كابوسي سينتهي💔

مفهمت شي-٩-

اخذت اجازة لبناتهة ،اما حال انور،

-انور:بعد من التفكير ماعرف شصار بية والله الضاهر انة وكعت بلحب مو اشرف دائمن افكر بيهة ،متت شعور يخنگ اريد اشوفهة اريد اشوف عيونهة الخجولة،اريد اشم ريحتهة ،اريد اليل نايمة يمي واشبع عيوني بشوفتهة سحرتني هاي البنية ملت عيني من دون لبنات البقية،قررت ازوجهة الكل تفاجئ بس الحمدلله وافقو اهلهة احلى يوم بحياتي لمن اجت خالتي كالت وافقو كتلهة لعد استعجلي بلخطبة والحمدلله صارت المشية  مالت لزلم واتفقنة وتوكنة ،امي راحت وياهة ثاني يوم شترو ملابس وذهب بعد يومين،  جنت احلق وية اشرف واتونسنة يم جماعتنة ركص واغاني حد ماصارت الحفلة اول مدخلت شفتهة بفستان وردي والمكياج خفيف وجسمهة يجنن اخذت نفس عميق وبتشمت حسيت روحي وحدنة بلدنية هاي بس ماتوسعنة هم فرحة دخلت بجسمي وانشرت،اجيت كعدت يمهة والنسوان يركصن ويهوسن وانة ملشوي اسرق النضر الهة وهية جانت منزلة راسهة مستحية اتقربت عليهة وهمست..

-فدوة للگمر الكاعد يمي ...

ابتسمت ونزلت راسهة بعدين باوعت لمهة ونزلت راسهة مرة ثانية ماشفتهة كلش متحمسة او اكو شي لان هم قلقة شفتهة ،اشرت ع اشرف لان جانت الحفلة مختلطة لان ماعدهم ناس همة هواية يعني بس كرايبنة مو غربة ،اجة اشرف يمي كتلة صاير شي كال مادري بس امهة ضايجة هم واختهة مموجودة ،

-ليش وينهة اكيد صاير شي لحضة خلي اسأل ريم،

همست لريم ...

-ريم اختج وين وليش امج وانتي مو ع بعضكم صاير شي?

-لا مصاير (ابتسامة)

-هزيت راسي اوك درت واسي لاشرف كتلة

-ماكو شي ادكول لاضوج روحك خلي اتخلص الحفلة ونعرف شصاير

-اووف خايف والله مدري ليش احس بضعف اكو شي والله مامطمن لهاي الاجواء...

لبسنة الحلقات وخلصنة المراسم وصرنة مخطوبين وصارت ملكي من اليوم...المعازيم راحو كلش البيت صار هوسة المهم لهسة مشفت زمردة،باوعت ع غرفته اكيد هاي غرفتهة ليش متطلع،اشرف متوتر وگالب وجهة كلنة كعدنة خالتي وامهة ضلن يسولفن اشوف ريم سارحة بخيالهة وتباوع للحلقة وعابسة وجهة،اووف لازم احجي شي راح اطك،

-عمة شنو ريم زعلانة علية من هسة اشو متحاجيني...

-هههه اي والله ليش متاخذون راحتكم وترحون للغرفة تسولفون اشوي ونروح للبيت،

بينما خالتي تحجي نزلت دمعة من ريم سألهة اشرف  شبيط مرت اخوي بسرعة باوعتلة وضلن ينزلن دموعهة وباوعت لأمهة وضلت تبچي بكل حرگة

-اريد زمررررردة يمةةةة........اريدهة بهاذ اليوم ليش هيج سوت بية ماتحمل والله.......يمة اريد تؤمي.......اروح اكعدهة يمة......(مقاطعة ...

-ام اشرف:اشبيج يمة وين زمردة ردت اسأكم وينهة ليش محضرت..بيهة شي

-اشرف;بخوف)شبيهة ليش تبچين احجي .......

-ام زمردة:اشش ولج لاسمعج عفية لحد يعلي صوتة ترة بلكوة نامت....

-اشبيهة ام ريم عفية وكعتي گلبنة...

-ام زمردة:والله يا ام اشرف ماعرف شحجي وشون ابدي بس ....مقاطعة....

فتحت الباب زمردة بوجهة الشاحب وبيدهة كانونة وشعرهة المبعثر وخصلات شعري مبتبعثرة ع عيوني الذبلانات ونسي المكطوع مشيتي الغير مستقيمة ،خلت امي وريم يركضن علية ريم حضنتني وامي جر بيهة لان انة دايخة اشرف وكف ع حيلة بين المذهول وبين العاشك الولاهان شفت نضراتة بينما مرضي عامي عيوني،ابتسمت بوجه وبللت شفتي حتةاكدر احجي خليت امي دكعدني يمهم بينت ملامح الذهول والخوف بوجهم

-يمة خالي انشتلله خير هيج الفلاونزة تهد حيلج

-انة:بصعوبة تنفس احجي.....ياريد الافلاوزنة تصيبني بدل فيروس ياكل گلبي....انة...هلي اروح اغسل وجهي علمود اصحح بينما بحلك امي حجي الكم اترخص،

-شبيهة ليش تعبانة شبيهة بتج،

-خالة اقصد عمة انة اكلج بس لاتفتحين الموضوع كدام تؤمي لان ماتحب احد يحجي بهاذ الموضوع...ماشي اتوعدوني كلكم،

-اشرف بعصبية ،يلله كولي بلة مقدمات لخاطر الله،

الكل انتبه علية بينما وجهة صاير نار وعيونة تجدح،حب يغير الموضوع انور،

-لحضة ليش دكولين تؤمي هلكد تحبيهة ههه

-لا هنة تؤم اصلن،

- انور:شنو

-اشرف:شون يعني بس الوجوه،

ريم:اي انة وزمردة تؤم بس الوجوه الشكل مختلف يعني هسة هاذ مو موضوعنة ....
;حجت عن مرض زمردة كلة والتمر بي اختهة اشرف مام وراح للبيت الكل انتبه عليه واكدو انو هوة يحبهة ،والكل ضاج واترخصو وراحو بس انور صاح لريم تجي بلحوش شوي يريد يحجي وياهة خالتة راحت للبيت امهة كالت اشوي وطبي جوة لاطولين مالت اوك...

-انور،حضنهة بكل قوة وشم شعرهة شمة قوية بحيث كال للوكسجين نفس حبيبتي يكفي اني اعيش حياتي الباقية،حط ايدة ع خصرهة والثانية ع ضهرهة حس انو هية ضلت تبچي بعدتة شوي باوعت بعيونة بنضرة خلتة يذبل ايدة وخرت خصلات شعرهة ورة ذانهة بينما النضرات مستمرة،

-انور....شجاي سوي عيب هسة يشوفونة ......

-مرتي وروحي وحياتي وحبيبتي شعليهم بينة بعد ،بس فدوة لاتبچين بعد والله اموت..

-الله يخليك الي طول العمر ولايحرمني منك ...انور انة محتاجتك بشغلة عفيية

-هاا...هاذ الغزل كلة طلعتي مصلحجية هههه اوك كولي

-انة انتبهت انو اشرف يحب زمردة عفية لاتخليه يتعلق بيهة ولاهية تتعلق بي ترة ملش متفيدةمو لان اختي مريضة لا بس هية متحب الة نفسهة وعدهة حالة نفسة محد يكدر يغير طبعهة ابد لذالك ماريد احد يتأذة منهة والله احجي علمود مصلحتهم ثنينهم

توقعاتكم 💭📍
تصويت 👍