حيدر: رجعت طلعت ملابسي وطلعت عدنه فصل اليوم وكلش ضايج رحت للديوان كعدت على اعصابي
ملاك: اجو بيت عمة وخواته لحيدر هوسة فد مرة جايه بنت عمة همزين ما ضربي على وجهي بس حمار كلش خفيف حطيت مكياج راح الاثر خواته مخلني اسوي شي كاعده يم البنات صارت هوسة بالديوان وصياح وسمعنه صوت طلق خواته يبجن والام تدك وتلطم واني كلبي راح متت خوف عليه ولا تكول موتني كتل البارحة دخل اخو
حسن: لحد تطلع ولزمن الجهال
ام حيدر: شكو لك شبيكم صخام الصخمني ابوك واخوك وين
حسن؛ يمه الشيخ انصاب وحيدر ادري بي مخبل يلا طالع
ملاك: ضلوا الكاعدين كلهم بجي ونوح واني كاعدة افرك ايد عمتي تخربطت واسكت بالبنات وخواته رجع حسن طب ورة ساعتين
ملاك: حسن حيدر وين احس الدنيا تفتر بيه انفتحت الباب بعد ما حسيت بشي
حيدر: طبيت اريد اشوف كلهم بالبيت لا يروح يصير شي ملاك شافتني ووكعت شلتهة ركض للغرفه اكعد بيهة بالكوه كعدت
ملاك: كعدت شفت حيدر بجيت مبي شي صفنت لعد حسن مو كال انت تصوبت
حيدر: حرمات والله مبيه شي لازم فرحتي من كال هيج ومن شفتيني وكعتي
ملاك: لا اني ما اتمنى اذيه لاي شخص خصوصا عندك زنوبه وزهراء بس من كال حسن الشيخ انصاب خفت لا يصير بيك شي علمودهن
حيدر: مو بس اني شيخ بالعمارة وبعدين انتي هسة شابكتني وهلمحاضن وتبجين هم علمود زنوبه وزهراء
ملاك: من الفشله ما ادري شحجي سكتت احسنلي
حيدر: دتعالي خل نام وانعل ابو الفصل لابو اليطلع ويعوفج
ملاك: اليشوفك اليوم ميكول انت نفسك البارحة موتتني كتل
حيدر: ملاك اني شكد سكتت على هواي اخطاء سويتيهن اني اضل احرك بروحي شي على شي وطلعت قهري بيج البارحة
ملاك؛ لا انت حاقد عليه من سمعت حجي ويه اختي وفهمت غلط ومتوقع اني الي غلطت
حيدر: لو فاهم غلط ما اجيبج هنا بس اسلوبج المقتنعة بي وحجيج جابوج يمي
ملاك: انت متعرف ليش
حيدر : اشششششش ما اريد اسمع واخطاء هواي غيرهن ولا كلمه رجاءا
ملاك: سكتت اجت امه وخواته شافوني ونزلنه كلنه
ايناس: شهالعيارة عود انتي تحبي الله يا الله الاوسكار ميلحكج
ملاك: استغر الله هسة انتي ليش محروك كلبج
ايناس: شوفي خدج من الضرب وكاعده تتعايرين عود تحبي اني لو منج ما ابقه دقيقه هنا بس انتي بلا كرامه
ملاك: سكتت محجيت وين اولي وهو لازمني من ايدي التوجعني اااوف مرام ضلينه سوالف وضحك للعصر زهراء نامت بحضني صعدت الدرج اوديهة لغرفتهة شفت ايناس دتنزل شسوين فوك
ايناس: بيت عمي وحرة اروح وين ما اريد
ملاك: صعدت زهراء جزعت منهة لسانهة متبري منهة رحت للغرفه اباوع الارضيه كلهة تراب الغرفة تخنك نزلت جبت مكناسة صاحتلي عمتي الخطار ديطلعون نزل سلمت وصعدت كنست الغرفه ونمت حلمت بزونه سودة تحجي ويايه وذيلها مقطوع كعدت ابجي لكيت حيدر كاعد يمي حضني اختنكت احس شعر البزونه بحلكي ومن حضني حيدر احس اختنكت وخرته
حيدر: دتحلمين ماكو شي
ملاك: مي حباب شربت مي ورجعت نمت حسيت حيدر حضني درت وجهي عليه باسني وحضني اقوى اختنكت صحت اشوف حيدر نايم وفز من النوم
حيدر: شبيج اليوم متكليلي
ملاك: احلامي كلهن مو حلوة خطيه حيدر شغل قران بموبايله غفيت عليه بعد ما حلمت لاحضت حيدر هواي تغير ويايه حتى موبايله يعوفه يمي
حيدر: الليل كله نايمين اشوف البردة تتحرك واحس احد بالغرفه وملاك تحلم واريد اوكف اصلي ما اكدر تالي نزلت صليت جوه
مرام: مر ست اشهور على زواجنه
ام رسول: يمه ما صار شي
مرام: على شنو
ام رسول: مصار حمل شوكت نفرح بيكم
مرام: لا ماكو شي رسول هم يريد كتله اراجع دكتوره
