عشق الرعد- الكاتبة تونه

الحلقه السابعة والعشرون

في شقه مروان ...
قام مروان من موضعه وقام بجذب رانا من مكانها ونظر لها بتعجب مما فعلته .
مروان: انتي ازاي تعملي كده يارانا .
ليه محسساني اني وحش للدرجاتي وصلت بيكي انك تنزلي عند رجلي علشان اوافق انك تروحي لوالدك .
ثم تنهد بقوه وقام بملامسه خدها ومسح تلك الدموع المتساقطه من اعينها وقال : انا مكنتش عارف ان ولدك تعبان والله انا كنت مفكرك عايزه تمشي من البيت وتهربي زي ماانتي قولتي امبارح .
رانا: ارجوك مش وقته الكلام ده بابا عايزني ولازم اروحله هو تعبان اوي ثم بكت بضعف.
شعر مروان في هذه اللحظه بآلم في قلبه علي مافعله في محبوبته .
شدها لحضنه واخذ يمسح علي رآسها حتي هدآت .قام مروان بإبعداها عنه ثم قال لها
مروان: يالا يا رانا غيري هدومك وانا هوديكي المستشفي .
رانا : انا هروح لوحدي عشان ميحصلش مشاكل لو سمحت.
ومتخفش انا مش ههرب منك .
مروان: انا مش خايف انك تهربي يارانا .
انا هوصلك ومش هطلع وهستناكي تحت متخافيش .
ثم هم بالذهاب ولكن توقف وقال لها : غيري هدومك علشان هدوك دي من امبارح وهي عليكي واتبهدلت اوي .
رانا : بس انا مجبتش هدوم معايا .
مروان: انا جبتلك هدوم كتير بره في الشنط
البسي الي انتي عايزاه
ثم هم بالخروج ولكن اوقفه صوتها
رانا : متشكره يامروان .
ابتسم مروان لها ثم خرج وقام باحضار الاكياس التي تحتوي علي ملابس وقام بوضعها علي السرير وقام بالاستآذان من رانا ثم خرج واغلق الباب خلفه.
مسكت رانا الاكياس وقامت بفتحهم وإخراج مابهم من ملابس وقامت بإمساك احدي الملابس وقامت بارتدائها وقامت بلف شعرها وخرجت ثم توجهت الي غرفه مروان وقامت بالتخبيط حتي خرج لها مروان .
رانا : انا جاهزه .
مروان وقد شعر انها شعرت تجاهه بالامان ولو قليل
مروان : يالا بينا
ثم نزلوا وقام مروان بفتح باب العربيه لرانا وقامت بالركوب ثم اغلق الباب وذهب للركوب من الجهه الاخري وقام بقياده العربيه للذهاب الي المستشفي.
*********************************************
في عربيه رعد ...
اوقف رعد العربيه ونظر الي جنا التي بمجرد ان وقفت السياره ارتجف جسدها وظهر عليها الخوف .
احس رعد بذلك الشعور ولكن اعتصر قلبه حزنا علي مافعله بها .
رعد: ليه كل الخوف ده ياجنا
انا مش هعملك حاجه متخافيش اوي كده.
جنا وهي تحاول ان تظهر قويه : لالا انا مش خايفه ابدا..
وبعدين اخاف ليه اصلا ومن ايه.
ابتسم رعد علي كلامها ونظر لها مما اخافها اكثر و
جنا: انت بتضحك ليه وبعدين بتبصلي كده ليه
رعد: لا ابدا مافيش
متشغليش بالك
جتا: طيب مش هنمشي من الحته دي في ام اليوم ده ولا ايه .
رعد: حاضر هنمشي بس انا عايز اتآسفلك علي الي عملته معاكي
انا آسف عمري ماهرفع ايدي عليكي تاني ياجنا.
جنا : ممكن تروحني .
رعد: جنا بلاش طريقتك دي انا بكلمك .
جنا : وانا قولتلك روحني .
ضرب رعد المقود بيده بشده ثم ظفر بغضب وقام بتشغيل السياره ثم قادها بسرعه شديده .
جنا: ممكن تسوق بالراحه شويه
انت كده هتموتنا .
