:
ولك حنيتلك يالماتحس بيه
بعدها سوالفك تلجمني ليليه
صرت بعدك صور ومعلكة بحيطان
وغير تراب هجرك ما يمر بيه
رحت بس ذكرياتك ما اخذتها وياك
وغيري استوطنوك واني منفيه
شكد صعبه البديك ومن اديك يروح
وحنينة يصير للما بيها حنيه
تمنيتك تحس والبيه بيك يصير
تدري شكد الم بدموع لبنيه
كفر ويه غيرك ابقه وروحي لسه وياك
لا منطيتة شوكي ولا الك جيه
اثير التميمي:
ياهو الكالج ما جاي احسن واشتاك
وياهو الكالج مااموت يوميه
هية ابيتي بس انتي ويه دمي يدور
وعلى اسمج من اجت سميت لبنيه
وشبها هواي منج تضحك بملكاي
بس الوكت الدمع تنطي الشبه بيه
يدفعني العشك للملكه واتعناج
واجي يم بابكم وتخوني ايديه
وارد وركه بهوى ماتدري وين تطيح
بس الادري بي ماصافيه النيه
وشابهت الحرامي ومايعرف يبوك
واني اول حرامي يبوك حنيه
شهد الشمري:
الحركة سولفت ادري الدرب مسدود
بس اشتاكلك يمته ابتعد وانسى
حرت بين الالم والبعد والميجوز
شكد صعبه اليحب ومو ملك نفسه
المهم شخبارهه تحبك تخاف عليك
هم تختار لون القاط لتلبسه
اثاري الموت يوصل للبشر مرتين
اذا دفنو واذا صار بغصب عرسه
اثير التميمي:
ياقاط اليلبسة الجرحه فيت ويا
وانا مخلص ضواي ووحشتي بروحي
كل يوم بجرح من فركتج لليوم
شمايكثر بعدنا يكثرن جروحي
تعدانه الوكت مدري احنى عدينا
هذني دموعي كافي اخذيهن وروحي
بس كلي من تنام…
ادري شتريدين لا مايلمنة احساس
كلش بعيدين
