خطوات نحو الجحيم

البارت ال25

#خطوات_نحو_الجحيم

/////بقلم الكاتبه زينب ماجد////

الحلقه_25

لجين:- مالك لحظه بس اسمعني.. والله ما شردت ولا ابد.. بس صار عندي نزيف وانت شفتني بعينك..

رحت للدكتوره وحالتي خطره.. من ضربك البارحه تأذيت والا شويه كان انفجر الرحم مالتي.. حرام عليك اتركني ارتاح.. فدوه

-اخذ نفس .. نشوف.. كدامج اسبوع وترجعين اوكِ.. وهااا كولشي شفتي بالخزنه.. تنسي ولا تجبريني انسيج بطريقتي

-انسى شنو اني مشفت غير صورك انت و هايه..

-تفهميني شأحجي.. ما اعيد.. ......قفل الجهاز..

-دنكت راسي يربي اشون راح اخلص منه شورطت روحي وياه.. شلون كدرت اتعلق بيه وانعمي بهشكل عن كل افعاله..

اللهي انقذني ارجووووووك..

باوعت الساعه.. كانت 4 ونص العصر.. خل اكوم اروح دكتور جلديه لوجهي ليضل هيج مورم..

كمت لماما.. كالت سويتلج شوربه.. اكعدي لتمشين هوايه مو زين عليج..

-ماما اني اريده يوكع خليني.. المن اجيبه بالله ليا ضيم.. خل اخلص روحي وبعدين اخلصه..

-وين تردين

-اروح دكتور جلديه ع وجهي.. الجمعه عندي برنامج.. لازم صافي ما اكدر اخذ اجازه .. ميقبلون..

-اجي وياج

-بكيفج.. رحت حظرت نفسي.. وطلعت وي ماما.. سقت لدكتور ابغداد الجديده.. دخلت عليه.. انطاني علاج وابر ضربني بالجلد.. لتخفيف الورم واختفاء الكدمات..

كملنا.. وطلعت.. كتلها ماما اريد امر ع سرى اشوفها... كالت لا ارجعي مو زين عليج السياقه هوايه..

فرجعنا وخابرتها كتلها اريدج ضروري.. خطيه ساعه وهي يمي .. اول مطبت دتحضني نشغت.. ياااااا هاي شبيج..

بوستها وكتلها كعدي

-سولفيلي شصاير منو مسوي بيج هيج..

-سرى ما اعرف شلون اكولج شكد كنت غبيه  نصحتيني وما اخذت..

سرى:- لجين والله خايفه عليج من مالك هو اكيد مووو

-هزيت راسي ونزلت دموعي ..

-حبيبتي اووووي  حيااااتي لتبجين كسر بأيده ان شاءالله.. لج والله خفت عليج منه وحذرتج وكتلج مجرم.. ما فاد جنتي معميه بي

وما الومج.. هو ثعلب ومثل السحليه يتلون.. اذا غير اسلوبه.. لو تكتلين نفسج متعرفي بس بساعة الغضب يبين على حقيقته ..

لج شهر وهو يهدد بيه بالصور على مود معلوماتج..

-حركتهم صورج

-صدك والله

-اي والله ومو بس انتي .. كومه بنات بنفس الوضع..