خالد شاف عمر قاعد وخاتي يدو في راسو ...ونون راقده ف السرير فاقده الوعي
خالد مسكو من قميصو وضربو في وشو : البت دي بريئه ليي عملت كده !
عمر بكي زي الاطفال وقال : والله العظيم م لمست ولا شعره من راسها
كل ما اقرب منها بسمع صوت امي بقول لي اتذكر اختك سبا!!!!
خالد استغرب من عمر...بس م اشتغل بيهو ..كل البهمو انو قدر يحصل نون...
شالها وطأها غرفتها ...وقت ختاها في السرير كتفها بدون قصد اتفتح ...
خالد لاحظ للشامه ...قلع عيونو وقت شافها ....
ارتدد كتير قبل م يمد يدو ويتحسسها ...بس حظو الكعب انو نون صحت...وطوالي بدون سابق انذأر لطشتو كف..
عجيبه ي نون...عمر من جبيل خاتيك قدأمو و كان ضامر ليك الشر م صحيتي تصحي هسع وقت انقذك خالد وم كان قاصد حاجه لما لمسك..!؟
خالد م علق ...بس طلع من الغرفه....
خالد بدأ يشك ....
عشان كده وقت ناس هناء رجعو البيت مشي سألها : انتي ي امي بتتذكري بت عمي سبا !؟
هناء : ااي
خالد :يلا م كانت عندها شامه في كتفها زي امها !؟ لانو مرت عمو كان عندها شامه في كتفها انا بتذكر كويس ..
هناء أرتبكت شديد ...عرفت انو خالد لاحظ لي شامه نون ..هناء ضللتو : لالا م عندها ..جسمها كان صافي م عندها اي شامه
خالد م اقتنع بالكلام ...بس حاول انو ما يخلي امو تلاحظ ...
هناء قالت بينها وبين نفسها انو لازم تتصرف..عشان كده عملت ليها كم اتصال كده والبسمه رجعت لي وشها تاني
....
خالد استغل وجود نون في المطبخ و مشي شال من مشطها خصلات شعر ...و كمان استغل نومة عمر وشال منو.
خالد كان عايز يكسر الشك باليقين....من باب كل الاحتمالات وارده...واتوقع اي حاجه في الدنيا دي
......
ف المستشفي عندو صديق ليهو كلفو بالمهمه دي ...والزول حدد ليهو انو خلال 24 ساعه حيوريهو النتيجه...
.....
المساء خالد مشي يشوف آمال لو في اي تقدم في حالتها ...لقي الاطباء بفصلو عنها الاجهزه...
قدر ماحاول يقنعهم انهم يستنو شويه م قدر
وقت جأت الساعه 6 مساء اعلنو زمن الوفاة
دخل الحمام و بكي شديد ...آمال زيها زي الالآف المتشردين الفقدو حيواتهم بدون م يقبضو الجأني...
حرام والله!
يلدوك ويرموك و تعيش مشرد و تموت علي يد واحد م بخاف الله و بعد دأ يفلت بي جريمتو !
أنت تقرأ
المشردة
General Fiction📝 بقلم: فلة علي انا نون.. اي نون بس بدون اي اسم أب..لانووو انا #مشرده بنوم في الأرض ..وبتغطي بي #كرتونه ..اي كراتونه مستغربين ليي!؟! بشحد..وبتسول عشان أعيش.. اكيد في ناس كتار اعتقدو اني م كويسه لانو دي الفكرة البختوها الناس عن المشردين بعاينو ليهم...
