حوش جدي👴

حلقه 6

هاله:-ياناري طرف يا سرو <<بصوت واطي>>

اني:-ايه شفوتي دمه يخفف فيه

فوزيه:-لما إتجيب بضاعة سمحة قولي شينه زي وجهك😑

أماني:-والله يا خالتي الا هو طرف 😍

خالتي:-طرف شنو مال طرف بشكوطي غاوي

هيا اطلعو نمشو لي بعده

نخشو لي دكان نضحكو ونطلعو نضحكو ع تمام 7:00 عشيه روحنا

خشينا لي شارع فوزيه:-ظلام دنيا وتبو تقعدو كانش دلع بنات زايد ساد

اني:-غير بي الله عليك يا خالتي منشري كندرا

مهند:-اللهم لا شماته

اني:-اووووف يلي حظه بلهون وكان يعلق نجوم ماهو صاير منه

ملاك:-راك تبكي قدام اولاد عمك وعمتك وشباب جيران

اني:-فوتي امي تو مش وقت برستيجك

فوزيه:-بنتي والله ماتبكي راجي

ومشيت قدام شباب

ايوب:-كيف حالك يا عمتي وكيف حال عمي محمود

فوزيه:-حمدالله والله لكن معقوله فوق 10 اولاد مفيش حد مشي مع البنات

رائف:-والله ياخالتي مخلوناش نمشو

فوزيه:-وكان شن فأيدة شوراب يلي فوق فمك إذاكان حكمو فيك بنات ماله لما اتزوج مرتك تحطك تحت باطها😒

يوسف خويا:-قصفت الجبه اوووووو

فوزيه:-وانتي يلي شعرك زي بنات اختك تبكي متشوفش فيها ولا انعميت

يوسف ولد عمي:-خيرها؟؟!

فوزيه:-ياحنه امشينا لي سوق وهنا زي وردات يعكسو فيهن خوفت عليهن روحت بيهن وَيَا حنه ساره قعدت تبكي

كلهم قدمو روؤسهم يشوفو فيا نبكي

هالة:-اسكتي راهم يشوفو فيك يا عار يا فضيحة

ولاء:-رمضان يبي طريحة هههه

هاله:-قعدت تكر فيا تبي أدخلني داخل لكن اني منبيش

لعندما لقيت يوسف ولد عمي فوق راسي:-معقوله تبكي ع كندرا

اني:- مال المنحوس منحوس مش لو علقو عليه فانوس فوانيس يقعد منحوس

يوسف ولدعمي:-هي اركبي سياره يا حبي

ولاء:-واحني

يوسف ولد عمي:-ضروري يعني اركبو

ملاك:-اني نبي نركب في سياره محمد خاطري نركب فيها

يوسف صفر لي محمد خوه :-تعال انت وايوب ولا واحد من شباب

جي محمد ومهند

محمد:-خيرك مش بترفعهم انتا

يوسف :-ملاك خطرها تركب في سيارتك وبي مره تنقص الحموله نص بـ نص