لم يعلق رعد علي كلامها وظل يقود
مما ادي الي غضب جنا وقامت بوضع يدها علي المقود مما ادي الي انحراف السياره في طريقها وكان ل لحظه سوف يفقد رعد السيطره عليها ولكن تماسك وضع يده علي الفرامل وقام باإيقاف السياره ثم نظر لجنا والغضب يتتطاير من عينه ومما ارعب جنا وقامت بوضع يدها علي وجهها خوفا منه ان يضربها.
مسكها رعد من ايديها جامد وشدها عليه مما جعله تصرخ بالم من قبضته القويه علي يدها.
جنا: رعد سيب ايدي لو سمحت .
رعد بغضب : انتي كنتي هتموتينا بهبلك ده
انتي اتحكمي في تصرفاتك الغبيه دي علشان انا المره الجايه لو اتكرر الي عملتيه ده هآذيكي ياجنا .
جنا بدموع : هتآذيني اكتر من كده
ماكفايه الي انت عملته فيا ثم اكملت بدموع اكثر ولا انت عايز تعمل ايه تاني فيا .
نظر لها رعد ولم يقدر علي التفوه بحرفا واحدا ثم قام بقياده السياره والذهاب الي البيت .
وبعد قليل اوقف السياره ونزل منها وتوجه الي الاسانسير حتي وصل الي شقته وفتح باب الشقه ودخل ثم توجه الي غرفته دون كلمه واحده منه إليها .
وجنا تنظر له بذهول مما يفعله .
بعد قليل خرج رعد باكياس الطعام والخضروات من الاوضه ووضعها في المطبخ وقام بالدخول الي غرفته دون كلمه واحدت واغلق الباب بقوه .
مما ارعب جنا ثم قالت في نفسها
ده شكله زعل مني اوي .
اه ما انا زودتها معاه الصراحه انهارده
يالا بقا عقبال المره الجايه ثم ضحكت وتوجهت الي غرفتها .
********************************************
في المستشفي ...
اوقف مروان سيارته امام المستشفي وهمت رانا بالنزول ولكن اوقفها مروان .
مروان: رانا
فنظرت له رانا قائله: نعم
مروان: متقلقيش والدك هيبقي كويس ان شاء الله
رانا: ان شاء الله ثم تركته وهمت بالنزول
وبالفعل دخلت المستشفي لكن مروان ظل في سيارته ينتظرها.
وصلت رانا الي غرفه العنايه ووجدت امها جالسه علي كرسي امام الغرفه وعندما وجدتها قامت بالاسراع اليها حتي وصلت اليها
رانا ممسكه بيد امها قائله :
بابا ماله ياماما ايه الي جراله .
متال: رانا حبيبتي ثم اخذتها في حضنها
وحشتيني ياروح ماما ثم ابعدتها عنها وظلت تتفحصها بيدها واعينها
منال: الحيوان الا اتجوزك ده عملك اي حاجه يارانا
رانا: لا ياماما انا كويسه متخافيش.
منال: رانا انتي لازم تروحي معانا الفيلا لما بابا يخرج بالسلامه من المستشفي .
رانا : حاضر ياماما انا فعلا مش هينفع افضل هناك .
بس الاول لازم اطمن علي بابا.
منال : تعالي هو عايزك من بدري كل اما ادخله يطلب يشوفك.
رانا: ياحبيبي يابابا ..
يالا ياماما
ثم دخلوا الغرفه وحين نظرت الي ولداها وهو نائم علي السرير وموصل بالكثير من الاسلاك شهقت ولم تستطيع منع دموعها من النزول .
ثم نظرت الي ولادتها متحدثه : ماما هو بابا ماله وايه كميه الاسلاك دي كلها.
منال: انا خايفه بجد عليه اوي يارانا
الدكتور برضوا لحد دلوقت مطمنيش .
اقتربت رانا اكثر من ولادها وقامت بالتقاط ايديه بين ايديها وقبلتها وقبلت راسه وهنا شعر بها فقام بفتح اعينه ..
سالم بصوت ضعيف : رانا .
انتي جيتي اخيرا ..
رانا: انا هنا يابابا ياحبيبي ماتخفش انا جمبك اهوه ومش هسيبك ابدا يابابا .
سالم : عايزاك تخلي بالك من نفسك ومن كليتك يارانا ده حلمك من زمان فاكره.
رانا بدموع : ايوه يابابا ده فعلا حلمي ..
متخفش يابابا مفيش حاجه هتخليني ابعد عن حلمي ومقدرش اوصله .
