رفض مقبول

1

في صباح كأي صباح عراقي
....فتحت عيني

الشمس ضربت براسي باوعت للساعه 7:30

اتخبلت وطلعت اركض نزلت الدرج واني ودي

ابجي من الخوف والقلق عندي امتحان ودوامي 8:30

طبيت للمطبخ لكيت ماما كاعده حتى مصبحت

عليها شربت ماء بسرعه وهيه تباوعلي صافنه

امي اسمها ندى ..خيرك ياستار حبيبي يسر بيج شي

يسر ...لا بس متأخره وبسرعه بدلت واخذت

جنطتي وطلعت طبعا بابا مداوم عقيد بالجيش يداوم بالرمادي اسمه صفاء

واحمد ...اخوي الجبير بيته بصفنا ضابط يداوم

بالجنسيه بغداد ومتزوج بت عمي كرم ريم كلش حبابه صديقتي واختي لان اني ماعندي اخوات

وحيده اهلي ....

طلعت بدون ماودع امي من الارتباك واجا ابو الخط دك هورن واني ركض ...

عمو تحسين ...هلو بابا يسر شونج

يسر .... هلو عمو تمام كان وياي بالخط بت عمتي مها احبها كولش وبنيه جيرانه وبت عمتي الخ تماضر لان بابا عنده اخوات اثنين اخوه ..اثنين وهو ثالثهم

يسر .... شونكم بنات شخبار الامتحان ..

مها... مو زينه وكلشي مقريت

تماضر ...يااا شون هيج ياعيني غير تقرين زين

السنه احنا ثالث ووزاري صعب

يسر ....اي صحيح لج مها اقري زين حرامات تروح عليج سنه وترسبين

عمو تحسين ...اي ماما مها كلام صديقاتج صح

يسر ... بقيت اقرا لما وصلنه طبعا المدرسه مو بعيده كولش علينه مايقارب نص ساعه بس بابا ما

يقبل اروح وحدي يكول برد والصيف حاره ليش

تتعبين وصلنه المدرسه دخلنه قاعده الامتحان بسرعه
اجت المدرسه وامتحنتنه اني كولش زينه ممتاز 😍

وكملنه الدروس البقيه وطلعنه اني والبنات

وصلت البيت ب 1 ..

يسر ... هلو ماما

ند ى .💔زعلانه منج ...ليش ماما

ا
ندى ...رحتي سلام مسلمتي هاي لو صفاء طبعا

جان اخذتيه بالاحضان واني تعبت وربيت ولاكنما

يسر ...لا ماما والله غلاتكم نفس الشي بس كعدت مفجوعه وقلقه

اهااااا هسه عرفت اني تغارين لو شنو

ندى ...سكتي لج اني اغار هسه معليه فوتي

باعي منو أجه

يسر ...طلعت اركض كبل لغرفه امي عرفت بابا نزل من دوامه ..دخلت وشفته متمدد فدوه حبيبي انت رحت فدوا لطولك انا