السلام عليكم....
حتكون قصتي باللهجه العاميه ان شاء الله 👁🗨👁🗨
في عام ١٩٨٣ تحديدا🕳...
منصور افندي شاب مواليد السيتينات من كبار رجال الاعمال بكركوك
من سلاله الافنديه والبشوات
رهام خانم زوجة منصور افندي سيدة الهه مكانه مرموقه بالمجتمع
عز وجاه ومال وجمال 👸
ايهم👦 الابن الاكبر لمنصور افندي وعمره ٤ سنوات
حنين ورنين بنات منصور افندي التوأم واعمارهم شهرين 👶👶
مثل متعرفون هيج عوائل اكييد الهم هواي اعداء
خصوصا المنافسين عالاموال
بيوم من الايام منصور افندي حضر اجتماع علمود مزايدة لشراء اكبر شركه ملابس اوربيه بالبلد🏢
حضر الاجتماع كبار الشخصيات بالبلد
وبذيج الفترة جانت اوضاع العراق بخير ونعمه
تنافسوا منصور افندي وشعلان اغا علمود ربح الشركه
بالاخير جان يفوز بيه منصور افندي بالمزايدة
الكل اجه وباركله الا شعلان اغا جان يضمر بگلبه الحقد والكرة والانتقام قرر ينتقم منه لانو خسرة اكبر 💰💰💰💰صفقه بحياته...
قرر شعلان افندي يخطف طفل من اطفال منصور
ويحرگ گلبه عليه مثل ما حطمه بهالخسارة
اتفق شعلان وي جماعه مختصه باامور الخطف والسلب مقابل مبلغ مالي كلش جبير
بيوم من الايام صحى منصور افندي كالعادة متوجه للشغل
رهام خانم توجهت لزيارة والدتهه الي كانت مريضه واخذت وياها ايهومي
اما التوأم فخلتهن عد المربيه
وجان البيت ميخله من الحمايه👮👮 البدي كارد
طلعت ست رهام
وبعد ساعه من خروجهه اجاها اتصال هاتفي
من المربيه الي جانت مضروبه على راسه والدم يسيل منهه
الو ست رهام لحكي عليه طلبيلي اسعاف
ست رهام........شبيج خاله ام فرزدق بيج شي احجي
الخاله ام فرزدق.....انه تعرضت ل.......وتريد تكمل وانغمى عليهه
توجهت ست رهام للبيت بسرعه
ولكت ام فرزدق غشيانه والدم يسيل من راسه
اتذكرت بناتهه راحت تركض للغرفه
شافت رنين تصرخ اما حنين فماكو
يمممممممه بنتي وينج ماما وضلت رهام تصرخ وتبجي لحد ماانغمى عليهه وايهومي يمهه يبجي عليهه
راح ايهومي فزع الجوارين اجوي وشافوا الحادثه گبل خابروا على منصور افندي وعالشرطه
وبهالاثناء سعفوا رهام عالمستشفى وي ام فرزدق
والجوارين اخذوا رنونه وايهومي يمهم
وصلت الشرطه وي منصور
والجوارين يشرحون السالفه لشرطه وايهومي شابگ والدة ويبجي يگله بابا ماما يمكن ماتت
والبابا يهدأ بيه
من جهه ثانيه المجرمين خطفوا حنين وهي بعدة لحمه حمرة وشمروها بغير محافظه
تحديدا ابستان بالجبايش بالناصريه يم الاهوار
البستان جان لفلاح جبير بالعمر اسمه صمد
مجان عندة خلفه وزوجته اسمهه چلثومه
جانوا ديحرثون الگاع وسمعوا صوت طفل يبحي
صمد.....تسمعين الي انه اسمعه يچلثم
چلثم......چنه صوت فرخ يصمد
وراحوا يتراكضون يدورون صوت الطفله من وين يجي لحد ملكوها يم الناعور مشمور تبجي مفرفحه من الجوع
خذتها جلثم وراحو يتراكضون للبيت هي وصمد
جلثم....صمد احلبنه الصخله بسرعه
صمد....شلج بيه
جلثم......بسرعه يصمد موش وكت سوعال الفرخ يجعر من اليوع ماتسمع انت
وراح صمد يحلب الصخله
واجه وجابه لجلثم الي جانت يم الگنطرة تاخذ ماي من الشط وتغسل بيه حنونه الي جانت خطيه حالته حاله من غير التلهوگ الي صار بجلدة
خذت الحليب من صمد وجان ترضع بيه حنونه
وجان حنونه تهدأ وتسكت ورجعت بجت من جديد من ورا التلهوگ البيهه
چلثم.....من عميه عين امك شلون ذبتك
وجان تفتح الحضينه وتلكاها بنيه
تعال الحگ يصمد خطيه هاي بنت موش ولد
بس مشگه وتبجي من المشگ
روح يصمد جيبنه مطال
صمد....شلج بيه يمرة ذجري الله
چلثم.....يرجال لا اداهر الفرخه اتفرفح جيبلي مطال وتعال
وجان بجيب صمد المطال
تاخذة جلثم وبطريقه اتلين المطاله وتدهن بيه المشک
وتسكن حنونه وتنام
نرجع لمنصور وزوجته
رهام بالمستشفى ويمهه منصور يمسح على وجهه
صحت رهام
رهام...منصور وين بنتي اريد بنتي
منصور...والله ياعمري اجيبه الج اجيبه بس اهدأي
لو اعرف اطلعه من حلگ السبع
واني اله الي سوة هيج وحق ربج اذا اعرفه ماراح اخليه عدل
ومسح دموع رهام وواعدة يلكه بتهم
من جهه ثانيه الشرطه مخبوصه وتدور
فات يومين ورهام طلعت من المستشفى وام فرزدق همات
والي عرفته الشرطه انو المجرمين دخلوا للبيت بمساعدة واحد من الحمايه الي جانوا عالباب
بس لهسه ماتوصلوا لشي
رهام حالته تسوأ يوم بعد يوم
راح يوم واجه يوم والشرطه ماتوصلت لشي
رهام اتهسترت ضلت متحجي فقدت صوتهه من كد الصريخ والنحيب
نرجع لصمد وجلثم
جلثم....شوف يصمد شحلات خدودة جنهه گيمر
يممممه صلوات على محمد يمه الله ينتقم من امج يسون فعايلهن وذبنكم من الله لا يربحه ان شاء الله
شوف صمد هاي البت انه ماانطيه ومااخليك تروح للسلك تخبرهم
وسيد يوشه احرگ روحي ترى هاااا 😠من كون سمعت بيك رايح للشرطه
صمد.....ولج شبيج يمرة تخبلتي ولج خاف اطيح علينه بلوة مو بلحسبان يمكن هاي الفرخه مخطوفه تردين تبلينه
جلثم....انه كتلك يصمد واذا تسويهه وتروح المن كواري واروحن لهلي انه مالي گعدة وياك😡
وللحكايه بقيه
انتظروني في البارت الثاني
ووووووووو فطيم 🙃
