فقار ...مبرووك ابني وين لكيت هالعروسة الحلوه تستاهل وليدي  ...يمه فدوه شكد حلوه ونازكه
فرشتلكم بالغرفة روحو نامو
باوعت على فقار
فقار ..يمه اريد اروح انتو كملو شغلكم واني اجي بيوم العرس
ام فقار ..هي المسافة مو بعيده اشو الطريق ساعه شدعوه عليك تعال بالليل
فقار ..انت تعرفين طبيعه شغلي اذا يستدعوني لازم احضر بنفس الوقت
ام فقار ..بس تغدى يمنه
فقار ..راح ابقى عالغده ..روحي رنو ساعدي امي
ام فقار ..خليها عروس تريد تشغلها
رنا ... خالتي اني متعوده
كملنه الاكل وتغدينا اني بطبعي اخجل وما اختلط باحد وصعب اكعد كبالهم واكل
ذو الفقار ..اروح اني يمه ديرو بالكم ع رنا
ام فقار ..هاي بنتي لا توصي  حريص
ذو الفقار ..مع السلامه
رنا الله معاك
ام فقار ..روحي ارتاحي والعصر اخذج للسوك فقار انطاني فلوس حتى اشتريلج حاجياتج
رنا ..نعم خالتي حا اروح بالغرفة
سما ..تعالي اني اوديج
رنا بيت اهل فقار حسيت بجو العائلة الي فقدته حسيت بلهفة الام الحنون بحنانهه وعطفها على ابنهه بس الي اكتشفته اكو حزن بفقدانهم الاب بس والده متوفي من زمان و فهمت تعرض لظلم وتوفى بس شنو الموضوع مجان الوقت مناسب حتى افتهم
كظينه الوقت نشتري ونتحضر لحفله العرس ونرتب البيت اني وسما لان الحفله حاتكون بالبيت والمعازيم بس الاقارب والاصدقاء المقربين
بيوم الخميس بدت الاستعدادات للعرس من الصبح كملنه شغلنه وتحضرنه اني وسما نروح للصالون وفقار بعده مجاي
بقينا بالصالون لحد الساعه 4 واجه فقار بالسياره ودزلي مسج
فقار ..رنو اني بباب الصالون كملتوا
رنا ..اي كملنه ...سمسم اجه فقار لبست البرقع وغطتني وطلعت صعدوني بالسياره وفقار يباوع علي نظره استغراب
اعتقد هو مجان مخطط لهيج حفله بس انفرضت عليه وصار الموضوع صدك
وصلنا للبيت واشتغلت الهلاهل والهوسات
وكعدوني عالكرسي والنسوان يغنون ويركصون وفقار يم الزلم بس مشاف وجهي
من صار الوقت بال8 صعدوني بغرفة فقار أمه كانت محضرتهه وسمعت هوسه وهلاهل فهمت انهم حايزفون العريس
دخل فقار وامه بوسته
ام فقار ..يمه ارفع البرقع وبوس مرتك
فقار ..خجل منهم بس لازم يمثل دور العريس رفع البرقع وفتح عيونه من شافني مكياج وتسريحه
طلعت أمه  وسدت الباب
اني كنت خايفة وارجف توقعته حايهجم علي مثله مثل يسين ورزاق لكن
فقار ..تعالي رنو كعدي
رنا ..كعدت عالسرير
فقار ..اعرف تخجلين تغيرين ملابسج كدامي واحنا لازم نكمل التمثيلية كدامهم بس اريد افهمج شغله
اهلي سالوني عليج منين عرفتج وكتلهم انت يتيمه وما عندج احد من اهلج واخوج صديقي انقتل وبقيتي وحيده وماعندج احد واني خطبتج فهمتي حفظي هذا الحجي
رنا ...اي فهمت
فقار .. رنو غيري ملابسج حتى تنامين واني راح انام عالارض
رنا ..لا لا اني انام عالارض وانت عالسرير
فقار ... لج بس تهدأ الهوسه خلي يطلعون وراها اروح انام بغرفة الخطار والصبح نطلع
رنا ..هزيت راسي موافقة
