* الخرطوم •
جهزو ايناس وعمر .. ونزلو الصالة ..
منيرة : خير على وين ؟؟
عمر : امي ماشين نقضي يومين في برج الفاتح سوى ،، عليك الله خلي بالك من سهى اليومين ديل وآسفين والله😅
منيرة : لالا ياخ ،، امشو انبسطو وسهى جوا عيوني😍❤️
ايناس : تسلمي ي خالتي💜
طلعو مع بعض .. ركبو العربية واتحركوو ..
عمر : نوسة حبيبتي❤️
ايناس : ايوة❤️
عمر : رايك شنو بليل نمشي قاعة الصداقة ،، في حفلة بي عصام البنا ورماز مرغني❤️
ايناس : طوالي ،، رماز دي عشقي ياخ❤️
عمر : عشقك !!!!!!!! وانا شنو ؟؟☹️💔
ايناس : اممم ،، ما بعرف💁🏻💁🏻
عمر : الف ارجع ،، ولا بتعدلي كلامك ؟!🙅🏻🙅🏻
ايناس : لا خلاص معليش🙎🏼🙎🏼
ضحكو سوى .. وبعد شوية وصلو البرج .. نزلو شنطهم في الغرفة الحجزوها وطلعو ياكلو مع بعض ..
☄☄☄☄☄☄☄☄☄☄☄☄☄
* توتي •
وائل كان في الغرفة .. مسك جيتارو وبقا يغني اغنية (( ما دام معاي بدر البدور😍❤️ )) .. وهو بفكر في هالة وفي جمالها .. بس فجاة قطع تفكيرو صوت تلفونو بضرب .. شالو ولقاها هدى .. رد عليها واتكلمو مسافة .. وهدى حكت ليهو عن موضوع الرسالة والصور الوصلت أروى وكل الحاجات الحصلت في اليومين الفاتو .. وسألتو يتصرفو كيف !!
وائل : هدى جيبي اروى ولاقيني قدام المبنى ،، ٥ دقايق وبجيكم
هدى : طيب
وائل طلع وقال لي عامر وكمال : قومو معاي👋
كمال : على وين ي زول🙄🙄
وائل : تعالو ياخ ..
كمال : هوي ما ماشي ،، انا بتكلم مع رنا دايرني اخليها عشان اجي معاك ؟!😂💔
وائل : قوم يا عامر👋
عامر : طيب🙄
ونزلو مع بعض ..
~••~••~••~••~••~
هدى و اروى كانو واقفين على جهة المبنى الشمال .. اول ما نزلو شافوهم .. وائل مشا عليهم و عامر مشا وراهو وهو م فاهم شيء ..
وائل : هدى اطلعي جيبي ميسون👋
عامر : ميسون ؟! في شنو ي جماعة🙄🙄
و اروى علمها نفس علم عامر .. جابتها هدى بدون ما تقول ليها اي شي .. وما فهمت من وين وائل عرف ..
