كابوسي سينتهي💔

2

نجي للأبطال....

-لك كوم خر***هسة شكبرك مدكلي ونايم بفراشي،

-بنعس)اهوووو دعوفني اشبيك وخر عني...

-بمكر)اوك نام وانة خليني وية حور العين...تعال صدك ياهي نسرين الي البارحة دكت عليك الساعة 3الفجر ادري سعلوة متنام...

فز وكعد بسرعة شاف;اشرف مابيدة مبايل ولاشي بس منتچي ع الحايط ويباوعلة بطريقة مكر،رافع حاجبة وابتسامة جانبية....

-يا ابن ***انعل***لابو الخلفك ،وكعت گلبي حسابلي صدك بيدك التلفون،اوووه،تعال صدك اصلن ماعدي وحدة اسمهة نسرين حتة خربطت من كد ماعدي هواية بنات،ههههههه

-ههههه والله غبي والله غبي،صدك اليوم حلة البنات من المدرسة اريد اروح اشوف الحب هناك ،ولو 3مواعدهن هناك بس ياخي ماكدر تلاثتهن حلوات وتثلاثتهن احبهن ههههههه،

-نفس اخوك حبيبي ونفس الخر**انة احب 6وكلهن احبهن ههههه گلب لو سايبة ،يلله الله يكثرهن،

-اي والله شعدنة بهلدنية غير البنات هههههه ...

-تعالووو يا ولد الريوك جاهز

-ثنينهم)اي يمة اجينة-اي خالة اجينة

راحو اتريكو بينما يتريكون اعرفكم عليهم،......

-اشرف

عمري 23 ابوية متوفي من چنت اصغير مالحگت عليه ،عدي محل انة وابن خالتي مال تصليح سيارات يعني(فيترچي)ابن خالتي صديقي من الصغر ابو وامة ماتو بحادث من جان عمرة13وماتو فسكن عدنة وصار اخوي واغلة شخص عدي،انة ضخم وعيوني عسليات لحيتي خفيفة، نضري ضعيف البس نضرات،عضلاتي مفتولة ،شخصيتي عصبي،فكاهي ،انة 24ساعة فارغ عاطفيآ مع انو عدي حبيبات هواية بس ولاوحدة ترست عيني ولا اعتقد اكو بنية تترس عيني،لان اعرف معدن البنات،المهم،عدي اخت عمرهة 17مزوجة عن جديد بهاذ الشي اثر عليه حيل لأن ابن عمي نهة عليه هاذ الشي كسر ضهري لان بعدهة صغيرة ردت اكتل ابن عمي بس بعدين ضهر انو اختي طلعت اتحبه ،هههه لاتتعجبون والله العالم هيج غدر واخذ الي تريدة اذا اقرب الناس كسر ضهرك شنو تترجة من الغريب،روح ع ابن الخالة .....

-انور

،عمري22،عيوني سود شعري احب ارفعة واحب البس واكشخ واصرف بعفوية،جسمي لابأس بي مرتب دائمن،اشتغل بتصليح السيارت،اهلي ماتو من جان عمري13ماعدي خوان او خوات اخوية وصديقي وكلشي بحياتي اشرف،ربتني خالتي ام اشرف ونعم التربية ،ههه كلما تعلمني شي زين اشرف يخربط عقلي ،هوة صديق السوء دكدرون دكولون،هههه،مرتاح بحياتي عدي بحياتي اكثر من ابنية،كلهن احبهن ههه،اليوم بداية الفصل الدراسي بداية السنة يعني والطالبات المتوسط يعني بدن يداومن واحنة نبدي نكتب ارقام😂،اه صحيح بيتنة يخرر،يعني هسة احنة بداية الشتة وبيتنة بكل مكان يخر لذالك جاي ندور بيت انشيل بي،واليوم اشرف الصبح خابرلة صديقة انو لگة بيت ،قريب ع البيت مالتنة بس بغير فرع،اليوم روحلة انشوفة،اتريكنة انة واشرف وطلعنة بلول للبيت حتةانشوفة بعدين للمدرسة،(ماننسة طبعآ)

بلطريق--

-اشرف شوكت تحب او تزوج!

-انجب وامشي مابية احجي وية تفاهاتك...

-شكد حقير دائمن تفشل بية

-هاها امشي امشي....

-----بيت زمردة
-كعدي زمردوووووو يلاه نعل راح نتخر عن المدرسة ..

-اي كمت وجع ...

(دخلت امي للغرفة ..)

-يمة انتو اتحضرو واتريكو الاكل ع الطاولة بلمطبخ حطيتة زمرد اتريكي مو تنسين..!

-ريم ليش يمة وين رايحة !

-اول شي اريد اروح لبيت ام خلف صاحتلي ادكول اكو جيران جدد اليوم راح يشوفون البيت كلت خلي استفسر ،خوش ناس لا،وبعدين اروح للسوك اجيب غراض الدولمة

-زمرد;بصياح)ياااااااااي دولمة ويييييييييييي ...

-ريم:نعلللللللللللل يلله راح نتأخر وانتي بعدج مابدلتي

-اوي لصيحين امداج يلله خلي ابدل..رحت ابدل وانة جاي ابدل حسيت نقزات بگلبي اذكرت مرضي كعدت ع الارض وضليت ابچي وحطيت ايدي ع حلگي حتة لحد يسمع،حد ما ريم صاحت عليه سكتت وبدلت وطلعت شافت عيوني حمر سكتت ودارت وجهة درت بية بس ادري ماتريد اتخليني اضعف ماتريد اتحسسني،اووف،لحفيت احجابي وحطيت الجنطة ع كتفي رحت ادور ع قفل البيت واختي وكفت باب الشارع ،

-ريم:عفت اختي دور ع المفتاح وطلعت برة لان متحملت اشوف اعيونهة حمر من البچي ردت اكلهة شبيج بس اخاف تضعف وترد تبچي طلعت وكفت الباب ونزلن ادموعي ضليت اشهك من دون وعي حسيت اكو احد بلبيت الي يمنة درت وجهي جان اشوف شباب اثنين صافنين عليه انة كبل درت وجهي ومسحت ادموعي،جانو بس واكفين اعتقد هذول جوارينة الجدد يتانون ابو البيت

-انور:بصوت ناصي)اوووف قنبلة ولك شروفي شووف الحك گلبي راح يوكف،

-اشرف:بصوت ناصي)طيرر ولك انة احس راح اذوب اوووف انفجاررر يا قنبلة ...

-زمردة:بصياح)وج نعلللل وين القفل صالي ساعة ادور عليه اخخخ راسي (طلعت برة اصيح ع ريم ماتدري بهذول الثنين،جانت دايرة وجهة،كضت ايد ريم تريد ادخلهة جوة حتة ادور ع القفل جان شوف هذول الثنين كبالهة جان ينضرب راسهة بلباب...ضلت صافنة عليهم شون يباوعولهة .....

#كُن بَسيطا تكُن أجمل .. عش كما أنـت
لآ تتصنع شخـصيات من أجـل أحـدهـم ؛
فمن لا تعجبه ذاتك لا يستحقك !!

يتبع......
تصويت ....
تعليقاتكم......