عشق الرعد- الكاتبة تونه

الحلقه الاولي

في احد البيوت في المناطق الراقيه تدخل سيده كبيره تبلغ من العمر 65 عاما غرفه وتقوم بفتح الستاير لتنير هذه الغرفه المظلمه ...
ثم تتجه نحو السرير ل افاقه حفيدتها من نومها...
الجده كوثر : يالا يا جنا اصحي عشان كليتك ياكسلانه انتي
جنا بصوت ناعس : سبيني شويه ياتيته لسه بدري
الجده : بدري من عمرك ياحبيبتي الساعه بقت 10
تقوم جنا من نومها وتقفز من ع السرير وتقول : يالهوي ياتيته كده المحاضره الاولي طارت الله يسامحك وتجري نحو الحمام
تضحك الجده علي حفيدتتها وتنادي عليها : طب خدي دوش وتعالي افطري لسه الساعه 7 متخافيش
جنا بعصبيه : بقي كده ياتيته ..ماااشي مردودالك وقريب بإذن الله
تدخل جنا حمامها وبعد انتهاءها تدخل الي غرفه وتقوم بارتداء ملابسها وتؤدي فرضها وتتجه نحو الصاله حتي تفطر مع جدتها .
الجده : كلي براحتك محدش بيجري وراكي
جنا: معلش ياتيته ياعسل انت انا متآخره اوعدك بكره هآكل براحتي خالص ومش هضايقك ابدا
الجده : وانا هضايق ليه انا كل همي عليكي انتي
انتي كده مش بتعرفي تفطري كويس
جنا : خلاص ياتيتا ياقمر انتي انا كده تمام الحمد لله انا همشي بقي يالا بقي هاتي البوسه بتاعتي
الجده : هتفضلي طول عمرك بكاشه ياجنا بتفكريني ب ابوكي لما كان في سنك واتنهدت : الله يرحمه
جنا بدموع : كان نفسي اشوفه هو وماما اوي ياتيته بجد انا محتاجلهم اوي
الجده : ياه ياجنا قد كده انا مقصره معاكي
مسحت جنا دموعها واقتربت من جدتتها ومسكت يداها وقبلتها : ابدا والله ياتيته انتي عمرك محرمتيني من حاجه وديما بتوجهيني للصح وانا بحبك اوي ياتيته ياريت متزعليش من كلامي
بس اوقات بحس ان كان نفسي اشوف ماما وبابا بس في الاخر بقرألهم الفاتحه وادعيلهم بالرحمه .
الجده : معلش ياحبيبتي ربنا اكيد شايلك الاحسن وانا ربنا يقدرني عليكي اصلك بصراحه عنيده اوي
جنا بضحك : بقي كده يعني انا عنيده ياتيته
الجده : مين قال كده انا مقولتش حاجه
انا بقولك يالا ع الكليه عشان انتي كده هتتأخري ع المحاضره بتاعتك
جنا : حاضر همشي وهعديها بمزاجي ياتيته ياقمر انتي .
الجده : طيب ياحبيبتي مع السلامه بس متتآخريش علشان مروان جاي يتغدا معانا
جنا بفرحه وتقفز مثل الاطفال : يااااااه اخيرا دا وحشني اوي الرخم ده بس والله لوريه
واشارت لجدتتها بيديها معلنه خروجها ثم قفلت الباب وتوجهت الي كليتها
الجده : ربنا يكفيكي شر ولاد الحرام ياجنا يارب
-----------------------------------------
في فيلا الصاوي ...
