ورة الغدة صعدت قبلة انوم ملاك.. رغم عمرهة مواصل السنة بدت تحچي كلمات مثل ابه مام عود بابا وماما.. وكلمات ممفهومة المهم الحمدالله تحچي..
نومتهة وگمت گعدت بالهول انتظرة.. شوية ودخل مباوعلي راح للغرفة وبعد مطلع.. رحت وراه لگيتة متمدد وخال ايدة علة عيونة.. اني من حچيت علمودة مابنيتي حقد تجاههة.. بس مو مشكلتي گلبي يلعب منهة..
بدلت لان هدومي توصخت من الشغل.. صعدت عالسرير وحضنتة
جوري: حبيبي
ثامر: هممم
جوري: حتنام؟
ثامر: مم
جوري: لتنام وتعوفني اريد اسولف وياك
ثامر: قصدچ اريد اغثك مااسولف وياك
جوري: ليش شوكت غاثتك اني، من حچيت اليوم مقصدت شي انتة فهمتني غلط
ثامر: نامي جوري مالي خلگ تعبان
حضنتة اكثر: بس اني اريدك تگعد وياية
مجاوب'طيبة_الربيعي'
جوري: ثااامر
ثامر: شتريدين
جوري: يعني حتنام زعلان وتخليني انقهر؟؟
مجاوب
جوري: انتة مو گتلي بعد ماقهرچ
هم مجاوب.. تركتة ونمت بصفحتي.. شوية وحسيت عليه حضني وباسني بشعري.. درت عليه وحضنتة
جوري: احبك
ثامر: اموت عليچ
هذا چان آخر يوم انام بي يم ثامر براحة.. مرن كم يوم اشوفة مهموم وبليل يلف راسة وينام.. ومن يگعد الصبح ميخليني اگوم من حضنة بس احس نومتنة مو براحة.. ودائما يصفن واني عذرتة اعرف ابن اخوه بوضع حرج والي هسه مشايفي لا هو ولا عيالي..
عمتي گلبهة ناطف عليه بس تريد تشوفة وتحضنة وتشمة تگول اكيد مثل ريحة الغالي.. بعد اسبوع ويوم من اتصال رقية علة ثامر گاعدين اني وعمتي بالهول چان نسمع الباب البرة انفتحت.. كل ضني بس ثامر جاي.. لكن من فات چانت رقية وراه وبيدهة ابنهة..
اني وعمتي گمنة.. اني باوعتلهة وادور باوعتلة ميباوعلي.. عمتي ركضت علة ابن نزار حتة علة رقية مسلمت.. اخذتة منهة تبوس بي وتصلي على محمد وصارت تبچي..'طيبة_الربيعي'
رقية سلمت وثامر گال
ثامر: راح تبقة يمنة رقية بين ما نشوف حل
عمتي محچت بس هزت براسهة.. اني بقيت ساكتة.. ثامر گلي
ثامر: جوري
جوري: ها
ثامر: تعاي
طلع رحت وراه.. دخلنة للسويت اندار علية
ثامر: راح تبقة فترة هنا، ماريد مشاكل ولا سوالف تعبانة
جوري: ليش اني شمسويتلهة
ثامر: ممسوية شي بس انبهچ لان مابية حيل مشاكل زايدة البية مكفيني افتهمتي لو لا
جوري: وشبيك معصب اني حاچية شي، مثل متريد
وعفتة ودخلت للغرفة.. مأجة سمعت الباب انرد.. عمتي التهت بابن نزار واني بالمطبخ اسوي غدة.. عمي طلع من الغرفة چان نايم.. شاف ابن نزار يم عمتي اخذة لحضن ويبچي.. ثامر مادري وين راح طلع..
YOU ARE READING
شرقية الهوى
Romanceشرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
