البارت التاسع.
من عشقتك. ياقاتلي 🎡🌼
جوري
سمعت صباح نجم من الطابق الثاني
عبالك صرت تمثال من الخوف
واسمع صوت يقترب من ناحية المطبخ من ناحيتي !!.
نجم. بعد ماوصل للمطبخ
شمر علية قميصة وكلي كوي ب5 دقايق
مااعرف اضحگ على نفسي لوعلى افكاري ؟،
هذا اخوي وسندي مستحيل يفرط بية
اسامة : الووو انگطع البث عندج شنو
عوفي الاكل اني اگلي البتيتة روحي اكويلة القميص قبل لايتخبل اكثر
جوري حاظر ..
طبيت للغرفة ودموعي على خدودي
اكيد هاي حنان شاحنتة علية ،
وإلا ليش هيج يصيح ؟
كويتة وصعدت وخليتة بالكنتور
وحنان كاعدة على الكرسي تباوعلي بطرف عين
جانت لحظة هدوء الى ان دخل نجم الغرفة
بسرعة كامت تلملم بالغرفة
عبالي دخل بيها جني بالبداية
بس بعدين شفت نجم هنا ..😒
طلعت واني مثل التايهة ومااعرف شنو نهاية هذا الموضوع حتى كمت مااحس بأي استقرار
بقيت على هذا الحال 3 ايام
ادگ علية وماكو مغلق
وكل ما يدگ تلفون بابا
احس گلبي راح يوگع واكوم اوهوس هذا علي
وراح يكلة بنتك جانت بفراشي
وكمت ازيد احداث من عندي مثل الفلم
صار اگلي قليل بقيت عايشة على المي والريوگ يكفيني يوم
اتمنى بس احجي وياه اتوسلة يمسح الصور
ولو اعرف مراح يمسحهن بس اريد وسيلة احجي وياه
الكل انتبه علية مدااكل بس جبت حجة الريجيم
الى ان فد يوم اجني خالاتي مرة ثانية وانجبرت اروح اكل لان عيب منهن
وكلعادة خالتي سعاد اتلمح
لوعندي جنة مثل جوري ولو عندي بنية مثل جوري واني فاصلة من الدنيا
وصل مسج لتلفوني شفتة من بعيد كمت وشمرت الخاشوگة من ايدي مثل المخابيل
همزين محد انتبه على تصرفي
الرسالة :
اشتاقيتلج جوريتي بس صورج تخفف عن شوگي 🌹
هنا نشف دمي ونشف ريكي
أنت تقرأ
عشقتك يا قاتلي
Romanceفتاة تصر على الذهاب الى اربيل وحيدة مع صديقاتها مالذي ينتظرها هناك ؟ قصة بالهجة العراقية
