#معزبة_بعرس_حبيبي
#قصه_جريئه_حقيقيه
👑للكاتبة👑#سارة👑
#البارت5
صارت تفاصيل حلوة ورجعنه للبيت وطبعا لاقريت ولاشي ومستواي الدراسي نزل
بنين : زهراء شسوالج علاوي ؟
زهراء : ماسوه شي شحده يسوي
بنين : اكلج بيني وبينج تره حسين يكول طبيعه اخويا جنسي وخاف يسوي شي لزهراء خلي زهراء اتكون حذره
زهراء : سالمين زهراء قابل هو صاحبي وبعدين شتعرفيني انطي مجال ؟
بنين :هسه مالي علاقه بهالحجي.... مو تنطينه نفسج وتتورطين تره علاوي مينحزر وسكوتي
زهراء : شبيج شنو انطي نفسي اني ممخليته يلزم ايدي ادور انطي نفسي تخبلتي؟(صارت بيه خوفه منه)
علاوي: مجاي تقبل اتقربلها واني معندي اراده ومدااسيطر ع نفسي وصاير تركيزي كله بهاي السوالف بحيث بس اريد انام وياها بس اقنعها اقنعها لو ااطير
زهراء :حجزنه وكملنه تفاصيل عرس بنين واجه يوم الحنه واني اجرت فستان قصيرللحنه يصير جنه بدله بس قصير
الوضع هوسه وفرح وبيتنه مكلوب خطار كرايبنه والجوارين لان بنين هيج رادت نعزم الكل تكول اريد الدنيا كلها تشوفني بالبدله هههه بس طلعت اميره وكولش فرحانه الها
اجو ديحنون بنين ويلبسونها ذهب لان بالخطوبه جنه ممشترين ذهب بعدنه
علاوي : شفت زهراء بالبدله القصيره وشعرها طويل ومخليه تاج والنزاكه والحركات والدلع تخبلت عليها وحسدت نفسي لان هاي مرتي
اكلكم خلونه نعيش اللحضه وياكم ونلبس ذهب واحني مريتي
زهراء: كعدنه بصف بنين وحسين وسوينه مثلهم ههههه شيسوون نقلدهم وكلها كيك اكلنه وراهم شربها عصير شربنه وراهم لبسها بالذهب وعلاوي هم يلبسني
بس شنو هالحجي الدنيا مكلوووووبه لان هواي معازيم يعني الصراحه حتى خفت من العين وهو كدامهم كل شويه يحضني حيل ويصيح شوفو المداليه مالتي هههه لان اكصر منه يسميني♡ ميداليتي ♡
بنين : حسين من يمك ادفرهم سووها بلا ملح
حسين : علاوي ابو دوده متكدر ع نفسك الا تغار مني
زهراء : هههه جان يوم كولش مميز وكولهم يكولون علاوي متخبل عليج بس بنت عمتي الثانيه اسمها ورده مرتاحيتلها شوكت مااباوعلهاا تباوعلي بعين غضب وغيره وتعليقاتها كلها تغث
علاوي : اتصل بزهراء بالليل وتنطيني رفض نرفزتني
دكيت ع امها ردت عليه
امي : ها خاله علاوي هسه هسه تخابرك زهراء
زهراء : الووو ها حبيبي ليش تلح؟
علاوي: انزلهم هسه كلهم بالسره ؟
زهراء: شكوووو؟
علاوي : ماكو شي سلامتج ووووين جنتي حضرتج
زهراء: كاعدين كعده نسوان يعلمن ابنين واني اسمع ههههههه وكتلني الفضول وانت ادك هسه نص المواضيع فاتتني
علاوي : امداج عايفتني علمود هاي خو كوليلي اني اعلمج ويوميه انطيج درس
زهراء : لاعيب هن غير خالاتي وعماتي ونسوان بيناتنه انت شكو حطيت روحك لو تموت عاالفساد
علاوي : اي وعلمتو بنين لو بعدكم
زهراء : هههه خليها سكته اني وبنين عبالنه ذكيات طلعت نص معلوماتنه غلط ظلينه وحده صافنه بوجه الثانيه
علاوي : ههههه فهميني اكثر سولفيلي بالتفصيل
خالتي : زهراااااااااء هي مال تلفون بربج متجين راح يطير علاوي
زهراء : حبيبي لازم اروح بالليل اسولفلك
علاوي : خالتها الجكمه وكتها راح اموت واسمع تفاصيل منها
زهراء : رجعت خابرته ب2
علاوي : اسولف ويا ديما ومندمج واتصلت زهراء بيه
دمدم حبيبي شويه واخابرج بس اروح للحمام
ديما : اوك
زهراء : ها حبيبي اسفه اتاخرت عليك بس هسه الانامو
علاوي : اششش تعالي نامي بحضني
زهراء : بعد التفاصيل السمعتها قبل شويه عن الزواج والنوم والرجال صرت افهم علاوي اكثر
حبيبي اشو صوتك منتهي ؟
علاوي : اي هو اني منتهي تعالي يمي اريد اخلي شفتي ع شفتج و.......و........و....
