حياتي في خطر

#البارت احدئ عشر

سيف ـ اول مرجعت وديت اله مسج جانت ما فاتحه نت
خليت التلفون ع الشحن ورحت اخذ دوش لان فدنوب تعبان بلكي جسمي يرتاح ....

سما ـ اول مفتحت نت وصلتني رساله منه ...هلاو ااني رجعت ...رجعت دزيتله
ۿـۣۛـۣۛـــﻺ 🌸 بيك

سيف ـ سمعت صوت تلفوني ...يمكن وصلتني رساله من سما ...سبحت بسرعه وطلعت فعلا طلعت هي الي دازتلي مدري صاير كلبي يرف عليه من اشوفه تراسلني شعور مينوصف ....شلونج شخبارج

سما ـ الحمدلله بخير وانت

سيف ـ ااني اكون بخير اذا اشوفج بخير ..

سما ـ تسلم ....ااي ياا فريق فاز ...

سيف ـ اكيد فريقي ...

سما ـ ااااحم ...لازم يجي يوم وتخسر 😒

سيف ـ وج مو كتلج عشقي الطوبه شلون اخسر ...

سما ـ ذكرت اكول اريد اسالك سؤال ...

سيف ـ كولي وان شاء ٲآلـلـــﷻــه اجاوبج ....

سما ـ قبل متروح للطوبه? كلت الطوبه صارت عشقي الثاني مفهمت شتقصد??

سيف ـ ليش كلامي مجان واضح??

سما ـ لــหøـا ولله مفهمت شنوو تقصد....

سيف ـ سما ااني تقصدت اكتب هيج لحته اكدر اوصلج الفكره ...

سما ـ ااي وشنوو فكرتك?

سيف ـ ااني من اليوم الاول الي راسلتج بي دخلتي الكلبي وبمرور الايام تغيرت مشاعري تجاهج...

سما ـ ااي كمل ..

سيف ـ جنت كل مره ااخاف اكولج وترفضين كلما اريد اكول اتراجع ...متعرفي شكد صارت الج معزه بكلبي...

سما ـ هاي شجاي تحجي الخاطر ٲآلـلـــﷻــه ....ااني ما مفكره ااحب ولا افكر بهذا الشي اصلا ....رجاءآ سد الموضوع 😔

سيف ـ شنوو اسد الموضوع اكولج ااني حبيتج واني ابن عمج واوله بيج ....تعرفين شنوو حبيتج..

سما ـ انت متعرف شي عني ...ااني مو الانسان المناسبه الك صدكني ..واذا حبيتني انساني وربي يسعدك ويا وحده غيري ...

سيف ـ وج لتحجين هيج فدوه...اعرف كلشي عنج حته لو ينقصج شي ااني احبج ....

سما ـ رجاءآ لا تلح كتلك متعرف كلشي عوفني بحالي اصلا ااني مو من حقي احب وازوج ....لتورط نفسك ويايه

سيف ـ اذا تقصدين لان بيج نقص بالدم هذا الشي ميهمني ولله حجتلي زينب .....

سما ـ يربي شورطني ااني ...يربي ساعدني شسوي هسه لــหøـا اكدر اكوله ينقصني شي اخر ولا اكدر احبه واغير مشاعري تجاه...
لكيت ااحسن وسيله للهروب انه احظره حته ينتهي كلشي ...

سيف ـ جاي اكتب اله وحظرتني ...اوف لو ادري ما حاجي عرفت نفسي راح اخسره بس لا ااني حبيته مستحيل اعوفه ....