    بقينا كاعدين ننتظر والبدله ثكيله ضجت منهه
غير ملابسة فقار لبس تراك
فقار ..راح أغمض عيوني وانت بدلي
رنا ..انحرجت استحيت منه رحت عالمراية نزعت الكليل والفستان صعب افتح السحاب من الخلف احاول مجاي اكدر
اجاني فقار وحسيت بايده لزم السحاب وفتحه ايده كانت دافيه
اني غمضت عيوني حسيت بخطواته ابتعد ورجع عالسرير وغطى عيونه بايده
فقار ..غيري ملابسج ما اباوع
طلعت دشداشه من الكنتور بسرعه ولبستهه أمه كانت محضرتلي سيت نوم ابيض استحيت البسه شحايكول علي
فقار ..افتح عيوني ترى تعبت
رنا ..افتح
فقار ..تعالي نتعشى خلي نشوف شجايبيلنه عشا
رنا ..مخلين صينيه عالميز بيهه عشا النه تمن ولحم وفواكه
اكلنه اني وفقار كنت جوعانه من التعب وحتى غدا ماتغديت
فقار .. يباوعلي ومبتسم
رنا ..هاي اشبيك تضحك والله جوعانه
فقار ..لا هيج يالى اروح يبين هدأو والكل طلعوا
طلع فقار ونام بالخطار
واني نمت بالغرفه من التعب ما حسيت الا ع صوت خالتي تدك بالباب
رنا اي خاله اي
ام فقار ..كلللووش مبارك بنتي وبوستني ...يمه وين العريس
ما اعرف خالتي يمكن بالخطار
ام فقار .. يا يمه يعني مانايم بغرفته وينك فقار
فقار ..نعم يوم
ام فقار ...يمه شنو سالفتك ليش نايم بالخطار
فقار ...ابتسم وكلهه يمه هنا صعبه من نروح لبيتنا ناخذ راحتنا
ام فقار ..يا يمه وكع كلبي بس امانه الله من تكمل طمني
فقار ..تدلل ام العريس
يالى رنو تحظري حتى نروح لبيت الزوجيه وغمزلي
رنا ..ارتاحيت من تصرفه وهدوءه كان محضر جواب لكولشي
رجعنا للبيت رحت ارتب الاغراض بالغرفة وفقار راح للملحق بس اني اخاف حتى افكر بالموضوع بقيت هادئة
فقار ..رجع من الملحق وقفل الباب
رنو حا اطلع ارجع الظهر سويلي غده
رنا ..حاضر
كعدت سويت دولمه وطبختها
الظهر ...
فقار ..رنو وينج
رنا ..اي جايه
فقار شطابخه اليوم ريحه واصله للشارع
رنا ..دولمه
جبت الجدر صغير وقلبته وفقار يباوعلي ويضحك
فقار ..حتى الجدر صغير مثلج
    لزم الدولمه لج هاي اشلون لفيتيهه مثل الاصبع صغار
واني اضحك
دنكت وظل يركز ع صدري نظرته كانت نظره اعجاب
واخذ دولمايه وخلاها بفمي وضل صافن بي
مد ايده علي وجرني بحظنه واني استسلمت للامر الواقع
تقرب علي وهمس باذني رنو احبج واني ساكته هذه اول مره اشعر شعور الاثاره الي حسيته من يوم عقدنه اني وفقار
حسيت اني ملكه ولازم استسلم لأوامره
بدء يبوسني ويتلمسني واني كنت بين ايده مستسلمه
فقار لج رنو احبج من اول يوم شفتج بي
رنا ..يكفي فقار
وكعنه عالارض واني مسلوبه الاراده
لج احبج انت عسل وبس الغبي يعوف العسل
رنا ..فقار جاي تاذيني
بعدهه شفت وكع علي دم اخترعت وخفت
رنا ..فقار ليش هيج سويت
فقار ..لج هاي شنو الدم
رنا   يمه صخام بوجهي
فقار .. ليش هذا الدم انت مو كلتي هما اغتصبوج
رنا ..اي
فقار كومي اوديج للدكتوره ونفتهم
للحكايه بقية
*********بقلم فردوس عبد اللطيف*********