المدرسة بزز حيتاش المرحوم سجلني فيها ...وزايدون نتا مالك شغلك فيا .. هانا شفتها كيعاملا يالاه نخرجو دابا هادشي را مابقاش قدي / لا عاتجربي علا الاقل واحدا / لا هي لا كتفهم بقا بحدك هنا /واخا انا عانمشي نلعب ونتي ..ممم صوريني اوكي / شنو اايممننن كاتعصبني والله / شنو انا قلتلك صوريني ماقلتلكش لعبي / بففف مرض كيداير واخا واخا / هاك طيليفون ... انا مشيت كانلعب وهي من نيتها كاتصورني انا عملتليها هاكاك بلعاني باش هي زعما تلعب ملي تشوفني كانلعب.... لعبت نص دلعاب لي كاينين تماك .. انا تعصبت مشيت عندها / شوفي ماعاتركبيش / لاا / واخا ... هزيتها وهي بدات كتغوت كالعادة المهم ديتها ناصعب لعبة كاينا تماك الافهوانية ولا مانعرف المهم ديك طران عرفتوه ياك هه ركبتها فيه وانا طلعت حداها وهي باقي كاتعاير فيا .. بدا المعقول .. باقي عاقل اول مرة ركبتها حلفت مانعاود نركبها حيت شوهت راسي علا بالي دابا انا كبير ماعانخافش تفرج فيا بنادم اما دك المخلوقة ماتقولش انسان والله ماغاوتات حتا غوتة وحدة كانت غير كاضحك عليا .. انا يدي واصلين نالسما و هي جامعاهوم بحالي gالسا فمدرسة ... ملي نزلنا شافت فيا وبدات كاضحيك / ههههه عرفتي كان خاسك تشوف راسك كلشي ساكت و نتا 😂😂😂 كان خاصني نصورك ههههه / ههه عجبك الحال / اه ههه بزاف ماشي شويا / ههه نلاعبو لعبة اخرا / لا لا بلاش ههههه 😂 / انلاعبو لعبة اخرا / ممم شنو بانليك فهادي ناس كيهبطو دايخين منها / هههه واخا يالاه ... ركبنا ليها و نفس سيناريو .. مي الحاجة لي عجباتني هي ضحكة ديالها و الفرحة ديالها ... المهم لعبنا دك نهار تقريبا كلو مشينا تعشينا فمطعم شعبي كوري .. دك نهار ماكانتش الخدمة كانت راحة .. رجعنا نلوطيل مدوخين بنعاس .. مي مانعاسناش حيت لقينا ماتش بادي بين مدريد و بارصا gلسنا فلقهوة دلوطيل و بالطبع من بعد محاولات في اقناعها ..انا كانشجع وهي شابرا طيليفون .. تسالات المباراة و ربحت مدريد درت لقيتها فسابع نومتها فيقتها والو ناعسة كاتعملي امم عييت معاها فلخر الحل الوحيد لي كان عندي هو نهزها وبالفعل هزيتها وهي والو بحال ميتة وصلت نبيتها الساروت ديالها فينووا ماعرافتش او ماعاندي كيف ندير زقلب عليه ضطريت نديها نبيتي حليت الباب ديال البيت مشيت حطيتها ففراش دوزت يدي على وجها وجاني سخون قلبت واش فيها سخانة اه كانت فيها و بزاف ... (مع نفسي : يا ربي شغانعمل دابا هي ماعاتبغيش نزولا سبنيا ... عانزوليها سبنيا ماعاندي مانعمل لمرة كاتموت ) ... بديت شغلي جبتليها دوا شاربتو ليها و عملتلا لما فوطة فازgة فوق راسها و دوزتليها علا عنقها و عملت لي كانعرف .. شبراتلي يدي بجهد سحابلي فاقت ولا كين لا مافاقتش بغيت نزولهالها ولاكين هي مزيرا عليها نعست حداها يعني فوق الكرسي... صبح الصباح كانت باقي نعسا قستليها راسها السخانة هبطات شوية .. ليوم كان عندنا اجتماع ضروري ماقدرتش نفيقها كتبتليها ملاحظة و خرجت ..
نرجعو نفرنسا .. نور و هشام كانو ناعسين او بالاحرى غير نور هشام طلل عليها لقاها ناعسة زول لخدادي لي كانو ف الوسط و هي دارت نجيهتو و درعاتو و حتا هو درعها و باتو هكاك ... صبح صباح هي فاقت لقات راسها معاه فنفس لفراش و ماكاينينش لخدادي تعصبات و طرشاتو واحد الطرشة هو صبح علا نجوم / ووااا مالكي / مالي نقولك مالي ا لحبيب علاش زولتي لخدادي بالسلامة / مازولت والو / علادكشي فجهتك ييخ علا gنس ... كمرا دالويل / ههه / ضحك ضحك دكشي لي كاتفلح فيه .. نضت معصبة علا النبوري ييخ ... مشيت خديت لحوايج لي عانلبس وتجهت نالحمام عملت شاور ولبست عليا و خرجت مالقيتوش فلبيت مزيان .. نشفت شعري و عملت ماكياج لي عبترة عن ماسكارا و ايلاينر و gلوس .. خرجت وانا نتلاقاه حدا الباب /بسم الله الرحمان الرحيم / شتي شي جن / اه / فينووا / هو نتا / هه المهم ..اول حاجة بدلي هاد لحوايج و مسحي دك الشرطة / هادي لي ماتحلمهاش شكون نتا باش تحكم فيا شنو نلبس و شنو نعمل / انا راجلك / و انا ماقابلاكش كا راجل الحاجة لي مخلياني عندك هنا هي تهديدك ليا / هاد التهديد مازال كاين ويدا متسمعتيش هضرتي هادشي عاياتر علا قراري/ اووف الله يلعنك / كادعي على راجلك / كاندعي علا شماتة .. دخلت بدلت حوايجي و خرجت ../ دابا نقدر نخرج ياك اسيدي / هاكا مزيان واخا دك تيشرط قصير ولاكين ماكاين مشكل ماشي بحال دك الكسوة لي كنتي لابسا / هاها .. انا خارجة / لا ليوما ماكايناذ الخدمة / علاش بالسلامة / حيت اليوم عانمشيو نشوفو عائلتي وصلهم بلي انا تزوجت و بغاو يشوفوك / لا عانمشي نالخدمة / عائلتي بغات تشوفك (وخنزر فيها ) / اووف اوف واخا واخا عانمشيو عانمشيو / برافو عليك ...
----------------- ---------------- ---------------
سلام بنات .. شكرا بززاااففف على لفوت وصلنا ن13فوت 😍😍😍😍❤❤❤... ها هو بارت اليوم كانتمنا يعجبكوم 😍😍
12فوت .. 16كومنت .. بارت جديد