زهراء: دكافي شهالعبان النفس اكو واحد هيج يحجي بالتلفون وياخطيبته
علاوي : يعني لاتريحيني من اشوفج ولاتريحيني بالتلفون لاتلوميني اذا ادور عليج
زهراء: يعني شلون اريحك بالتلفون رجلي انت وتريدني اخذ راحتي ؟
علاوي : اي رجلج لعد منو صاحبج اني؟
زهراء: اسمعني صح احنه عاقدين بس مالك حق تتقربلي ولاتحجي طوخ هيج اني مو رخيصه حتى هيج تسوي وتروح لذه الخطوبه اذا تبقه هيج
علاوي : يااااااابه دروحي طبج مرض وسديته بوجهه
وخابرت ديما
ديما : ها حبيبي
علاوي : يلا حبيبتي تعالي ريحيني حموت
ديما : اني اريده هيج يحجي واسويله واهس حتى يتعلق بيه
علاوي : طيرتي عقلي من راسي انتي اروحلج فدوه اني
ديما : دتعال اتصل بيه مكالمه فيديو خلي نفتح كاميرا وناخذ راحتنه اكثر
علاوي : ابوس ايدج بسرعه ماتحمل بعد بسرعه افتحي كاميرا
زهراء : نمت مقهوره ومحتاره هل ياترى الداسوي صح لو غلط
يوم العرس مااتصل بيه واني اتصل بي ميرد ظليت بالي مو يمي احس نفسي مثل التايهه ولبست فستان شيفون طويل والستره كابوي ومكياج هادئ والشال بس هيج شامرته ع شعري ومطلعه نص كذلتي استغليتها فرصه لان مناسبه هههه
مصطفى (ابن عمتي الثانيه) :- رحت لعرس حسين عزموني واني مابنفسي اروح بس عمتي حرجتني كالت علمود الكيه مالتك البنات ياخذون راحتهم احسن من الغريب واني ماردت اروح حتى مااشوف زهراء لان حبي الهه يزيد يوم عن يوم وبالاخص وره مانخطبت كمت احبهه اكثر. ... رحت
زهراء : اجو الزفافه وعلاوي ممعبرني واني مو بعينه ابد وحتى ماكال تعالي اصعدي ولاحضرلي مكان ...عمتي وحسين وبنين حايرين بيه اكثر منه
كلش تنرفزت ورحت صعدت ويا بنات خالاتي والمكان صار حصر والصدر فارغ
كمت وصعدت بالصدر هههه حتى استفز علاوي
مصطفى : زهراء صعدت بالصدر ومبينه تريد تكيد علاوي ومتغيره وحافه وزايده جمال ونفس الثقافه والنزاكه يعني الله صبرني ومابجيت من القهر لان حب من طرف واحد يذبح ويموت الواحد
علاوي : اتونست ويا ديما وقررت البس زهراء واتعامل وياها بشكل طبيعي واكمل دراستي ومااتقيد بيها لان اني هيج جنت مقرر من البدايه لان خطوبتي تقليديه قابل عن حب وهيج ذبحت روحي.........
حسين : اكلج بنين هاي زهراء صاعده يم مصطفى اليوم يخرب العرس وتصير مشكله
بنين : وليش تصير مشكله ماشفته علاوي شلون رافع خشمه للسمه زهراء فشلت ورادت تبجي شنو البارحه محتار بيها واليوم لابسها كدام العالم صدك جذب
حسين : انتي بعقلج شي حتى اذا لابسها شلون تصعد ويا مصطفى
بنين : هاي شبيك قابل غريب مو هم ابن عمتنهبنين : عزززززززه والقران مندري(هاي عود زفه خلصناها مناكر )
علاوي : كشخت كشخه عرس ومااسولفلكم عالبنات هههه بس زهراء خرب بيها عقلي وتفكيري يمها اكااابر وبقيت احاول ادوس ع كلبي و اتحديت نفسي
لمحت زهراء كاعده بالصدر يم مصطفى بوياااااي الحكووو دمي كام يفور فقدت اعصابي
عمتي : اكلك ابو علي شبي علاوي يمه راح يسوي حادث
زهراء : مصطفى يسرع وصوت هورنات عرفته علاوي شافني
مصطفى : حقرت ويا وماانطيته مجال واعلمه شلون شايف نفسه انعل ابو لابو حتى السياره الصاعد بيها عود عنده فلوس ويشلخ عالعالم
علاوي : اريده بس يوكف الكلب كام يطارح وياي ميدري بيه مخبل
عمي ابو علاوي : الووو لك انت تخبلت تريد تخرب زفه اخوك
علاوي : اليووووووووووم ادفنها وادفنه
بنين : عمي وكف سياره الزفه
مصطفى :الزفه كلها وكفت بعد مابيها مجال لازم اطبك
زهراء : بكلبي ارجف بس اكابر ورافعه حواجبي عود اني مسيطره وكلت مااانزل مو ع مزاجه اني
علاوي : اني ماخذ عليها نظره صغيره وبريئه وفقيره نزلت متخبل وهي تباوعلي بكل صلافه وتكولي ماانزل جن اجنوني كمت اصيح جريتها من ايدها حيل حتى احس ايدها طكت بيدي وكلت لمصطفى انت بعدين حسابك شو هذا بطنش عليه ومشه ....صعدتها بسيارتي بعدما اكلت طن رزايل من ابويا وامي وحسين بس اطلعها منج زهراء واصبرلي مصطفى
زهراء : شبعت بجي لان انحرجت وعيب من كرايبنه وكلبي حسني يصير شي لان اني هذا نظام حياتي اذا افرح ادفع ثمن فرحتي ومتعلمه الفرح ميدوملي
ابو علي : اكللكم علاوي ماكو سيارته
بنين : اكللكم تره عيب هيج يتصرف ويا زهراء كمت ابجي وحسوني سكتني
حسين : حبيبتي انسيهم اليوم يومنه هذول ع كولتج عكره بكولشي
ابو علي: سياره علاوي ماكو وؤا الزفه وين اخذ البنيه وراح
يتبع
