سافروا البنات لعمان علشان يحضرون عرس سمر وهيام بالغصب ابوها وافق ع روحتها بعرس صديقتها لسئ شايل بقلبه عليها وزعلان انها بعملتها نزلت راسه قدام اهله وناسه هيام كان شكلها متغير ماصارت هيام الي نعرفها دلوعه وكشخه صارت وحده ثانيه دايم حزينه وهاديه ..
اجتمعوا كلهم مع بعض ماكان حد ناقصهم الا دانه الي افتقدووها ومايعرفون وين دربها ووين سماها... راحت لهم سمر للفندق ودها تشوفهم وتسلم عليهم واول ما اقبلت عليهم كلهم قربوا منها واحضنوها حضن جماعي وباسوووها: شرررفت عروستنا
سمر بخجل احمر وجهها: شرفتوني انتم بزيارتكم ياحبايب قلبي..
راحوا يجلسون عالكنب وسوالف وضحك تذكروا موقفهم لما راحوا يحضرون عرس لين
سمر توجه كلامها لهيام: هيام نحفتي وتغيرتي ليش تسوين بعمرج كذا
هيام ودموعها بدت تنزل: احبه وربي
البنات تقطع قلبهم عليها...
لين بحب: هيام لمتئ عاد انسي انتي اخترتي هالشي وتحملي خلاص مع الايام راح تنسين كل شي بس اهتمي بروحج مو زين عليج جذي
هيام قلبها محروق: اييه انا اخترت بس هو حدني ع هالشي هو الي كان يتهرب مني هو الي ماصار يثق فيني.... وشوي سكتت البنات استغربوا ...هما للحين مايعرفون ان هيام غلطت مع عبدالرحمن وم كذا مافهموا وش الي صار بينهم.. هما يعرفون انها تطلقت وبس
خلود بصرامه: هيام وش سالفة طلاقك احس شي كبير ..ولا ليه تطلقتي بعد اسبوعين م زواجك
هيام نزلت راسها وقررت تخبرهم: انها قبل ما تتزوج خالد ماكانت بنت
البنات شهقوا: ايشششششش؟؟....
هيام بدموع: عبدالرحمن النذل غدر فيني لما كنا ببريطانيا وانا اخبرت خالد بكل شي قبل لا نتزوج وقبل حتئ ماحبه وقتها وثقت فيه وكان لي اخو وبعدها حبينا بعض وكان متقبل هالشي بس لما تزوجنا ماتحمل هالفكره وماتقبل ان واحد قبله يلمسني فصار يتهرب مني ومايبي يشوفني انا ادري انه يحبني بس هو مو قادر ينسئ عبدالرحمن وانا ماتحملت العيشه معاه وطلبت الطلاق .. اخاف يجي يوم ويعايرني بهالشي ..اخاف اجيب منه عيال وبعدين اندم...
البنات مصدومين بنفس الوقت اكسرت خاطرهم
سمر ضمتها بقوه وصارت تبكي معاها هالفتره هي حساسه كثيررر يمكن م فكره انها راح تترك اهلها وتروح السعوديه يمكن م تفكيرها الزايد ترك لها اثار ومنها البكاء والحساسيه م كل شي: الله يعوضك باللي احسن منه...وهو الله يعوضه غيرج
هيام وهي تشدد م حضنها ع سمر: ماراح اتحمل تكون وحده مكاني ... ورجعت تبكي اكثر
لين قربت لها وضمتها: انتي حرمه وماتحملتي تكون مكانج وحده فكيف هو شعوره وهو رجال والرجال غيرته قويه فماتلوميه ياهيام هو ع حق هو يحبك بس يبغئ له وقت ينسئ ... ليتج عطيتبه فرصه
هيام وتمسح دموعها: لا يالين انا خايفه م المستقبل الله يوفقه ف حياته.. خلاص الحينه راح احاول انساه خلاص ودي ارجع هيام القديمه
خلود وهي تمسح ع شعرها: وهذا الي لازم تسوينه انسي.. .النسيان نعمه. اشغلي نفسك باشياء علشان تنسين كل شي تعبك ف حياتك...وحنا الحين نبي نفرح كدرتوا علينا بدل ماتفرحون العروس وترفعون معنوياتها خليتوها تبكي يلا بنات نبي فرفشه
