- جنات بيبي نروح نجيب غراضج انتي بعد تبقين عدنا و نصفي غراض اهلج وننطي ملابسهم للفقرة،اثوب
ظلت تبجي وهي تشهك وتغص بنحيبها.
شبكتها بيبيتها وهي تواسيها مدري تواسي روحها،
- يابيبي شبيدي عليج موت ابوج كسر ظهري وظهر جدج ، والهام يشهد الله مشفت منها الا كل خير الله يرحمهم ويجازي الكان سبب.
في بيت المرحوم مرتضى
الساعة الخامسة عصرا من يوم الاربعاء
جنات*
هاي القنفة مكان ماما تحب تخيط وتكعد مقابيلة هاي غرفة نومهم
رزمت ملابسهم بجنط حنصدق بيها هدية لفقير بثواب اهلي.
اخر دشداشة لبابا وكلابية لمامة نزعوهم ولبسو غير ملابس وسافرو ماهلي اغسلهم بيهة ريحتهم اخذتهم وياي وعطر بابا الجان ابد ميفاركة طول اليوم اشم بي هل عطر ومن يمشي يسبقة اشتميتة ومر امامي حلقة تفاصيل بابا وكلامة وضحكتة
رجعت لذكرياتها وي ابوها وهي تنتحب
- مرتضى جنة بابا اليوم خلصتي امتحانات مو؟
- اي بابا واخيرا افيش حرتاح واشبع نوم وماكو كعدة الفجر وماكو دراسة
- اي الله يساعدج هواي تعبتي عود خامس لعد بالسادس شسوين.
- الله كريم منا للسادس
- الهام: نفس الشي متحسين بالعطلة لان محاضرات تبدي بعد شهر فبس هل شهر اتونسي بي
- مرتضى: اي بابا اليوم اطلعكم اونسكم على حساب عطلة جنة وين تردون نروح ؟
- بكيفك باباتي الحلو واذا مدينة العاب بعد احسن
- شنو زعطوطة تركبين العاب
- اي بابا زعطوطة عاجبني اركب بعدين اكو العاب مال كبار نصعدهة
- يلة بكيفج نروح
- اييي باباتي الحلو وحضنتة وبوستة
*******عودة الى الحاضر****
اه الايام ركضت هذا الحجي قبل شهر ونص عبالك قبل يومين بابا جان فرحان بية عطلت
اني بعد المن ادرس واتعب جنت اريد ارفع راس اهلي وراحوا بعد عليش هل دراسة ماتسوة
راحو بيت الجد لبيتهم وجنات وياهم والناس كامت تروح هناك تواسيهم وجنان تروح يومية العصر وبليل ترجع لبيتهة
(كاعدات يسولفن جنان وجنات. )
- جنات: اشوف امي بالحلم ويتكرر وتكلي لاتنسين وعدج شنو الوعد مااذكر وعدتهة بشي ؟!
- جنان: اكيد تقصد دراسة وانت كلتي بعد ماادرس الميت يراقب اهلة ويشوفهم ويكلون كل ميت روحة تتواجد بالبيت ويعرف اخبار اهلة اكيد مقهورة منج لان تردين تتركين وهذا مستقبلج شهادتج سلاحج بعد ماعندج احد يحميج ولا سند الج اهتمي بدروسج احسن الج هاي المحاضرات مهمة ليش تفوتج بعدين من تطلعين وتغيرين جو ترتاح نفسيتج وتنسين همومج.
- جنات: ما اعرف شكلج، بالي هواي مو صافي هسة جدو مريض فاتته جلطة ونخاف لا ترجع تضربة، من موت ابوية وامي للان هو يوميه واكع وبالمستشفى.
-جنان: ياسر خابر لسوريا يبلغ اهل امي بس محصلهم صاحب البيت يكول شالوا وغيروا مكانهم او رجعوا للعراق منعرف تفاصيل. حاول يدورهم بالموصل بس بيتهم بيه عائلة،ثانية واحتمال مغيرين عنوانهم وبهيج ضاعت اراضيهم نبقى ننتظر من بيت خالو هم يجون يسألون،عن ماما اخخ كلة،من خويلد لو ماخذج جا هسة ما شايلين همج ومستقرة،ببيت زوجج.
مثل هبة ريح لفعتني و ضربتني بقوة شحب وجهي واني اذكر كرامتي المسلوبه.
جنان/ حاول ياسر يوصل لبيبي وجدو بس معدنا ارقامهم راحن بالحادث وي نقالات امي وابويه باوعت لاختها : اكول جنات ليش ضجتي معقوله تحبيه لخالد لج الباعج بيعيه خل يولي هذا لو بيه خير ما اخذ وحدة منعرف شنو هي وفضلها على بنت عمته
صوت صياح خلاهن يكمزن مرتعبات… .
: يبوووو لحكني بنات
تم الفصل
تصويت
تعليق
عدد كلمات البارت 1209
مع تحياتنا
وئام @Weaam-AlBasry
جوري Basair-89
فاركونا
Start from the beginning
