كانت تحط الميك اب والروج وتكحل عيونها وتغني وناسيه الوقت والمحاضرات الي بتروح عليها وهي بنشوة حماسها وكشختها دخلت عليها خلود بدفشه ..
لين طاح م ايدها الروج برعب: اه طيحتي قلبي يالدفشه
خلود بصراخ: يالغبيه المحاضرات بتروح علينا انتي اشفيك كذا مستهتره بالوقت
لين وهي تناظر ساعتها وتشهق: يامامي وربي نسيت الوقت
خلود تستعجلها: يلا ليوون بسرعه نروح نلحق المحاضره ترا باقي البنات صاروا بالسياره ينتظرون
لين وهي تعدل لبسها وتاخذ شنطتها وتركض وراها: يلا نمشي
راحوا للسياره لقوا البنات طفرانين م الانتظار وصاروا يصارخون ع لين الي ماخرتهم والحين بعض محاضراتهم بتبدا والسبه هي.
لين وهي معقده حواجبها: خلاص عاد كليتوني بقشوري
سمر وهي عاقده حواجبها: ترا انتي وايد ومصختيها ليش كل هالكشخه بنروح عرس احنا
لين وهي تقلب وجهها منها وماترد وتقول للسواق يمشي..
وصلوا للجامعه وكل وحده منهم راحت لمحاضراتها قبل لا تبدا
/
/
ف نفس الوقت كانوا شلة شباب داخلين للجامعه وقاعدين يتمصخرون ع صديقهم سامي الي قايم م النوم ووجهه وارم نايم متاخر. بليل وكان كل نومه ع بطنه ووجهه
خالد وهو يضحكك: اخسس يالصيني عيونك صغيره اليوم تشبه تشونج كينج هو
كلهم يضحكون سوا: ههههههههههه
عبدالله: يا انك نذل ياخالد تراك فشلت الولد
محمد يستعجلهم خلوا عنكم هالضحك وخلونا نلحق المحاضره ترا الدكتور هذا لصقه مليق خلقه ماطيقه
يزيد وهو يغمز بعيونه للبنات لانه حلو ويجذبهم: اشرايكم نسحب ع المحاضرات ونروح نشبك بنات جدد
احمد وهو يسحبه: اقول خف بس وخلينا نروح المحاضره ترا ماكل عقلك غير البنات ..
وتفرقوا كل واحد منهم لمحاضراته ..
تعريف الشخصيات:
دانه: هي بنت شطوره بالدراسه تدرس لغات انجلش وفرنس وادارة اعمال وطيوبه وع نياتها جميله وشعرها طويل واشقر وبيضاء وجسمها جميل وعليها خصر بس هي مبهذله وكل جمالها مستخبي تحت اللبسات الفضفاصه لانها تستحي واهلها مشددين عليها ...وهي سعوديه
لين: بنت دلوعه وتهتم لكشختها رغم ان دانه احلا منهم بس هي اكشخهم ومتحرره عنهم وتدرس فاشنس .. وهي كويتيه
سمر: بنت هاديه تحب الكشخه بس مو بمستوى لين وتحب تظهر بمنظر جميل ورقيق بسيطه بتعاملها يمكن هي الملجئ الوحيد لكل البنات اذا معهم اسرار داخليه او يشكون م شي يروحون عندها.. مرهفه باحساسها هي بنفس اختصاص لين ... وهي عمانيه
هيام: دلوعه عندها فلوس صاحبة مظاهر ومغروره بعض الشي بس حبوبه بعد.. جميله رقيقه اهلها مدلعينها واي شي تبيه يعطونها اهم شي ماتزعل تحب الفرارة بالاسواق وتتشرى باشياء ماتسوى اهم شي انها ترضي رغباتها فالاسراف... وهي اماراتيه
