ONCE AGAIN

Prologue

DAMN. I wanted to roll my eyes in disappointment as Marvin’s lips grazed my upper lip. He was such a bad kisser. Bad decision ang pagpatol ko sa panlalandi ng lalaking ito. Parang may PhD sa flirting department pero hindi pala marunong humalik. So disappointing. Pakiramdam ko, sinasayang ko lang ang oras ko sa kanya. Binawi ko ang kamay na nakasampay sa balikat niya, pero bago ko pa man siya maitulak palayo sa akin, may isang kamay na humila na sa buhok ko dahilan para kusa akong mapakalas sa lalaki. 

“Fuck!” Napahiyaw ako sa sakit. 

Bumungad sa akin ang mukha ng babaeng tila tigreng nakawala sa zoo.

“Ang kapal ng mukha mo. Malandi!” nanggagalaiti niyang sigaw habang patuloy na hawak ang buhok ko.

Buong pwersang hinawakan ko ang braso niya at inalis mula sa pagsabunot sakin. How dare this bitch! Sino siya para hawakan na lang ako ng basta-basta? Regular na pinapa-salon ko ang buhok ko tapos ay hihilahin lang ng kung sino? “Who the heck are you?”

“Sino ako? Ako lang naman ang girlfriend ni Mark, ng lalaking nilalandi mo!”

Oh. So it was Mark, not Marvin. Well, I just met him thirty minutes ago. Mag-isa akong umiinom sa bar counter nang lapitan ako ng lalaki. Bumaling ako kay Mark at nagtaas ng kilay. “You said your girlfriend doesn’t go here.”

“Alam mo naman pala na may girlfriend siya, nakuha mo pang lumandi!” singhal sa akin ng babae.

She was about to slap me when I grabbed her wrist. No way, girl. Kumuha ko ang isang baso ng alak mula sa hawak na tray ng dumaang waiter gamit ang libreng kamay at isinaboy ang laman niyon sa mukha niya. “That’s what you get for touching my hair.” Sinalubong ko ang mga mata niya ko habang mariing hawak ang pulso niya. “FYI, Miss, boyfriend mo ang lumapit sa kin. Siya ang nanladi. Kaya kung may dapat kang sampalin, siya iyon at hindi ako. Okay?” I gave her a leering smile as I let go of her hand. “Don’t worry. Wala naman akong balak na agawin siya sa ‘yo. Your boyfriend’s not even a good kisser so why would I waste more of my time with him, right?”

Umirap ako at tumalikod. Sinuklay ko ng kamay ang mahabang buhok habang palabas ng bar. I glanced at my wristwatch. Alas onse pa lang. Damn. Sinira ng babaeng iyon ang gabi ko. Sinira nilang dalawa ng boyfriend niyang bukod sa manloloko ay lousy kisser naman pala. 

“Happy anniversary, baby. Will you marry me?”

Natigilan ako sa eksenang naabutan sa parking lot paglabas ng bar. Isang lalaki ang nakaluhod sa harap ng babae. At talagang sa tapat ng kotse ko pa nakapwesto ang mga ito. Nanliit ang mga mata ko nang mapansin ang bouquet ng bulaklak na nakapatong sa hood ng kotse. 

"Yes, Arnold. Yes, gusto kong maging asawa mo."

Tumayo ang lalaki at isinuot ang singsing sa nakahad na kamay ng kaharap na babae. I rolled my eyes. 

“Excuse me."

Napahinto silang dalawa sa akmang pagyayakap at napatingin sa akin. 

Napairap ako nang ibaling ang tingin sa bulaklak na nakapatong sa hood ng kotse ko. “Huwag kayo ditong magkalat sa harap ng kotse ko. It’s disgusting.” Bumaling ako sa babae na kasalukuyang nagpupunas ng luha. I can't believe she cried over that corny proposal. “You know what? You should have say no! Lolokohin ka lang niyan!” wika ko. “He will promise you beautiful things at first, but in the end, iiwan ka rin niyan.”

Masama ang tingin sa akin ng lalaki nang kuhanin ang bouquet sa ibabaw ng kotse. Well, pareho naman sila ng babaeng kasama niya. Hinawakan niya ang kamay ng babae bago umatras palayo. If looks could kill, I'm sure I'd be dead by now. But I'm not bothered at all. “Iniwan ka siguro ng boyfriend mo kaya ganyan ka magsalita, Miss?”