ياماما انا مش كل يوم في الموال ده بليز ياماما انا مش عايزه عربيه انا بحب اروح كليتي زي البنات الا معايا انا هركب تاكسي
منال: تركبي ايه يارانا تاكسي انتي مش عرفه انتي بنت مين ولا ايه انتي بنت سالم الصاوي اكبر رجال الاعمال في مصر كلها
ازاي تركبي تاكسي ازاي
رانا : عرفه ياماما كان نفسي تبقي زي بابا لكن انتي ديما تحبي المظاهر والاتيكيت
منال: كبرتي يارنا وبقيتي تتكلمي مع امك بالطريقه دي
رانا : اسفه يا ماما بس انا مش بحب المظاهر ولا بحب اكون اعلي من اي وحده معايا
منال: فعلا فقريه
وينزل علي صوتهم رجل في سن الخمسين من عمره وهو سالم الصاوي
سالم : لا حول ولا قوه الا بالله خناقه كل يوم
منال: اتريق اتريق ماهي بنتك وسبحان الله زيك تمام
اقترب سالم من منال وقال لها : فقري صح
رانا بضحك : ههههههههههه شكلك فهمت قصد ماما يابابا
منال: اخرصي يابنت واقعدي يالا عشان تفطري
سالم : يالا يارانا اقعدي علشان نفطر علشان محتاج اتكلم معاكي في موضوع
رانا : خير يابابا
سالم : هتعرفي بس نفطر الاول وبص لمتال وقال بضحك وكمان دا سر بيني وبينك
منال بغضب : بقي كده ياسالم انا غلطانه اني قعده معاكم اصلا وقامت وشالت شنطتها
انا راحه الجمعيه وهاجي ع الغدا باي
الجميع بضحك : مع السلامه
رانا : بابا انا بصراحه كمان عايزاك في موضوع
سالم : موضوع ايه انا عايزه مبلغ كده صغير محتاجه
سالم : افتحي درج المكتب ادخلي وخدي الا انتي عايزاه
رنا قامت وجريت ع باباها وباسته وحضنته : متشكره جدا يابابا انت اجمل اب في الدنيا
سالم : اه يابكاشه يالا روحي جيبي الفلوس علشان نمشي
رانا بفرحه : ثواني وهكون هنا
وبعد قليل حضرت رنا وحينها وجدت شخص ينزل من السلم
رنا : سلاما قولا من ربا رحيم
الشخص : شوفتي عفريت يابت انتي
رنا : بت في عينك متقولشي بت تاني
احمد : امال ايه سلاما قولا من ربا رحيم دي .
الا يشوفك يقول انك شوفتي عفريت
رنا : عفريت في كليه شرطه ههههههه
احمد : والله انت عايزه قطع لسانك
هههههههه دكتوره لسانها مقطوع هتتكلم مع العيانين بتوعها بالاشاره هههههه
رنا: سامع يابابا والله هموته
احمد: بيتريق عليها ويقلدها سامع يابابا والله هموته
سالم : بس بقي انتي وهو والله صدعتوني انا خارج
احمد : بابا انا محتاج فلوس وكده
سالم : هو انتوا محدش يعرفني الا علشان الفلوس
ع العموم الفلوس في درج المكتب خد الا انت عاوزه انا خارج
احمد : ربنا يخليك لينا ياحج
وبص ل رانا وطلع ليها لسانه
رانا : ماشي لما ارجع من الكليه هوريك وسابته ومشيت
احمد لنفسه اما اروح اخد الا انا عايزه قبل ما ابيه رعد يجي ولسه هيمشي لقي حد حط ايده ع كتفه
رعد: رايح فين
الفت احمد وقال : ابيه رعد ..
