#معزبة_بعرس_حبيبي
👑للكاتبة 👑#سارة👑
#بارت4
احب انوه ع شغله مهمه :- حتبدي تفاصيل جريئه واقعيه ف الي يتحسسون من كلام +18 مانصحهم يكملونها
علاوي : نزلنه للسوك وزهراء الها طقوس خاصه حتى تشتري اول خطوه تعرف السعر وبعد تشوف نوع الخيط المخيطين بي الملابس وتحرك الدكم تشوفهن ثابتات لو لا وتخلي ع ضوه الشمس حتى تشوف الاشعه تخترقه لو لا وتقيسه بالمنزع وورا كل هذا تطلع ممقتنعه ومتشتري
زهراء : اني كتلهم اني نحسه بالملابس مااختار بسرعه ماصدكو
عمتي : زهراء صدك تحجين سوك شكبره وشكده مو بعينج
زهراء : عمه انتو اخذو التحبونه اني معاجبني شي
علاوي : موهاي بنين هم دتختار واشترت واكو ملابس عجبني حلوات انتي قافله
زهراء : تره بنين ذوقها بيئه مستعده تلبس ملابس حسين هم ..... اخذ العجبنك
جهزنه كولشي وذهب وملابس وفساتين والصدمني فلوسهم كلها ورق وممهتمين ميخافون عالفلوس لاتخلص مثلنه اويجمعون ويرحون للسوك ... يعني وحده ذهب ب3 ملايين وملابس وفساتين ومكياجات بالمليونين يعني طلعه وحده صرفو عشر ملايين وهم ممهتمين ولامحتارين وعلاوي لحد اخير شي كملنه وهو محفضته بعدها متروسه ورق الله يزيدهم
* علاوي : ضجت من شغله اي محل نكول دنجهز يبقون صافنين ع زهراء شلون طفله ومقهورين عليها رغم بنين وياها بس بنين لسان وصوت عالي مبينه اكبر وزهراء هادئه تهمس همس .... المهم اشتريتله ومخليت شي بنفسها واتمنيت اشتريلها اكثر
* بنين : زهراء فد قنقينه وعكره شبيج تخبلتي كلشي ميعجبج
* زهراء : لاتتدخلين اكدر اكوله هسه انتي ملطلطه ؟
* امي : دكافي الا تنغصنها ع نفسجن
* علاوي : العصر الا كملنه الجهاز والفون الثاني بالجكمجه لكيته محترك حرك ديما كالبه الدنيا
* ديما : احسه ديحب ويتهرب مني ...بعدما خليته يتعلق بيه منو التاخذه مني غير اذبحها واذبحه
* علاوي : هاي شبيج تخبلتي انتي
* ديما : وين اختفيت بس فهمني
* علاوي : تره هسه الا صارت مغرب يعني ممختفي يوم كامل
* ديما : هاي هيج تحجي بدم بارد
* علاوي : اسف حبيبتي التلفون صامت وبالسياره والسياره ماخذها حسين
* ديما : زعلانه وهسه لازم ترضيني
* علاوي : شلون ارضي لعابتي؟
* ديما : تجيني هسه اشوفك
* علاوي : تدرين بيه مخبل
* ديما : اي اريد اجرب خبالك
* علاوي : طبعا ماكو حب بداخلي بس هيج ونسه وطربكه واطلع عضلااتي عود اني كد كلمتي
* ديما : ها علوشتي ..... حنزل هسه
* علاوي : بيتهم ڤله مو بيت طركاعه وكفتلها بعيد شويه عن بيتهم
* ديما : نزلت وطلعتله اباوعه جسمه معضل ووكاشخ ومن شعر راسه لاظفررجله ينأكل اريده يتعلق بيه حتى اكشخ بي بالجامعه
* علاوي : طلعتلي ديما لابسه برموده مدري شورت المهم اركبها طالعات والصدر نصه طافر وطالع لان لابسه دلعه والمكياج اليكول صالون....خبلتني
* ديما : تره ابويا معزوم عالعشه بس البقيه بالبيت جان كتلك تفضل ههه
* علاوي : هههه متقصرين .... ها شفتيني ؟ اروح ؟
* ديما : علاوي لازم نتقرب لبعض اكثر واكثر بأقرب فرصه
* علاوي : كالت لازم نتقرب لبعض اكثر وطبت جوه ظلت سالفتها ابالي.... من رجعت ع طريقي مطعم صاج الريف اشو ماعرف اشتهيت اللفات لزهراء اخذت لاهلها كلهم والها علاكه وحد
* زهراء : خابرني علاوي كال جاييكم اني..... وهالحجي لابسه الفستان اقيسه والغرفه مكلوبه كواغد ونايلون وملاااااابس....../ اجلها حبيبي وقت مو مناسب
* علاوي : شنو لازم متواعده ؟
* زهراء : اي وياك بس والله هوسه وبعدني سحاب الفستان مسادته وانت اتصلت هههه حتى مالحكت اشوفه حلو لا عليه
* علاوي : عوفي اني اجي اسدلج السحاب
* زهراء : شكد وكح انت .... تعال هلا بيك
* علاوي : طلعلي خالي وانطيته العلاليك وكتله بس اسلم ع زهراء (خالي فقير كلش من اهل الله ) وكال اي ابني تفضل جوه وسلم كتله لاهنا بالحديقه احله
* زهراء :رتبت وجهي بمكياج خفيف وشعري طويل وسرح شلته بقراصه صغيره وكلبته صار حلو ويا الفستان وطلعت لعلاوي
* علاوي : كاعد عالكرسي بالحديقه وزهراء سدت عيوني والغبيه تكول احزر اني منو ... زين وبالنسبه لصوتج هم مااعرفه؟
* زهراء : ههههه ها شلونه الفستان عليه ؟
* علاوي : لج شعرج شو كصير وينه
* زهراء : لا رافعته بالقراصه خليت ايدي عالكماشه اريد اشيلها وصاح لالا عوفيها
* علاوي : اباوع ع الشبابيك مثل الحرامي خاف واحد ديراقب المهم فحصت الوضع بسرعه محد اكو .... كمت واني فتحت القراصه
* زهراء : وخر القراصه ويفرك بشعري رجع خله اصابيعه بنص شعري وكام يكفش بشعري ههه بس ذوبني بهاي الحركه
* علاوي : شعرها مال اجيب شاعر واخلي يشعرلي عليه هلكد ما طويل وثخين وسرح يعني انصدمت بي لان بالخطوبه مجان هيج صح حلو بس هسه احلى بقاطات ام الصالون ماعرف شمغيره بي المهم من يومها وشعرها احبه بكدما احبها
رجعت من بيتهم والطريق كله افكر واقارن ديما جنها بنت ليل تصرفاتها وسوالفها وذابحه نفسها مكياج ولبس ومتجي لذره من جمال واخلاق مرتي .... لعد هيج اتصرف برعونيه ؟ ممم يلا شاب وطالب ومن حقي قابل اني نبي هي لازكتلي !!!!
* زهراء : نظفنه اني وبنين وكلمن خلت جهازها وحد ومددت داانام واعيد بسوالفه الحلوه شلون الشريط
