المشردة

الجزء 01

احتضنتها بقوة حتي شعرت بالدفئ يسري في اعماق عروقها بالرغم من ذالك البرد القارس ؛الذي ينهش اوصالها ...

فتحت عينيها وهي مذهوله😳😳 : سومه مالك !؟

سومه فتاة صغيرة عمرها 3سنوات ...اسمها اسماء وبدلوعها سومه..

سومه : انا بردأنه ي ماما نون ...غطيني ! دفيني!😣😣

نون بطلة قصتنا ..بت جميله جمال مبالغه ..بالرغم من انو هي مشرده وبت شوارع ..لكن كانت غير كل المشردات...انا ما عايزه اشربككم بالتفاصيل ...

عشان كده حتيجكم قصتها من خلال تسلسل الحلقات..

نون جرت ليها بطأنيه اعوز بالله منها ...يعني احسن الزول ينوم بدونها ..

بس كانت مضطرة ..لانهم كانو في نص شهر 2 ..يعني عز السقط...

لما غطتها لمست راسها ولقتو مولع نار...وكمان جسمها سخخخن!

نون : يا ربي انا اعمل شنو هسع! البت مولعه نار😱 ..

شكلها حمه ..

نون صحت امال الراقده جمبها : امال اصحي

امال بدت تتثاءب😵😵 وهي بتقول : ياخ انا مش قلت ما تصحوني حتي لو جأت دوريات اغاثه ! انا ما صدقته نومته تقومي تصحيني!

نون : خلي النقه وتعالي شوفي سومه مالها

امال صحت وهبشت راس سومه

امال اتخلعت وقالت : اللييييله!

دي حمه ام برد😨😨 ..لازم نوديها المستشفي سريع

نون بدت تبكي😭😭

امال : ي بت بطلي عبط وبدل دأ فكري في حل ..

مشكلتنا الليله عزو ما جا ..

امال عاينت لساعتها المخستكه وقالت : الساعه 2:54ص ..يعني نص الليل اسي نعمل شن😢و !؟

نون : ارح الشارع العام يمكن نلقي لينا عربيه او ركشه تودينا ..

امال : انا الحأشيلا انتي زأتك قدر كيف ؟

امال كانت في ال23 سنه اما نون عمرها 18 سنه

نون : المهم ، ارح نسرع ..

وصلو الشارع العام ...

والعربات كانو متوفرات ...نون كانت واقفه في نص الزلط بتأشر لي السواقين بس للأسف !مافي واحد كلف نفسو يقيف

نون كانت بتبكي وبتترجأهم بالذأت لما تسمع آهات سومه وصوت امال البقول ليها : اسرعي يا نون 😲😲!

لحسن الحظ في عربيه برادو بيضاء وقفت ليها ونزل القزأز ..كان سايقها ولد :الحلوة محتاجه توصيله !؟

نون : لو سمحته وصلنا اقرب مستشفي اختي الصغيرة عيان😢😢ه ..وقامت اشرت ليهو لي آمال وسومه...

.الولد نزل من العربيه وقال : ي حرام ! ...بس انا ي استاذه عربيتي دي ما وقف للعيانين...بس لو بتحبي ممكن تركبي اوديك محل تاني..😏😏

هنا نون فهمت الولد قاصد شنو عشان كده تفت ليهو في وشو :امشي ي وسخ! يعني عشان نحن مشردأت معناها بنبيع نفسنا بالرخيص !!!

الولد غضب وقال : طيب خليها اتموت وتعفن هنا

وركب عربيتو ومشي ....💔كلامو كير لي نون قلبها

نون وقعت علي ركبتها وكانت بتبكي بأعلي صوت ...والشي الغاظها الشارع ملان عربات😤😤 وكلهم كانو شايفين الموقف ..بس مافي واحد فكر مجرد تفكير انو يقيف ويساعدهم ..

نون مسكينه...

اكيد مافي واحد حيساعدها لانها مشرده..😭😭

المشردين م عندهم قيمه ...بشوفوهم كأنهم زيهم زي الحيوانات!😓😓

ما عندهم احساس ولا ضمير !

نون مشرده صح ..بس عمرها ما فكرت تبيع شرفها بس عشان حفنة جنيهات ..او عشان رغيفه تسد بيها جوعها...

نون كانت بت نقيه ...عطوفه ..بتكره الزل والضعف...نون القدر بقاها مشرده ..بس كانت راضيه بي قدرها وصابرة .لكن الشي الما بتعرفو نون انو في قصه ورا تشردها دا ...نون امنيتها انو تلقي امها وابوها ..

وحابه تسألهم سؤال واحد بس : ذنبي شنو انا ادفع نتيجة غلطتكم !!!

طبعآ

نون صحت ولقت نفسها مشرده من وقت كان عمرها 7يوم .!!

المووهم...

نون بكت وبكت وبكت 😭😭...بس فجأه سكتت وعاينت لي آمال المتمحنه

نون قامت وشالت سومه في ضهرها

آمال : م تقولي لي الفي بالي صح!😨😨

نون سكتت وبدت تمشي .....

تفتكرو نون عايزه تعمل شنو !!🤔🤔

هل حتمشي تودي سومه للمستشفي البتبعد حوالي 270كلم برجولها !؟

يتبع....