Shin Heimuro Santiago. Isang lalaking may kakaibang ugali, mundo, at paniniwala. Hindi siya yong tipo ng lalaking makikita mo sa paligid. Hindi siya iyong pangkaraniwang taong mahilig sa sports, video games, sa pagpunta sa kung saan-saan at iba pa. Sa halip, siya iyong taong mas gusto pang magbasa at magkulong sa kwarto kaysa maglaro at pumunta sa kung saan-saan. Kumbaga isa siyang introvert. Mas gusto nyang mag-isa siya, na parang bang sanay na siya sa paggawa ng mga bagay na hindi kinakailangan ang tulong ng iba.
Claire Vin Villano. Ang total opposite ni Shin. Ibig sabihin nito'y mahilig siyang makisalamuha sa iba. Hindi sya mabubuhay nang walang mga kaibigang kukulitin, dadaldalin, at aasarin. Kilala siya nang lahat dahil madalas siyang dumalo sa mga party na idinaraos tuwing may kaarawan ang isa sa mga estudyante ng paaralan. Ibang-iba ugali nito kay Shin na madalas ay tahimik lang at parang may ibang mundo.
Ngunit isang pangyayari ang maglalapit ng mga landas nila. Isang pangyayaring magiging dahilan upang mapalapit at magkasundo sila sa kabila nang kanilang pagkakaiba.
