للي قاري الجزأ الاول يبدي بالثاني هنا للي مقاري الاول خل يروح يبدي بالاول تلكوه بصفحتي ومن يكمله يقرا الثاني البارت الاول من الجزء الثاني *** فاركونا ***
فاركونا من سفرهم هم يعودون لو نسونا ايا دمعي صب عليهم قاسمتهم فرحتي وشاركتهم بمحنتي يبعد الهم لمن اشتم عطر اديهم روحي مشتاكة وتحن وتارس عيوني الحزن ما الكة مثلهم وين ما امشي لمن ضيعتهم ضيعت كلشي… .
جنات* بعدها بفترة اجة عمال اعتقد تابعين لقسم الثلاجة شالو اني وخلوها عالسدية و غطوا وجهها و راحوا بيها وهم اخذوا وياها وصلة من كلبي
ظليت برة الردهة مثل المخبلة بس اباوع وابجي على امي وهي تبتعد عني معقولة امي راحت خلاص ما اشوفها يارب الهمني الصبر على فراق الاهل.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(في بيت الجد بعد العزاء بايام )..
جنت منهارة وصورة اهلي وهم على فراش الموت مدتروح من بالي انام اكعد واتذكر او اتخيل وجه امي المايبين بي الملامح بس دم وجروح وتشوه تجيني حتة بالحلم تكلي جنات لا تنسين الوعد نفذي. وفجئة تختفي وافز شنو هذا الحلم شتقصد هاي مرتين اشوف نفس الحلم مااذكر واعدت امي بشي اني انهاريت بايام الفاتحة ثلاث ايام اني بس صافنة مصدومة . نرجع لثالث يوم بعد ماخلصت الختمة وبليل راحوا الناس واجن خواتي كعدن بالغرفة يمي والجهال هوسة وهن نسن نفسهن وكعدن يسولفن (مو نسو اهلهم لا وانما بچو هواي وفرغو البكلبهم بالقراية فارتاحن شوي ) اما اني لان كضيتهة صافنة ومصدومة فظل شي بداخلي مخنوكة