سالم : انا عارف انك قويه وهتوصلي للي انتي بتحلمي بيه .
رانا : انا وارثه القوه دي منك انت يااجمل اب في الدنيا ربنا يخليك ليا .
سالم : رعد فين .
منال باستهزاء: اكيد راح عند السنيوره بتاعته .
رانا: خلاص ياماما ارجوكي
منال: انا قولت ايه يعني .
سالم : تعالي يامنال قربي.
منال: نعم ياحبيبي ثم اقتربت منه
سالم : منال اوعديني انك هتسيبي رعد ومراته في حالهم ومش هتآذي مراته ابدا.
منال: بتقول كده ليه ياسالم.
انت كويس اهوه متقلقنيش عليك ارجوك .
سالم : اوعديني يامنال .
منال: مقدرش اوعدك ياسالم .
لان البنت دي هي السبب في الي حصل مع رانا .
وانا استحاله احبها او اسامحها .
سالم : يعني عايزاني اموت وانا زعلان منك .
منال ببكاء: بعد الشر عنك .
بتقول كده ليه بس ارجوك متخوفنيش عليك .
انا ماليش غيرك في الدنيا .
سالم وهو في اخر لحظاته : خلي بالك من نفسك يارانا وقولي ل رعد انا مسامحه ومش زعلان منه وهيجي اليوم ونظر لمنال الي انتي كمان هتسامحيه يامنال فيه هو ومراته
ثم رحل عن الدنيا ...
رانا بذهول: بابا ...بابا...
بابا رد عليا .
وايضا منال ظلت تصرخ وتنادي علي الطبيب
حتي دخل الطبيب مسرعا وقام بإمساك يده ولكن لا يوجد نبض وقلبه توقف .فآغمض عينه وتنهد ثم قام بشد الغطاء علي وجه سالم الصاوي ونظر لهم.
الطبيب : البقاء لله ياجماعه.
رانا : لا يادكتور بابا كويس ثم اقتربت من ابيها وشدت الغطاء من عليه .
انتي بتغطي وشه ليه انت عايز تكتم نفسه
بابا كويس بس هو الي نايم وظلت تحرك ابيها وتبكي وتقول : يابابا اصحي يابابا متهزرش بقا اصحي .
ابعدها الطبيب وطلب من احدي الممرضات اخراجها من الغرفه ولكن رانا ظلت تصرخ بهستريه حتي سمعها آكرم الذي كان في ذاهبا اليهم فهرول مسرعا الي داخل الغرفه فوجد الممرضات تحاول تهدئه رانا ومنال تجلس علي الارض ويظهر علي وجهها الصدمه وكإنها ليس في هذا العالم .
فتقدم اليهم ووجد الطبيب يقول البقاء لله انا اسف بجد لكن كل الي في ايدي انا عملته لكن دي اراده ربنا .
اكرم بدموع : ونعم بالله .ثم اقترب من رانا وقال .
آكرم: رانا اهدي دا امر ربنا وانتي كده بتعزبيه حرام عليكي متعيطيش.
رانا : بابا مات ياآكرم
بابا الي كان صاحبي واخويه وابويه
كان كل حاجه في حياتي عمره مازعلني سابني ومات ..
وجلست علي الارض تبكي سابني للناس يظلموني كمان .
آكرم: رانا كفايه كده وقومي ده عمره وكلنا هنموت .
رانا : لا هو الي قتله هو .
آكرم : مين الي قتله يارانا سالم بيه مات عادي محدش عمله حاجه .
رانا : لا مروان الي قتله .
هو السبب في موته .
بابا لما مروان قالهم انه اغتصبني واتجوزني علشان ينتقم مني ومن رعد بابا مااستحملش وتعب ودلوقت مات
هو السبب وانا لازم اقتله زي ماقتل بابا ثم قامت من موضعها وخرجت من الغرفه واكرم يحاول منادتها ولكن لاتنصت له .
رانا : انا لازم اقتلك زي ماقتله يامروان
***********************************************
ياترا موت سالم الصاوي والد رانا ورعد هيآثر علي حياه كلا من رعد وجنا بالايجاب ولا السيئ
ومروان ورانا بالايجاب ولا السيئ.
ومنال كده انهدت بموت جوزها ولا هتشغل دماغها من جديد وتحاول تدمر حياه جنا ..
ولا لأ
ده الي هنعرفه الحلقه الجايه ..
-يتبع