لا ادا هخرج اجيب شويه حاجات لان انا مسافر بكره
رعد : يعني مش عايز فلوس ولا حاجه
احمد : هاه ..لا متشكر معايا انا لحقت صرفت الا انت مدهوملي امبارح
رعد : طب ماتجيب منهم 100 جينه كده اصلي عاوزهم
احمد: بصراحه بقي خلصتهم وكنت رايح اخد غيرهم من بابا
مسك رعد ودن احمد وقاله نفسي افهم انت بتعمل بالفلوس دي كلها ايه
احمد: ع فكره طول عمرك ظالمني انا بجيب لبس وحاجات خاصه ليا وهما اصلا مش بيكفوني
رعد : الله اما اطولك ياروح انت فعلا يااحمد فظيع انا خارج قبل مايجرالي حاجه
احمد : والنبي دا انا غلبان انت بس الا ظالمني
رعد : انت مظلوم انت
ااحمد: ههههه اه انا
رعد : انا خارج يالا باي
احم: باي
وخرج رعد وركب عربيته وساق في اتجاه شركته
----------------------------------------
نزلت جنا من الاتوبيس واتجهت الي الشارع واثناء عبورها الشارع كانت سوف تصدمها عربيه ولكن تفداتها وبعدها نزل صاحب العربيه ورزع الباب بكل قوته وبغضب شديد واتجه نحو جنا
والشخص ده هو رعد
رعد: انتي اتجننتي يابنت انتي انتي كنت هتوديني في داهيه بسببك دلوقت
جنا : تصدق انك انسان بارد ومعندكش دم انت مش واخد بالك انك كنت من شويه هتموتني بعربيتك
رعد : انتي اصلا ماشيه غلط وبتعدي الشارع ليه وانتي سرحانه
جنا : وانت مين قالك يابارد انت اني كنتي سرحانه انت فعلا مبتفهمش
رعد : تصدقي انتي لسانك طويل وعايز قطعه
جنا: وانت بقي الا هتقطعهولي
رعد: وانا البس نفسي بلوه ليه هو انا ناقص اتسجن عشان وحده عبيطه اصلا وسرحانه ولسانها طويل
جنا : انت يابنادم انت بتشتمني ليه وبتغلط فيا ما صحيح الا اختشوا ماتوا
رعد بنفاذ صبر : انا همشي قبل اما ارتكب جنايه
جنا : امشي مشش في ركبك
رعد : انتي فعلا غبيه وانا مش هتكلم معاكي وركب عربيته ومشي
جنا : انا الا غبيه ياحمار ايه الارف ده الا ع الصبح
ومشيت في اتجاه كليتها
----------------------------------------
وصلت جنا الي كليتها واول مادخلت شافت صديقتها رانا
رانا بضحك : ههههه ايه الا عمل فيكي كده
جنا : والنبي يااختي منقصاكي انا ع اخري
رانا : طب ايه بس الا حصل احكيلي
جنا : احكيلك عن ابرد انسان شوفته في حياتي احكيلك عن انسان كده مغرو وشايف نفسه وهو اصلا ولا حاجه دا حتي لا شكل ولا منظر
رانا : هو مين بس وعمل ايه يابنتي
جنا : عمله اسود ومهبب زي وشه دا كان هيموتني بعربيته منه لله
رانا : يابنتي مين ده الا كان هيموتك
طب وانتي عامله ايه كويسه يعني ولا فيكي حاجه
جنا : هو واحد كده هتلاقي مامته مدلعاه جيباله عربيه وهو بقي بيدوس خلق الله
رانا : خلاص يابنتي اهدي كده المهم انتي بخير ومحصلكيش حاجه الحمد لله
يالا بقي ع محاضرتنا عشان دكتور مجدي مايزهقش علينا
جنا : كانت نقصاه هو كمان يارب عدي اليوم ده ع خير
رانا : هيعدي يااختي بس يالا
----------------------------------------
وصل رعد الشركه ودخل مكتبه واتصل بالسكرتيره
رعد: امل لو سمحتي اتصل بااستاذ اكرم خليه يجيلي
امل : تحت امرك رعد بيه
وبعد دقائق خبط الباب ودخل اكرم
اكرم : ايه ياابني انت اتاخرت كده ليه
رعد: اسكت ياشيخ دا انا اصلا مخنوق وع اخري
اكرم : دا الطبيعي بتاع رعد الصاوي مش جديد يعني ولا حاجه انت ع طول مخنوق
رعد: اتلم يااكرم مش نقصاك
اكرم : لا بجد مالك في ايه
حكي رعد ل اكرم كل الا حصل
اكرم : يالهوي دي لسانها طويل اوي
رعد : اوي اوي والله دا عايز قطعه
اكرم : يعني انت هتشوفها تاني كبر بقي وخلينا في شغلنا
رعد: طب ياريت اشوفها تاني وانا المره دي هموتها بجد بس اشوفها
اكرم : ايه ده رعد الصاوي بجلاله قدره هيحط بنت غلبانه زي دي في دماغه
رعد : اتريق اتريق
بس اصبر انت وشوف لو قابلتها تاني هعمل فيها ايه
----------------------------------------
ياتري ايه الا هيحصل ؟؟؟
دا الا هنعرفه الحلقه الجايه
تابعوني