گالت هسه تعاي يمنة اني يم اهلي ارتاحي كم يوم وبلكي گصتچ خير واولد لان مختنگة ويومية بليل احس بوجع فضيع..
گتلهة اشوف ثامر اليوم واردلچ خبر اني هم بنفسي اجي صارلي هواية مزايرة اهلي وعلمود شوية ارتاح..
المهم من رجع من الشغل تغدة جوة اني منزلت.. من صعد گلي
ثامر: ليش منزلتي تتغدين
جوري: ماشتهي
ثامر: راح اجيبلچ شي من برة هسه بس تشتمين ريحة الشوي تشتهين
جوري: ماريد اي شي نفسي مزدودة
ثامر: شلون يعني نفسچ مزدودة وانتي حامل موزين عليچ خاف يصير بيچ شي
باوعتلة: عادي واذا صار بية شي منو اني
تقرب گعد يمي: فهميني جوري شبيچ ليش هيچ صايرة متتحملين، منو وياچ اذا اني مسويلچ شي احچي حتة انتبه على نفسي
جوري: اريد اروح لاهلي'طيبة_الربيعي'
مادري ليش عبالك تفاجئ ومثل الخاف من گتلة اروح لاهلي
ثامر بقلق: شنو ليش تروحين لاهلچ
جوري: ميصير ازورهم يعني غير اهلي، صارلي هواية مرايحتلهم
ثامر: ماشي نروح اني وياچ العصر ونرجع بليل
جوري: اريد ابات شنو هل سرعة غير مشتاقتلهم
تنهد: وشگد تباتين
جوري: ماعرف الى ان حالتي تتحسن
ثامر: وشوكت تتحسن حالتچ جوري، متتحسن يمي يعني؟
جوري: شبيك ثامر حرام ارتاح يم اهلي شوية، متعرف الضغط الديصير علية هنا حقك رجال متحس بنار المرة
تفاجئ: يا نار هاي غير تفهميني شبيچ
جوري: مراح تفتهمني واني ماريد احچي لان مراح اوصل النتيجة، وديني هسه اذا تگدر
ثامر: تحچين لو شلون؟؟ لتعصبيني
جوري: عساس اذا حچيت مراح تعصب، انسة ماكو شي
ثامر: لا اله الا الله، يا مرة انتي بيچ شي؟؟؟؟ مو داگلچ احچي ليش تعصبيني ومن افقد اعصابي وياچ تلوميني وتحچين!
جوري: ماكو شييي يا الله هسه ابتليت فكيت حلگي، وديني تعبانة اگلك اريد ارتاح'طيبة_الربيعي'
ثامر: واحنة نضل هذا وضعنة وهاي مشاكلنة يومية منرتاح مثل خلگ الله!؟؟
جوري: نرتاح من انتة تلتفت البيتك ولجهالك وتبطل تنشغل بناس مو من اهلك ولا انتة مسؤول عليهم
ثامر: هاااااا قصدچ رقية موو، هو هذا الكاتلچ انتي، لچ بابا لخاطر ابن اخوية شلون وياچ اني شوكت تفتهمين! تريديني اذبة بالشارع احطة بيد الغريب!
جوري: مو گتلك ماكو داعي افش البداخلي الك لان مراح استفاد شي غير حرگان الگلب، اني تعبت بعد شتسوي سوي براحتك اهم شي عندي ملاك وابني ماريد منية احد
ثامر: انتي صايرة متعرفين تحچين، خل اوديچ لا ارتكب بيچ جريمة
وگام يبدل من خلص گلي بسرعة انتظرچ بالسيارة بس اطولين ابطل.. واني عالسريع شلون ما كان حضرت نفسي وملاك.. نزلت عمتي تفاجئت گتلهة رايحة لاهلي خافت لا صاير شي گتلهة ماكو شي بس مشتاقتلهم.. رقية گاعدة سم انشاءالله عساچ لا تهنيتي.. مثل ما دتحاولين تخربين بيتي اريد الله يضربچ ويطيح حظچ..
YOU ARE READING
شرقية الهوى
Romanceشرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
