المشردة

الجزء 25

خالد وعمر وصلو العمارة الساكنه فيها دنيا ...خالد متذكرو لانو مرة ودأهم هناك ...

دقو الباب ..دنيا جأت فتحت ...كانت زي العيانه كده...بقت مبهدله و عيونها تعبانات: ي اهلآ وسهلآ ...زيارة الرئيس م حتسرني زي زيارتكم دي !

عمر خنقها من رقبتها وقال ليها وهو ضاغط ع اسنانو : سبا وين !

اقصد نون وين !

دنيا : نون ! من وقت اعتدي عليها الغبي دأك م شوفتها تاني !

خالد : احسن ليكي تتكلمي قبل م البوليس يجي..

دنيا : قت ليك م عارفه ...يمكن مع عزو ...و كاتمه فيها لو عاقبها زي صحبتها المسكينه آمال ...ما عارفه الرجعها لي عزو شنو

خالد : منو القتل آمال !

دنيا : جماعة تبع عزو ...مسكينه شديد ..

آدم سواق الامجأد هظر معاها ساي عشان تغير قامت صدقت انو عايز يعرس..طوالي قنعت من حياتها واشتغلت مع عزو الشغل الكعب..وقت قررت تنسحب قتلوها..

خالد : عزو عنوانو وين !

...

بعد تعب لقو محل عزو ساكن ....

دخلو للوكر بتاعو والخته كانت اوووف

عزو : منو مش انت الجبيل لاقيتك !؟

عمر : ياهو زأتو ...عايز البت وينها !

عزو : هههععهههههه نون سوقها حار ...

البت دي غاليه ...ما في بشر لمسها لي هسع ...عشان كده رافع عليها السعر...

خالد فرح شديد ...

لانو عرف انو نون طأهرة لسع...وانو في آمل انو ينقذوها ..

عمر : جيبيها لي بدفع ليك الدأيرو....

عمر طلع ربطتين قروش من فئة الخمسين...

عزو عيونو زأقت ...وبلع ريقو : بس المزة شالوها جبيل ...

خالد قبقبو من قميصو وصرخ فيهو : الشالها منو !!!!

عزو : واحد غنيان كده

خالد : مننو قول !

عزو : والله بصراحه م بعرف بس لقبو الهندي..

خالد وعمر م حصل سمعو بالاسم دأ

عمر : شغال وين رد !

عزو : ما عارف انا والله..كل البعرفو قلتو ليكم

عاين لي ساعتو وقال : هسع تقريبآ بكونو طلعو من الخرطوم...ما ظنيت تلقو البت دي تاني..

عمر : انت مجنون ! وقعد ف الارض يبكي زي الشفع...

خالد قومو وقال : لازم نبلغ الشرطه عشان يراغبو الحدود ..ساقو عزو معاهم عشان يوريهم التفاصيل