ام رسول: اي يمه خاف اكو شي تنطيج علاج
مرام؛ ما تغير بحياتنه اي شي اني ورسول ميباوع بوجهي
رسول؛ اوف مرام من تفتر بالبيت شتسوي بكلبي وهي البرود الشايلته والكسرة الي بعينهة تموتني من اسمعهة تبجي بالليل روحي تروح صح مجنت احبهة قبل بس من لبستهة الحلقه صارت كلشي بحياتي اخاف عليهة من نسمه الهوا من رجعت وكلتلي امي وديهة للدكتورة وهي تباوعلي بعتب احس اللكمه متنبلع لزمتني العبره اريد ابجي وياهة منو السوه بيج هيج يبنت عمي غيرج انتي مو انتي الخطائتي ولازم تتحملين نتيجة هذا الخطاء رحتت للغرفه لحكتني
مرام: اليوم وديني للدكتورة
رسول: ليش اصلا واصلج حتى تردين طفل
مرام: انت مو تريد تتزوج احنه مو اتفقنه وهسة خلي انفذ الكتلك عليه
رسول: ااااخ كلبي شلون تحجي وشفتهة متروسه موتتني جريتهة حطيت شفتي على شفتهة احس راحت روحي اريد ابوسهة مبيه حيل سحبت شفتهة ونت خبلتني مكدرت بعد دفعتهة وطلعت اسمعهة تبجي بس مو بيدي من اتخيل غيري نام وياهة واطلع على جسمهة اموت
مرام: من طبيت وباسني وشمرني ايست بعد ماكو امل لعلاقتنه غيرت ملابسي حتى نروح طب للغرفه ضايج
رسول: انزلي جوه اسبح والحكج
مرام: نزلت عمتي تضحك
ام رسول: شبيهة شفتج توج ما بيج شي ولا تكعدون راحه
مرام: مدري اضحك مدري ابجي على حالي
ام رسول: الله يهنيكم يمه
رسول: يلا حبيبتي
مرام: اوووف لو نكضي النهار والليل كبال امك جان مو هذا حالنه
مرام: دخلنه للدكتوره
الدكتورة: انتي متزوجه
مرام: بلي
الدكتوره: بس بعدج زغيره شلون انطوج اهلج
مرام: بعد كلمن قسمته
الكتورة: اي والحلوه بس لا جايه علمود طفل ماما بعدج زغيره على الجهال
مرام: جاية اجيك وضعي فحصتني الدكتورة
الدكتورة: مبيج شي رحمج طبيعي وكلشي تمام
مرام؛ طلعت
رسول؛ هااا شكالت
مرام: شنو شكالت شنو صدكت الجذبه
رسول: لا بس شسويتي
مرام: مسويت شي من نرجع نكلهم ميصير عدنه جهال
رسول: ميسالون ليش
مرام: نكلهم عقيم وميصير اصلا عدي
رسول: مممممم اوك
حيدر: ملاك الدشداشه وين
ملاك: بالكنتور كلهن مكويات
حيدر: الكنتور فارغ شتحجين
ملاك: فتحت الكنتور لعد ذني شنو
حيدر: ليش مغيره مكانهم
ملاك؛ هاي الخانه اعلى لان جواهة جرار عيني بنتك صايره تفتح الباب وتطشرهن كلهن
حيدر: والله جانن عاقلات انتي وكحتيهن جنت اصيح صوت ينامن هسة اصيح على زهراء تصيحلج دفاع
ملاك: يي كم بنيه عندك هنه ثنين شكو تصيح عليهن
حيدر: بعدج تحلمين مو
ملاك: ي
حيدر: سكتت ونزلت شكولهة اني هم احلم وبالكوه اصلي والله تموت من الخوف وصلت للباب فتحتهة شفت ايناس بت عمي
ايناس: هااا حيدر طالع
حيدر: اي محتاجه شي
ايناس: سلامتك
ملاك: اني شفت ايناس ايست اليوم نحس من بدايتة
ايناس: سلمي السلام للالله
ملاك: لل الله مو الج
ايناس: حقج تنضغطين احلى منج
ملاك: اوك
ايناس: وين البنات اشتريتلهن موطه
ملاك: مو زين لا تنطيهن زينب متتحمل بلاعيمها ولو شافت زهراء تضل تبجي
ايناس: وانتي منو بكيفي لو صدكتي ذني بناتج
ملاك: بناتي أن رضيتي او لا
ايناس: لا عيني كلج على بعضج خدامه يومين يشبع منج حيدر ويشمرج
ملاك: ما اسمحلج والله اوصل الحجي لعمتي وحيدر
ايناس: ولي من وجهي وجه البومه
ملاك: سكتت راحت انطت موطه وتمر هند لزينب واني افور اخاف عليهة اكلهة ماما لا تاكلي طفله شمفهمهة لليل بلاعم زينب وصخنت كمت افرفح
حيدر: شبيهة ليش مصخنه
ملاك؛ اكلت موطا
حيدر: وانتي شكو تنطيها زغيره متفتهمين
ملاك: والله مو
حيدر: اشششششش كافي جيبهة اخذها للمستشفى لا تنشمر
